Пар примери од ликови кои го сркале отвореното вифи на комшијата па откако на овие им било бавно и ставиле пасворд, им се ставаат на врата да им се бунат дека не е фер. Прво го најдовме стариот и мислевме неговата глупоќа да ја препишеме на годините и несфаќањето како функционираат работите. Ама потоа наидовме на оној помладиот створ.

*****

Не само што е греота што украинската војна безумно трае предолго, без изгледи да се стави некако крај на тоа осакатување цели генерации мобилизирани војничиња, туку е најгреота кога ќе се види курчот на оние чии татиња се големи фаци па можат да ги спасат од тоа да дремат во ров и само да чекаат кога некој дрон ќе им фрли бомба врз глава.

Една од омилените теми за Инстаграм видеа, шпагети што се вртат во пита Пармезан, всушност е изум од зорт на италијанскиот готвач Масимо Батура во моментот кога неговиот град има десетици илјади оштетени пити Пармезан кои не може никаде да ги продаде.

Може треба од холандска амбасада да пуштат пари и во Холандија невладини да поработат малку на разбирање, мулти-култи, соживот и што и да треба друго за да го стишат фетишот на Холандезите кон палење на светата книга на Исламот.

Русите покажаа како изгледаат рововите што ги имаат ископано на фронтовските линии во Украина. Нормално не им се сите ровови вакви, и нормално овој служи и за деморализирање на другата страна. А изгледаат подобро веројатно од домовите на добар дел од војниците сместени во нив и како Русите уште долги години да не планираат да мрднат од нив.

Не зборуваме за Анте Павелиќ, Кватерник или Артуковиќ. Нè знаете, нас повеќе нè занима она што се изгубило низ порозните фуги на големите историски камени блокови. Џими Лигет, светски црнечки шампион во бокс, воден од љубовта кон извесна госпожа Ружа, во 30-тите стигнува во Загреб. Станува најбараниот боксерски тренер во Хрватска а потоа и селектор и тренер на репрезентацијата на НДХ, до крај! За БЛМ, спремни! 

Неколку супер интересни идеи и продукти од неодамна завршениот ЦЕС, најголемиот саем за потрошувачка електроника кој се одржува во Лас Вегас. Годинава имаа 4.300 изложувачи, се претставија преку 1.400 стартапи и присутни беа преку 5.000 медиумски и контент креатори. Нешто како успешни приказни од фонд за иновации и технолшки развој, ама ова стварно.

За родител има нешто релаксирачко во сознанието дека детето најверојатно нема да му стане Нобеловец, пошто може да престане да го напнува непотребно. Ама, не сите родители имаат таква среќа. Чујте го „експозето“ на малиот а после и мајката, по што некои работи ќе ви станат појасни. Да ги прашаме нешто вакво оние нашине, „обичнине“, по дома, за момент бледо ќе те погледаат и ќе продолжат со скролање на мобилен.

Човек може да се прашува што стои зад оние монтирани насмевки и среќни врски на познатите фаци кога се сликаат по црвени килими за да бидат објавувани по жолти печати. Некогаш па и не мора да се прашува. На Златните глобуси се сликаа Џон Красински и Емили Блант кои се во брак 16 години. На многумина им се слушна како тој насмеан, низ заби ѝ вика: „Едвај чекам да се разведеме, озбилно“.  

Стара жена со поодмината деменција, ја прашуваат дали знае кој е претседател на Америка. Појма нема жената. Потоа ѝ помагаат, па и ја кажуваат првата буква од презимето на актуелниот прв човек на државата. Јок, статива. На крај ѝ кажуваат дека претседател на САД е Џозеф Бајден. Тука сме. 

Никој не очекува 34-годишната Бри Ларсон  на црвениот килим на Златните глобуси да се расплаче за децата од Појасот Газа или војниците на украинскиот фронт, ама па до толку да се раскравиш затоа што покрај тебе ќе помине Џенифер Лопез?? „Ќе се расплачам. Не можам да се справам со Џеј Ло!“, крикна Бри по што следуваше стандардното „Ти мене војвотке, јас тебе сердарке“. Овие од Холивуд џабе одат по психијатри.

