Ливерпул се чуваше претходните преодни рокови и го стегна каишот, ама летово се отвори на големо и потроши досега 252 милиони фунти со отворена можност да пазари уште некое засилување. Челси е втор, а тука се уште и Арсенал и Сити.

Новиот филм „Ф1 - Филмот“ режиран од Џозеф Косински а со Бред Пит во главна улога раскажува приказна за извесен лик Сони Хејс кој во '90-те години бил врвен Формула 1 пилот се до еден инцидент кој му ја прекинал кариерата. После година и нешто, сопственикот на тимот кој паѓал во бездна, го убедил Сони да се врати и да ја покрене екипата.

Колумбиецот Џон Дуран има 21 година а веќе има сериозна кариера. Со Астон Вила играше во Лига на шампиони каде забележа неколку добри настапи. Набрзо отиде за рекорден трансфер во Саудиска Арабија и потпиша за 77 милиони евра во Ал Наср кај Кристијано Роналдо. После само неколку месеци се врати во Фенербахче каде ќе игра како позајмен играч. Еден турски новинар тргнал да го интервјуира пред подготвителен натпревар на Фенер, Колумбиецот не разбира турски па одговорот беше:

Големата суперѕвезда на Лос Анџелес Клиперс кој не игра кошарка уште од 3-ти мај кога неговиот тим беше елиминиран од Денвер Нагетс во 7-от натпревар, летово не посветил внимание на своето тело како што тоа го стори пример Лука Дончиќ. Харден се здебелил како ретко кога во кариерата.

Големата НБА суперѕвезда Лука Дончиќ од ЛА Лејкерс, во понеделникот од САД се вратил дома во Словенија а денес утрово ѝ се приклучил на репрезентацијата. Тренирал видно ослабен, стопен, спремен за Европско првенство 2025. Словенците се во група со Франција, Израел, Исланд, Полска и Белгија.

Она што беа Рио Фердинанд и Видиќ за Манчестер Јунајтед, тоа беа Џон Тери и Бранислав Ивановиќ за Челси. Србинот освои Лига на шампиони, Лига Европа, Премиер лига, ФА Куп, практично сè што може да се освои со сините. Стана и капитен и права легенда на клубот од Лондон. Се повлече мирно и тивко, без голема помпа а од српскиот фудбалски сојуз не доби никакви почести за она што го правеше за репрезентацијата.

Најдобри пливачи на Светско првенство во пливање 2025 се 18-годишното чудо од Канада Самер Макинтош (4 злата и 1 бронза) и врвниот Леон Маршан (2 злата + сребро во штафета + светски рекорд на 200 метри мешан стил). Но најголемо внимание од сенка привлече едно 12-годишно девојче од Кина кое освои бронзен медал во штафета, беше четврта во индивидуална трка и веќе ја сметаат за феномен.

Италијанскиот тренер Роберто Де Ѕерби важи за еден од најдобрите италијански стратези последниве години. Успешно го води Олимпик Марсеј со кого ќе игра и во Лига на шампиони сезонава. На еден од последните тренинзи на Марсеј влегол во конфликт со 23-годишниот талент Исмаил Коне зошто овој воопшто не се залагал на тренинг. „Јави се кај менаџерот, јави се кај менаџерот“, викал Де Ѕерби кој го пратил истиот ден на позајмица во Сасуоло.

Навивачите на Жалгирис од Каунас за време на синоќешниот меч против градскиот ривал Кауно Жалгирис кој го изгубија 1-2, фрлале огромни празни куфери на терен во знак на револт и бес против тренерот Владимир Черубин од кого бараат да си оди. Жалгирис минатата сезона на 17 меча под водство на Черубин собрал само 19 мизерни поени а сезонава исто имаат пораз до пораз па навивачите со право се бесни на управата и на тренерот.

Сантос го победи Хувентуде со 3-1 во 17. коло од бразилската Серија А и избега од дното на табелата па сега е на 15-то место од 20 клуба (5 победи, 3 нерешени, 9 порази). Нејмар постигна два гола, еден од пенал и стигна до бројка од 6 гола и 3 асистенции на 17 натпревари во бразилскиот фудбал. Му прати порака на Карло Анчелоти да го планира за репрезентација за која не играл уште од октомври 2023-та кога се пвореди. Бразил ќе игра во квалификации за Светско против Чиле на 4-ти септември дома и на 9-ти октомври на гости против Боливија.

