НБА лигата уште еднаш му се поклони на големиот Никола Јокиќ кој синоќа на мечот Денвер - Феникс кој Нагетс го добија 149-141 после продолженија, имаше историски учинок каков што немал никој пред него.

Тренинг кој делува невообичаено или не? Лука оди под кош оптегнат со ластик и трпи удари по тело. И да, на само 14 години.

Не сме налетале до сега на ваква сторија и реалност, а тоа е некој со толку силна биографија да залута во македонскиот фудбал, па макар и што е генерација со Серхио Рамос.

Во италијанската втора лига Серија Б, во екипата на Чезена брани Џонатан Клинсман. Голманот е син на легендарниот Јирген. Чезена во моментов е на 6. место на табела со 40 бода, а тоа место води во баражот за Серија А. Клинсман-помалиот на средбата против Салернитана требал да брани пенал во 82-ра минута. Го прашал детето задолжено за фаќање топки на која страна да се фрли? Му рекол на десна. Откако го одбранил пеналот со парада во десно, Џонатан Клинсман му го подарил дресот на малиот Иван.

Вердер Бремен е еден од најстарите германски клубови. Основан е пред 126 години. Вердер има 4 шампионски титули во германска Бундеслига а дури 7 пати биле вицешампиони на второ место. Имаат и 6 шампионски пехари во германскиот Куп и четири германски Суперкупа. Во 1992-ра освоија и Куп на Купови. Убави страници од нивната историја испиша и Бразилецот Диего.

Ретро старо точно 30 години од полуфиналето во Купот на УЕФА. Јуве дома игра 2:2 против Борусија Дортмунд. На гости е 1:1, за потоа на слободен удар да застане едно од најлегендарните италијански фудбалски имиња. На терен се и ликови како Дел Пјеро, Раванели, Конте и Дешамп, а на клупа е Марчело Липи. Борусија тогаш ја води Отмар Хицфилд.

Новинар го прашува Симоне Инѕаги дали Интер оди на двојна круна, ама доби друг одговор кој не е воопшто лесен за остварување. Во Серија А се први, ама на само 1 бод пред Наполи и 3 од Аталанта. Во Куп се стигнати до полуфинале каде ги чека градско дерби, а во ЛШ се осминафиналисти со предност од првиот дуел против Феенорд од 0:2. Последен кој донесе тројна круна во Милано е Жозе Мурињо во 2010-та.

Навивачите на Манчестер Јунајтед се изненадени и самите од резултатот 1-1 на гостувањето кај Реал Сосиедад во осминафинале на Лига Европа, затоа што англискиот состав допатува без многу отсутни фудбалери кои се повредени. Извадија поволен резултат пред реваншот на „Олд Трафорд“. А можеше да биде уште подобро ако десниот бек Диого Дало се решеше да не биде себичен додека Хојлунд беше сам пред гол.

Пауло Фонсека окрка дебела суспензија од 9 месеци поради агресија врз судијата за време на натпреварот против Брест во домашното првенство. Синоќа Лион ја доби Стеауа Букурешт на гости со 1:3, а после еден од головите играчите го гушнаа својот тренер, кој реагираше емотивно.

Не постојат повеќе објаснувања за овие луди, па и нелогични тројки на Стефон Кари кој гаѓа од кај што ќе стигне и посака. Голден Стејт Вориорс го совлада Бруклин Нетс со 121:119, а Кари го заврши мечот со 40 поени, 4 скока и 4 асистенции. Погледнете го што направи и тоа од кај логото. Не е нормален.

Јагелонија го суреди Серкл Бриж со три комада во рок 9 минути, во периодот од 69-та до 78 минута, на првиот осминафинален меч од Конференциската лига. Напаѓачот од Ангола Афимико Пулулу ги воодушеви своите соиграчи со акробација на која се држеа за глава. Дарко Чурлинов играше до 61-ма минута.

Реал Сосиедад и Манчестер Јунајтед одиграа 1-1 во натпревар од осминафинале на Лига Европа. Пред реваншот на „Олд Трафорд“, на прекрасниот стадион „Аноета“ во Сосиедад домашните навивачи направија шоу во нивен стил, со препознатлива баскијска зига-зага. Манчестер поведе прв преку Џошуа Зиркзе во 57-ма минута, а домаќините израмнија од пенал преку нивниот лидер и капитен Микел Ојарзабал во 70-та минута.

