Има судиски утки и утки. Оние кога милиметри се во прашање се претешки за судиите, па среќа варот се шири по лигиве. Ама за ова е живи срамои да кренеш знаменце. 

Светската куќа на фудбалот на 24 септември во Лондон ќе ги додели најпрестижните годишни награди. Покрај оние за најдобар играч, тренер и сл, ќе се гласа и за навивач на годината. Ова е нашиот фаворит кој влезе во финалната трка.

Роден во 1981 година. Има 37. Додека речиси цела негова генерација фудбалери се повлечени, тој уште игра и дава голови во својот Бетис.

Дали УЕФА е свесна дека во Лига Европа ќе играат два клупа со ист сопственик? Одговорот е: да, знае, но смета дека РБ Лајпциг и РБ Салцбург не се доволно силно поврзани за да ја стават под прашање чесноста на спортската борба меѓу нив.

Касни, спор е, не се залага, греши основни додавања, не го бива за игра еден на еден. Добро како го трпеле Бразилецов седум години во Порто? Не зборуваме за Мајкон што газеше во Интер, туку оној од Галатасарај. Ова е пресек од мечот против Трабзонспор. Перформанс за нигде никаде.

Ангажманот на судиите во кабината (video assistant referee) кои ги укинаа само во Премиер лига, а во ЛШ ќе ги нема ниту сезонава, ја демострираа користа и во Ла Лига. Со ВАР се ќар и самите играчи кои поминуваат со помалку картони.

Осијек летово направил одлична реорганизација, атмосферата околу клубот е супер а навивачите го исполннуваат стадионот „Градски врт“. Ништо чудно да им ги замрсуваат сметките на Динамо и Ријека сезонава. На последниот меч минатиот викенд против Локомотива Загреб, Харис Хајрадиновиќ со два гола им донесе победа и нови три бода.

Еден од најдобрите фудбалери во историјата, Бразилецот Роналдо купил 51% од акциите на клубот Реал Ваљадолид за 30 милиони евра. Во играчката кариера против овој клуб дал шест гола.

Какви пациенти држи фудбалот тоа е чудо невидено. Мислевме дека Луис Суарез е единствен канибал во фудбалот, ама му најдовме конкуренција и тоа сериозна. Овој се насладува од коса односно глава.

Иако е прерано да се каже, сепак ова е одбрана на сезоната, барем во јужноамериканскиот фудбал. Јунаков од чилеанскиот второлигашки фудбал реши и реши да не прими гол. Колкава жртва, мислиш игра на финале на светско.

Минатиот петок на полноќ заврши летниот преоден рок во шпанскиот фудбал. До последен момент се очекуваше каков адут од ракавот ќе извади Флорентино Перез кој цело лето беше невообичаено мирен. На крај се реши за играч кој настапуваше за Реал Мадрид.

Погба утна пенал, Рашфорд доби црвен картон во 71’ минута, ама Манчестер Јунајтед го преживеа гостувањето кај Барнли и славеше со 0:2. Доволна причина Жозе Мурињо да ја подари јакната на еден гостински навивач.

Не ми е проблем да го поминам играчот со топка, линискиот судија, да излезам од терен и да трчам по атлетска патека, да стасам на време за топката и да ја дадам на тацна. Што е не верувате?

Турците се познати фудбалски фанатици. Еден навивач на Фенер не можел да собере пари за новиот дрес па решил да направи од сино-жолти кеси. Клубот експресно реагирал и го поканил за да му подари нов дрес.

„Религијата ми е многу важна. Ги почитувам правилата на Исламот и се молам пет пати во денот, секогаш“, изјави пред две години Садио Мане, еден од најдобрите фудбалери во Премиер лигата кој отишол да чисти една локална џамија неколку часа откако даде гол во победата против Лестер на гости (1-2).

Пласманот во мундијалското финале и освојувањето на сребрениот медал за Хрватите не беше никаква случајност. Тоа е збирштина на играчишта кои играат и газат во големи клубови. И пред и по светско, момците се на висина на задачата.

Имаат стадионче 30 пати помало од Сан Сиро. Имаат население колку една скопска општина. Тренерот Дино Топмелер е една година помлад од капитенот на екипата.

Нивото на мак фудбалот не се мери само по квалитетот, организацијата, инфраструктурата и слично, туку и по менталитетот и културата на самите актери на терен. Фоткава не е од селана, туку од прва лига, а на неа е фудбалер на Шкендија на гостување против Шкупи, кој до скоро играше на европска сцена. Сам се издаде по бројката.

Ватфорд го изненади Тотенхем со 2:1, а заменикот на повредениот Хуго Љорис, направи потег веројатно до сега невиден во Премиер лигата. Ви го претставуваме Мајкл Ворм, голман со четири настапи во англиското првенство од август 2016-та до сега. Што значи и не мора да значи дека е до сонцето.

Селчук Инан е капитен на Галатасарај и турски репрезентативец. На еден домашен меч навивачите му довикуваат од трибините додека се спрема да изведе корнер, и тој ги послушал.

Челси игра неверојатно со новиот тренер Маурицио Сари кој важи за сјаен тактичар. Имаат 4 од 4 а меѓу подобрите играчи очекувано е Нголо Канте.

На Фабио Кваљарела не му ги гледајте годините. 35 се, ама воопшто не му стојат со оглед на тоа што го прави. Лани имаше страшна сезона во која постигна 19 голови, а синоќа го дотолчи Наполи за 3:0 во стил на кој нема право да мрчи ниту Ибра. 10 пати вреди да се изгледа голов кој не го прослави од почит кон својот поранешен клуб.

По Александар Траковски за Палермо и Горан Пандев се најде меѓу македонските стрелци во италијанскиот фудбал. Во голеагада од 5:3 на дуелот Сасуоло - Џенова, капитенот на македонската репрезентација го постигна вториот гол за својот тим, инаку прв за него оваа сезона.

Кореецот Хјонг-мин Сон ги освои Азиските Игри во Индонезија откако неговата Јужна Кореа со 2-1 ја совлада Јапонија. Овој триумф на играчите им значи многу поради тоа што ќе бидат изземени од служење двегодишен воен рок во својата земја.