Фудбалерите на Ливерпул одиграа две пријателски средби против Атлетик Билбао, на „Енфилд Роуд“. Првата црвените ја добија 4-1 а во втората славеа 3-2 со два гола и еден автогол на Коди Гакпо. На првиот меч прекрасен погодок дал малиот 16-годишен Рио Енгумоа кој дошол во Ливерпул од школата на Челси. Арне Слот планира да го остави да тренира со првиот тим.

Во рамки од мини-турнирот Премиер лига летна серија во САД на кој играа Манчестер Јунајтед, Вест Хем, Борнмут и Евертон, Бразилецот Еванилсон од Борнмут ја забележа утката на сезоната. Се посрамоти во поразот на „црешите“ 0-2 од Вест Хем.

Во Куп на Аргентина Расинг Клуб со 3-0 го совладал Депортиво Риестра. Во 32' минута било 3-0 а третиот гол го дал Факундо Мура. Што би рекол коментаторот мајко моја какво голчиште!

Во првенството на Босна и Херцеговина, Сараево водеше со 3-0 против Радник Бијељина а на крај мечот заврши со неверојатни 4-4 откако гостите дале четири комада за 28 минути. Стефан Ристовски блесна и го постигна првиот гол сезонава и тоа каква голчина! Два погодоци за Сараевци дал повремениот македонски репрезентативец Агон Елези.

Триесет и четиригодишниот холандски центарфор Лук де Јонг како слободен играч потпишал со португалскиот гигант Порто. Ветеранот имаше сјајни сезони во својот ПСВ Ајндховен но сега добил понуда која не се одбива. А во Порто ништо не кажувале и решиле да ги изненадат навивачите пред пријателската со Атлетико Мадрид кога играчите излегле на теренот.

Кога свилените дужегрижници ќе се исмеваат на некој убав автентичен подарок во селскиот фудбал во регионов, само покажете им го ова, од прва лига на Норвешка.

Екипата на Манчестер Јунајтед на мини-турнеата во САД, на турнирот Летна Премиер лига серија, ги совлада Борнмут и Вест Хем, а одигра 2-2 против Евертон па така го освои малото пехарче наменето за најдобриот во Атланта, во Џорџа.

ПСВ Ајндховен е освојувач на холандскиот Супер куп кој ја носи наградата „Јохан Кројф“, откако синоќа после пресврт победи 2-1 против освојувачот на Купот, Го Ахед Иглс на свој терен на „Филипс Арена“ во Ајндховен. Во 78' минута Иван Перишиќ асистираше за гол на стрелецот Герит Наубер па падна преку рекламите.

Тотално неочекувано долгогодишниот капитен на Тотенхем, симболот на овој клуб, Кореецот Хонг-мин Сон најави во саботата вечер дека за некој ден си оди од клубот и ги шокираше навивачите. Денес на пријателска против Њукасл во неговата татковина, во Сеул, за последен пат го носеше дресот на Спарс. Му направија почесен коридор, го фрлаа во воздух, а цел стадион со стоечки овации го испрати. Ќе оди во САД каде ќе игра за Лос Анџелес како најскапо платен играч во целата МЛС лига.

Навивачите на холандскиот клуб НАК Бреда дошле на пријателска средба со Норич во Англија во голем број. И таму правеле шоу.

Триесет и седум годишниот фудбалер кој освои Светско првенство 2022 со Аргентина и кој беше главен творец на ренесансата на Аталанта, сега се враќа во италијанскиот фудбал. Ќе игра во Серија Б за Падова.

Синоќа стартуваше новата сезона во втората германска Бундеслига а истата ја отворија децениските прволигаши Шалке и Херта во меч кој заврши 2:1. На „Фелтинс Арена“ во Гелзенкирхен официјално имало 62.270 гледачи што е еден од рекордите на втора лига во Германија.

Триесет годишниот Анхел Кореа после цели 10 години во Атлетико Мадрид каде одигра 335 натпревари и постигна 70-ина гола на почеток на јули се пресели во мексиканскиот клуб Тигрес УАНЛ. Постигна два гола во победата над Хјустон Динамо а едниот погодок беше многу чуден и интересен.

Во едно прикладно видео со сегашни играчи од клубот како Ван Дајк, Салах, Куртис Џонс, Сери Холанд и легенди од минатото како Сер Кени Даглиш, Роби Фаулер, Џејми Карагер, Иан Раш и Џон Барнс, Ливерпул ги претстави новите дресови од Адидас со кого во март потпиша 10-годишен договор за соработка.