Симјановски влезе во самиот финиш, одигра 2 минути и 28 секунди, постигна една убава тројка од агол а на крајот заслужено доби честитки од повозрасните првотимци и ѕвезди како Чима Монеке, Никола Калиниќ, Џаред Батлер, Девонте Грем... Дебитираше на само 16 години и 3 месеци!
Досегашните рекорди ги држеа Никола Топиќ со 16 години и 7 месеци, Воја Стојановиќ со 16 години и 9 месеци, Слободан Николиќ и покојниот Бобан Јанковиќ со 16 години, Немања Недовиќ со 17 години, сегашниот тренер Саша Обрадовиќ исто со 17 години дебитирал за црвено-белите а толку имал и Неша Илиќ. Деби на млади години за Звезда имале и Предраг Стојаковиќ кој со неполни 17 години заиграл за првиот тим, Стефан Ллазаревиќ и Бориша Симаниќ исто на 17 години.
Огњен Симјановски блесна минатото лето кога со Србија стана европски шампион на кадетско Европско првенство во Грузија. Симјановски играше одлично на цел турнир а во големото финале против Литванија постигна 22 поени со пет скока и шест асистенции.
Се претпоставува дека тој има далечно потекло од Гостивар, неговите родители и брат му се родени во Србија, а тој веќе настапува за селекциите на Србија односно има кошаркарски пасош на оваа земја.
Деби имаше и младиот 17-годишен Алексеј Недељковиќ кој исто ги постигна првите поени за белградскиот состав.
16-year old Ognjen Simjanovski and 17-year old Aleksej Nedeljković have scored their first #ABALiga points for @kkcrvenazvezda tonight!
— AdmiralBet ABA League (@ABA_League) December 27, 2025
What a night for the two young guns! pic.twitter.com/moaCvCYeDN
