Добра вест: Рубинчо (Благадуша) го изгуби деминутивот од името и сега е Рубин, со што добива на јувелирска тежина. Лоша вест: И натаму пее. Тоа што џапа песни не му земаме за зло, бидејќи Благадуша е постмодерен концептуалист.

Еве ја Епизодата! Карл Пилкингтон во Македонија! Спие со чергари, оди кај дервишите, пробува да полета со балони, не знае како би продал куќа со подрум полн ковчези... После Свети Павле, ваков човек не ни дошол на гости. Цела македонска епизода, со преводи, бујрум.

Венити Фер има постојана рубрика, Прустов прашалник, на кој сосема пристојно до сега одговарале бројни битни фаци, од Надал, Дастин Хофман, Доли Партон, Скорсезе. Сè до најновото издание, кога го викнале Луи Ц. К. Веројатно веќе зажалиле.

Кога Џони Кеш денес би бил жив,дали би се смарал со интернетот и со циркуси како Твитер, Фејсбук и Инстаграм. Како за споредба ги имаме Ролинг Стоунс кои секогаш се живи, а тие користат и Фејсбук и Инстаграм.

Иако имавме кратко време да организираме тестирања за тоа кое од актуелните возила е најдобро за возење во снежни услови, еден модел сам се одвои од конкуренцијата. Ако го догледате видеото до крај, ќе сфатите и една друга работа, не е само до колата, и до шоферот е.

Жената легната, детето легнато, доаѓа време за: а) гледање филм на раат, б) читање книга на раат, в) зајапање во плафон на раат? Не, главата на ова семејство има поинаква пасија. Им балансира работи на заспаните и после ги објавува на интернет. Којзнае преку ден колку им е корисен.

За да се олабавите од актуелните вести кои ве прават напнати, нервозни, несигурни и збунети, ви нудиме 58 минути - вести. Новогодишниот дневник на ЈРТ од 1967-ма година (Бранка Станковска убава како Елизабет Тејлор, Оливер Млакар со коса, Тито и испратил честитка на Индира Ганди, Дедо Мраз на скопскиот плоштад...). Спокојно, оптимистично, човечки. Да ги видат денешниве вести, овие луѓе би помислиле дека во иднината завладеало беснило.

На 3-ти декември беше одбележан светскиот ден на лицата со хендикеп. Преброивме над 50 мк медиуми кои тој ден пишуваа на таа тема. Една недела подоцна, тешко дека ќе најдете било што за овие луѓе. А радости можат да им се прават секој ден, на различен начин.

Во тоталните распаљотки на африканскиот континент, правото на учество е прилично слободарски решено. Возраст, тип на оружје, стил на облекување... Потребна е само желба да се гине.

Нема муабет ама по она што ние можеме да разбереме од видеото, титлот би одел вака:
- Хеј! Види ова. Чекај малку. Чекај ме. Ќе ме чекаш? Така? Почекај. Почекај малку нешто важно што морам да направам.
- Ок.
- (1. минута подоцна) Ух, важна работа завршивме. Фала ти друже.

Канцеларијата како бојно поле, како ОК корал, како Бородино, како Ваксинце.... Ја прогласуваме работната недела започната.

После македонското пакетче огласи, решивме да го интернационализираме прашањето и да погледенеме во соседниот двор. Напомена: бидејќи тоа е ЕУ, пазарот врви од професионални изведувачи и аматери тешко опстануваат а бидејќи бугарскиот јазик сам по себе е урнебесно шармантен, одиме без коментари. Плус запазете една битна финеса кај двете пакетчиња: Македонија главно бара, Бугарија главно нуди. Тоа е таа разлика меѓу нас и Европа. 

Додека влеземе во ЕУ, да се реши спорот со името, додека чекате на Албанците да им пројде меракот за правење нови држави а на Македонците да им здосади улогата на жртви, додека чекате покачување плата или да им помине модата на турските сапуници... пробајте го ова разумно, мирољубиво и универзално решение.

Наравоучението од ова и од милион други ситуации и животни приказни е сосема едноставно: тоа што на крај ќе успееш во нешто не значи дека не си глуп.

Канонче. Го знаете тој ориентален музички инструмент, го има и во наши чалгии, како мала харфа легната на скут па се трзаат жици со метални напрстоци. Е па, доживува ривајвал, малку поинаков отколку што тоа го очекува традиционалистот во нас.

Кога би биле саркастични ова би одело: "Собрал клипови од ЈуТјуб им начукал една две од оние 'се е преубаво' песни и направил видео." Овој пат не така. Ставете го на цел екран, кликнете плеј и уживајте. Феноменална разгледница од едиствената планета што е подготвена (сега за сега) да не трпи како род. Предозирање со мерак.

Професорот Јасмин Комиќ, Бошњак и министер за наука и технологија во Република Српска, пред некое време стигна на официјалната страница на Deep Purple со изведбата на Sоldier of Fortune (насловен: Professor of Fortune). Овојпат професорот го предава Елвис, одмерено и без чалам. Раритетна можност да видиме министер како пее (или прави што и да е) од срце. 

Одвреме навреме страда од биполарно пореметување, инаку е брилијантен актер, автор, писател, комичар, тв лице и директор на фудбалскиот клуб Норвич Сити. Од Црна Гуја наваму, ретко утнал работа.

Бет Дејвис еднаш рече: "Староста не е за пичкици". Во продолжение, фотографии од дузина познати жени кои својата зрелост ја носат храбро и достоинствено.

Живее во Куба и се вика Хернанде Гаридо. Да беше од Битола, најавата ќе гласеше: "Го викале Дваесет и четворката, оти го преброиле"

Кога, кога ќе можевме да налетаме на ваква дражесна сцена да не беше интернетот? И Русија, нормално.

Пакосната скопска парола "Секс со Битолчанки" никогаш не звучела толку искрено како по веста дека кон Битола се тргнати 1.500 Русинки кои ќе го зголемуваат наталитетот во регионот. Нашиот дописник од Русија разговараше со некои од девојките кои нема да ја видат Пелагонија во првата транша.

Ги одговоривме првите две прашања и - ги погодивме! Страв не фаќа да одиме до крај. Бидете похрабри од нас, секогаш може да се вадите дека сте одговарале на тепка.