Електроникос фантастикос е јапонски проект на вљубеници во музика, електроника и електрични апарати за домаќинство. Свират на што им дојде по рака, прават инструментални франкенштајни, знаат маст да им вадат на баркод читачи. Нешто како вонбрачно дете на Крафтверк и Блу Мен Груп. 

Хичкок сакаше негативци и еве го сега него како еден од нив, во „Master of Suspense“, краток филм направен од неговите камео појавување во филмовите. Земени се извадоци и сцени од 30 негови филмови и трејлери, на музика од Бернард Херман, композиторот на Психо, Вртоглавица, Север- северозапад.... Мешап ноар на Фабрис Матју.

До неа се стигнува после качување 200 метри угоре во вертикала, при што последната делница е особено опасна. А носат и деца. Службите ги држи свештеник кој тоа го прави 47 години и секој ден се пентари нагоре -надолу. Абуна Јемата Гух, христијанска црква изградена во петтиот век, во северна Етиопија.

Се сметате за фундаменталистички пријател на животните и сте против секакво нивно малтретирање, ама сепак некако ве привлекува коњичкиот спорт? Ска проблем, има решение и за тоа. Истовремено, ова е конечно решение за молбата од горенаведената песна, делот „кога ќе в село појдете, со коњи да не тропате (леле тропате).“

Ако беше лошо кога беа воведени картички со бесконтактно плаќање па на криминалци им текна да шетаат наоколу со пос-терминали и без твое знаење да ти наплаќаат сума од картичката за која не треба пин (па после беа измислени новчаници со блокирање на РФИД), што би можело на истите тие да им текне кога ќе сфатат дека луѓе почнале да плаќаат со чип вметнат во својата дланка?

Вие само мислите дека на 31 степен Целзиусов нема потреба од паничење, ама за среќа тука е германската телевизија за правилно да го пренесе чувството од оваа национална катастрофа. Инаку во другите градови во просек е околу 28-29.

Не секогаш исполнетите ветувања заради кои се трга на пеколниот пат кон ветената Европа знаат да го здробат дури и најиздржливиот човек. Од друга страна се локалците кои по години толерирање имаат се помалку разбирање за туѓите маки и проблеми, а веројатно им е смачено и од тоа постојано тие да требаат да разбираат туѓи навики на однесување. Во исто време и двете страни се уверени дека државата ги запоставила. Од ваков напон може да избие само курцшлус.

81 годишниот Мич МекКонел е еден од онаа геронтократска врхушка на САД (Џо Бајден има 80, Ненси Пелоси 83, конресменката Дајан Феинстајн 90...) кои не ни помислуваат дека на младите светот останува (а ќе речеш САД се меритократија, само најдобрите и најподготвените успеваат). Речиси 40 години е сенатор, има 35 милиони долари и не му се слуша кога му бараат оставка.

Еден од феномените кои го обележаа мандатот на Трамп беше непрестајната серија на најразлични свиркачи кои му изникнуваа на американскиот претседател од сите дупки на американскиот државен апарат. И тие тогаш за своето дело и храброст, како што е ред, беа поздравувани како херои на САД и на демократијата. По промената на власта во САД нагло се промени и статусот на свиркачите.

Инвестициските фондови Блекрок, Вангард или Стејт стрит се појавуваат кај најголеми акционери кај 88% од топ 500-те компании (С&П 500) што се излезени на американската берза. А Блекрок менаџира портфолио од над 10.000 милијарди долари, што по обем е помало од БДП-то на само 2 држави на планетава - САД и Кина. Подетално ќе ви објасни Патрик Бет-Дејвид.

Ако има брдо сладолед, веројатно му е преполн со воздух. Ако има 50 врсти сладолед тогаш е индустриски не е рачно правен. Сладолед од банана треба да биде нијанса на бело, а не жолт („затоа што не ја јадеме кората“). Сладолед (ice cream) и џелато, не е исто.

Дијаболата е трудна до заби ама вика дека тоа не пречи да биде машко. Таа само ја искористила опремата која фабрички дошла со неа. Ќе го родела и ќе му била татко. Откако ќе ги искористела и градите, и тие ќе ги отфикарела. А лујката треба да оди во затвор и само заради фризурата.   

