Девојката изгледа убаво, убаво се облекува, пристојна е, убаво комуницира, маркетингот што ја следи е блиску до совршенство. Па што не е во ред со тоа? Празнотијата. Целосна празнотија, плиткост, бесмисленост. Ние како општество, како луѓе, како цела цивилизација, полека но сигурно тонеме во сè поголема и сеопфатна ПОВРШНОСТ.

Оригиналниот наслов на овој клип беше „Електрично ѓубре покрај патот,“ но го ублаживме пошто ипак имаме другари кои купија вакви, со најдобри намери. Само што, автомобилските батерии на сериозно минусни температури се издишуваат како марули ставени во замрзнувач. Кога ќе падне бааги под нулата, вака овенати кмишат покрај патишта.

Мажи со потпросечни резултати во машка категорија што решија кариерата да ја спасуваат со тоа што ќе се преправаат дека се жени и ќе рушат секакви рекорди во женска категорија почнаа да им ги одмилуваат спортовите на жените. А мажи, обично се решаваат со мажи, како што е примерот со канадскиот шампионат во кревање тегови за жени.

„Глумевте „божица на здравјето“ па спрживте 70 милијарди евра на лажни вакцини од кои починаа најмалку 12.000 граѓани на ЕУ. Сега сакате да глумите и „божица на војната“ и да потрошите 50 милијарди на Украина, за да ѝ ја продолжите агонијата и да остане без уште 100.000 луѓе. Со војна и со гинење млади луѓе оваа војна не може да се добие“. Мислав Колакушиќ, евро-парламентарец од Хрватска. 

Злотворот е обвинет дека ја убил сопругата а се изјаснил за невин. Не знаеме каква стратегија смислила неговата одбрана но можеби и имала некаква логика, сè додека не дојде на ред да се ѕирне во историјата не неговите интернет пребарувања, односно што типот гуглал пред и после убиството. Адвокат? Господ не му помага.

Има денови во кои, што и да направиш, ќе наебеш. Ама, има и денови во кои, што и да направиш, други ќе наебат. Еден сообраќаен пример од овие вториве денови. Мрднеш - губат.

Да, и натаму оди малку ко посран, ама па, видете како изгледал лани во септември а како изгледа денес. Ние и вие од ланскиот септември до сега колку имаме напреднато? Затоа ќе не претицаат овие гадови. Не им е мака да се усовршуваат додека ние одамна сме уморни.

Пoдкастот им се вика „Bad Friends“ иако суштината е сосема обратна: нема подобри френдови од нив, пошто меѓусебно се вреѓаат по секаква основа и притоа скроз им е забавно. Си ги вреѓаат мајките, се ругаат по расна основа, се тролаат по културолошки разлики, по што им текне.  Одлична хемија има меѓу двајцата.

Човекот веќе со месеци го растура Фокс (и другите меинстрим мрежи) со гледаност и тоа од својата сметка на Икс (Твитер). Откако малку му пројде стравот од работење без Фокс да му чува грб, сега Карлсон најави дека влегува во нова фаза и отвора видео стриминг платформа. Ќе се вика ТЦН (Tucker Carlson Network) и ќе се наплаќа по 9 долари месечно.

Владимир Рижков е руски историчар и опозиционер. Рижков во 2004 на руска национална телевизија има ТВ дуел со еден друг Владимир, не Путин, туку Жириновски.

Полскиот радикал Гжегож Браун (политичар, академски предавач, публицист, новинар, режисер, сценарист) кој го предводи монархистичкото крило во Конфедерацијата на полската круна, со ПП апарат го изгаси парламентарниот еврејски свеќник (менора) кој е симбол на празникот Ханука. Вика, нема да дозволел католичка Полска да се претвори во еврејска држава.

Иако и во Монтреал снег паѓа главно во редовниот термин во зима, таму снегот не ги изненадува надлежните како овде. А не да паѓа, туку паѓа најмногу од цела Канада, во просек по 200 сантриметри снег во сезона. Ама, како што би гласела модификацијата на една стара поговорка: не паѓа снегот да го покрие брегот, туку секоја власт да ја покаже својата (не)способност.