Во рок од 5 дена Лацио победува на гости со гол во 98-ма минута и тоа со идентичен резултат 1:2. Прво го срушија Милан со пеналот на Педро, а синоќа и Викторија Плзен со убавиот гол на Густав Исаксен за растеретување во реванш осминафиналето од Лига Европа следната недела. Римјаните добија два црвени во 77-ма и 93 минута. Прво беше исклучен Ровела, а потоа и Жигот. Шпанскиот ветеран направија фотографија во соблекувалната со 14 години помладиот Данец. 

Единствениот македонски претставник на Европското атлетско првенство во сала, Андреас Трајковски забележа извонреден успех во дисциплината скок во далечина. Трајковски со скок од 7,85 метри заврши на 7. место и влезе во топ 8 на најдобриот европски собир на атлетичари во Апелдорн, Холандија.

Во дербито на вечерта, Рома со 2-1 го совлада Атлетик Билбао во првиот натпревар од осминафинале на Лига Европа. Гостите од Билбао први поведоа преку нивниот најдобар играч Ињаки Вилијамс во 50' минута. Рома израмни само осум минути подоцна преку левиот бек Анхелињо во 56-та минута. А на крајот во последните моменти од мечот, во 90+3' минута од судиско продолжение, Елдор Шомуродов постигна гол за победа и делириум на трибините на „Олимпико“. Баскијците од 85-та минута играа со играч помалку по црвениот картон на Јерај Алварез.

Во најинтересниот меч на вечерта, ЛА Лејкерс синоќа го совлада Њујорк Никс после продолженија 113:109 и ја запиша осмата победа по ред во НБА! Лејкерс игра фантастично периодов, а Лука Дончиќ одлично се вклопи во новата средина.

Ренџерс прописно го растури Фенербахче среде Истанбул со 1-3 во првиот меч од осминафинале на Лига Европа. На шкотскиот тим притоа му поништија два гола. После натпреварот за време на новинарски прашања на прес-конференција Мурињо се правеше дека му се спие од досада.

Со две раце го потпишуваме ова што го зборува. Невиден цар кој е 1.000% во право.

Оливие Тебили беше фудбалер од Брег на Слонова Коска кој во 2000-те години играше за француските Ниор и Шатеру, а подоцна настапуваше за Селтик, Бирмингем Сити и Торонто. Еднаш во англискиот фудбал ќе постигнеше ефектен автогол.

На толку големо меѓународно искуство и куп натпревари за големи екипи како Арсенал и Јувентус, Барселона многу добро знаеше каков голман враќа на терен од пензија. Затоа и не примија гол на првиот осминафинален меч од ЛШ, бидејќи го имаат Пољакот.

На денешен ден, 6-ти март 1902 година е основан Реал Мадрид, најголемиот светски фудбалски клуб според многумина. Реал со пригодно видео го одбележа роденденот. „Кралскиот клуб“ е најтрофеен во европскиот клупски фудбал и клупска кошарка. 26 европски шампионски титули (15 во фудбал и 11 во кошарка).

Познат е како Бамбино Понс. Аргентинец е. Работи за аргентинското студио на гигантот ЕСПН во Латинска Америка. Познат е по тоа што пее на секој постигнат гол, а секогаш пее различна песна. Сам си ги смислува во моментот. И многу им е симпатичен на гледачите во тој дел од светот.

Лос Анџелес Клиперс го совлада Детроит Пистонс 123:115 во натпревар на кој Џејмс Харден постигна страшни 50 поени! Ветеранот имаше уште и 5 асистенции и 4 скока. Голема поддршка Харден имаше и од Богдан Богдановиќ кој постигна 23 поени со 3 скока и 3 асистенции како и Ивица Зубац со 22 поени и 11 асистенции.

Сегундо Кастило е млад 42 годишен тренер кој ја води Барселона Спортинг Клуб или позната Барселона де Гвајакил од Еквадор. Неговите сфаќања за тоа како треба да биде облечен за време на фудбалски натпревар се скроз поинакви.