Во книга од 1995-та еден од најголемите ликови во историјата на науката, Карл Саган, дава едно такво прецизно пророштво за денешницата што звучи како да ја живеел па да се вратил. Сето тоа секако џабе.

Животот на Оливер Драгојевиќ со децении беше на тацна на јавноста па човек може да помисли дека знае сè за него. Ама кога соговорникот (Анџело Јуркас, режисер, сценарист...) знае да постави вистински а не дебилни прашања, се дознава и друго. На пример: „Како тоа знаеш да имаш феноменални песни ама знаеш и да отпееш некоја 'туп-ца-ца, туп-ца'“?

Вештачка интелигенција создала своја верзија на легендарната слика на Леонардо Да Винчи откако добила задала да покаже како би изгледала таа фамозно загадочна девојка кога би била претставена денес. Некои се одушевени од новите атрибути на Мона Лиза, на некои им личи како на девојка која има ОнлиФанс.

Финтата не беше да се изедначат мажите и жените бидејќи се различни туку жената да се избори да има право на глас, да има право да носи одлуки, да се извлече од тоа некој друг да решава во нејзино име, вели Јелена Мачиќ, српска дизајнерка, стилистка и ТВ водителка, која има да каже нешто и за тоа кој го смисли ваквиот денешен феминизам.

Тоа што Полска успешно со ограда ја затвори целата граница со Белорусија, мигрантите го сфатија само како уште еден чекор до нивното пристигнување до ветената земја, па по пат застанаа да купат бонсек.

Во 60-тите се зборуваше дека за 10 години ќе снема нафта. Во 70-тите дека за 10 години доаѓа ново Ледено доба. Во 80-тите дека киселите дождови ќе ги уништат посевите за 10 години, во 90-тите дека озонот ќе го снема за 10 години, во 2.000 дека мразот ќе се стопи за 10 години... Што е тука заедничко? За секој ваков повод беа донесувани нови даноци. 

Не е препорачана од апсолутно ниту еден доктор или нутриционист, ама треба да функционира само заради најосновни столбови на логиката, а таа вели - ако јадеш три тепсии трилече на седнување, неизбежно ќе почнеш да слабееш ако намалиш на само две.

Редовен лет на Луфтханза од германски Франкфурт до Катанија, на Сицилија. Приближувајќи се до дестинацијата, авионот го пренасочуваат кон Малта, бидејќи околу Катанија беснеат пожари. Пилотот, кому очигледно Малта не му е омилено место, постапува по насоките на контролата на летање и заминува кон Малта, но не пред да нацрта нешто на небото. 

Кристофер Пламер немаше морален проблем да го замени Кевин Спејси во веќе снимен филм со него, кога овој беше обвинет за сексуално навалување. Може да нагаѓаме дали ќе беше слично и доколку, во некои други времиња и околности, Спејси беше обвинет дека е Евреј, комунист или кулак.  

„Ги собрав сите атоми на храброст за да прекинам прес-конференција во Белата куќа....“објасни младата Елисе Џоши објавувајќи снимка од нејзиното поставено прашање со третперлив глас (нешто околу фосилните горива). Портпаролката Карин Жан Пјер се чинеше изненадена но ја поздрави храброста на младата девојка. Само што, сета оваа драмолетка со „храброст“ и “изненадување“ е бљак.

За Оземпик (еден од брендовите под кои се продаваат семаглутидите) се точни сите фантастични ветувања што ги дава за експресно слабеење, ама во исто време се точни и сите забелешки што му се припишуваат, прво дека е терапија за луѓе со дијабетес и второ, дека целото слабеење доаѓа со грст проблеми, болести и нус-појави.

Моментално Русите го сметаат Бахмут за ослободен, а Украинците за окупиран. За некоја недела / месец, тоа може да се смени. Што и да се случи, кој и да е ослободителот, наградата ќе биде град кој изгледа како да сака еднаш засекогаш да му ги скратат маките. Снимката е од деновиве и од тоа што се гледа како најлогично решение да е Бахмут никогаш повеќе да не биде населен град.