На луцидниот Ал Јанковиќ мора лиги да му течеле кога одел кон банкомат да ги подигне парите кои Спотифај му ги уплатил за музиката која годинава била слушана на платформата. Тој одамна нема некој хит ама сепак во 2023 година, неговите песни имале 80 милиони стримови. Знаете колку му следува од Спотифај за 80 милиони стримови? 12 долари. Ќе се јаде сендвич!

Во декември 1994 Русија, САД и Британија, седнаа, ветија и потпишаа дека ќе ја гарантираат безбедноста и територијалниот интегритет на Украина доколку државата го предаде својот нуклеарен арсенал (еден дел да се уништи, еден дел да се испрати во Русија). На денот на потпишувањето Украина има над 2.300 нуклеарни глави. Речиси 30 години подоцна Украина е минус 20% од својата територија.

12-катна речиси нова зграда што настрадала за време на земјотресот во Турција дошло време да се срамнува со земја затоа што нема како да се спаси. Од градењето настрадале само тие што купиле стан во зградата, од рушењето и комшиите во околина.

Новинарот на Ал-Џезира начекува една баба од Газа да ја праша за ситуацијата таму и нешто околу хуманитарната помош што стига / не стига таму. Бабата има инсајдерско инфо што изгледа уште не е стигнато до Ал-Џезира.

Градот е Тел Авив, овие двајца се Израелци, ова се случува деновиве а тоа металното е чаура од некоја си од ракетите што периодов го надлетуваат главниот град на Израел.

Екс советникот на Зеленски, Олекси Ареостович: „Нашата најголема трагедија е што во конфликтот меѓу Глобалистите и Реалистите, се кладевме на погрешната страна“. Глобалистите бараа проширување на НАТО, другиве беа за украинска неутралност за да се избегне војна. „Пролеавме крв за да завршиме со страната која губи“ вика тој и додава „Кога ќе видам како во Катар го пречекаа Германецот а како Путин, се прашувам кој е изолиран“...

И маркетиншки и потрошувачки Бад лајт моментално е посакуван колку палета азбест. И покрај ова УФЦ и Дејна Вајт, кои отприлика ја држат истата публика што реши да го бојкотира Бад лјат, решаваат дека ќе работат со него и ќе го враќаат таму каде што беше. Освен парите, Вајт има прилично силни американски аргументи за ова.

Рибниците на отворено на полуостровот Вестфјордс на Исланд треба да убијат над 1 милиони лососи што ги одгледуваат откако целата популација била заразена со морски вошки, која до толку ги има разјадено рибите што им се гледа черепот.

Сите тие камиони со снег од улиците на Минск некаде треба да се истоварат, а зошто да не се истоварат во Свислоч, реката што минува низ Минск? Само пред да заврши таму, снегот треба да бидат прочистен за да не ја загади реката.

Убава е Алелуја на Леонард Коен, убава е и онаа на Џеф Бакли, но да споделиме една друга верзија на песната која пред доста години ја отпеа мало девојче од Ирска со нејзиниот школски хор. Се вика Кејли Роџерс, 10 годишна, девојче со аутизам и АДХД. Да ја слушнеме песната која потсетува дека „дурот те крева, а молот те спушта“, во време кога, заради ужасниот епилог на младата Вања, сме во тешки молови.  

Ненси Пелоси е американската политичарка која од праисторија е член на Конгресот од Демократите. Годишна плата за таа позиција е околу 250.000 долари. Во 2009 нејзиното богатство беше проценето на 58 милиони долари, за во 2018, да стигне до 115 милиони долари. И парите не се од рушвет или градежни дозволи, едноставно, сопругот на Ненси, Пол, има подобри резултати на берза од најдобрите американски инвестициски фондови, што веројатно и не е толку тешко кога жена ти ги носи законите за регулирање на цели индустрии.

Во веројатно една од најкоординираните операции барем на европско тло, пистата на аеродромот во Цирих беше целосно заменета без да се изгуби ни еден лет. Работите почнуваат секоја вечер, по слетувањето/заминувањето на последниот авион, и траат до сабајлето до првиот лет. Клучни за ова се два 90-тонски багери специјално направени за операцијата, и поделбата на пистата на 70 сегменти.