Видовме кој победи, го видовме она дрво од водител Џо Кој (ах, Џервејс, Џервејс), како беа дотерани, разбравме дека Розамунд Пајк носеше онакво затоа што се учукала на скијање... Сиот тој крем и неизбежниот„крем“ потоа завршуваат на гала афтер партија на кои се цункаат од далеку за да не се размачкаат, се преодушевуваат кога ќе се видат, се прават фанови едни на други.... Не и Пол Џијамати.

Тепачки и нереди меѓу њујоршката полиција и богобојазни Евреи откако властите дојдоа со камиони- мешалици за да ги пополнат со цемент неодамна откриените тајни тунели кои водат во синагогата. Се претпоставува дека тунелите биле ископани за време на пандемијата, кога верските објекти беа затворени  а овие сакале да се избањаат во миква, ритуално капење за прочистување на душата. Бог да чува.

Французинки спремни за искачанка, дополнително се спремаат за да можат вечерно време безбедно да пројдат по улиците на либералната Франција без некому да му дадат оправдание дека го испровоцирале со својот дрес код.

Саркастична,  речиси забавна пародија на она што изрелските доселеници го прават со домовите во кои со генерации живеат Палестинци, во име на наводното право да се живее на вековните територии на своите предци. Елем, во рандом англиски дом чука Римјанка со неприкосновени историски права. Вистинска Римјанка, Јупетаријанка. 

Како што на крштевка на бебе, поп од кумот бара да каже дека се откаже од сатаната, така доктрината на новата „прогресивна“ религија бара човек да ја докаже правоверноста со тоа што ќе изрецитира дека го осудува расизмот на белците. Ако, на пример, каже дека го осудува расизмот на белците АМА и секој друг расизам, повторно им е сомнителен. Вивек Рамасвами не е белец ама не паѓа на такви глупи финти. 

Бел ориз или интегрален ориз? Интегрален, нормално! - ќе каже некој нов и неферментиран нутриоционист пошто има читано „за влакната“. А дека има 80 пати повеќе арсен, веројатно нема да спомне. „Секоја култура која јаде ориз, го лупи оризот, освен ако сте сиромашни да го лупите,“ гласи репликата. Значи, од интегрално, само интегрално прасе: сосе мрсното и сосе крцкавата коричка.

Човеков педантно и зналачки изгради мини брана, покажувајќи ги сите основни чекори и операции потребни за еден таков објект. Сега кога е јасно дека Чебрен нема да го градат Грци ( и тоа поради нив а не поради нас, иако овдешните власти грчевито ја бранеа нивната понуда), ќе треба да се засукаат ракави, за, како што вика професор Димитров, оваа генерација сепак нешто да остави за оние следните.

Канцерот што нас одвнатре нè јаде и ги урнисува сите можни професионални стандарди и лични квалитети и заслуги а се вика Рамковен договор и од него изведените етнички квоти (кои веднаш се преведуваат во партиски квоти), тоа на Запад во последно време се прави во име на прогресивноста и диверзитетот. Глупичко е кога таа малигна идеологија ќе влезе во Холивуд, ама страшно е кога ќе влезе во пилотската кабина.  

На дечкото му беше укината можноста за помилување и условна, по што одлучи дополнително, ама барем филмски, да се дозакопа во казнено-поправниот систем на САД.

Пазете го вие овој досетлив мангуп. Се вика Адам Кругер и е главен метео човек во една хјустонска телевизија. Пошто тој метеоролошки јазик е ужасно сувопарен (се очекува влажен северен бран, сончево до местимично облачно, сообраќајот се одвива по суви коловози...), Адам ги прошарува своите извештаи со познати стихови од познати песни. И мнооогу добро тоа го пакува.

Со етикета „BREAKING!“, ова видео од тоа како руски бомби и проектили бескрупулозно паѓаат по рандом цели низ цивилен Киев, се ширеше со брзина на омикрон по глобалните мрежи, проследено со содветно грозење од ужасната Москва. Сè додека некој не напиша: „Дечки, ова не е Русија - Киев 2023 година, ова е кога Американците го гранатираа Багдад во 2003 година“. Е, добро онда, ништо.

Скроламе по листата и едно-две викаме: да бее, и тој... да бее, и таа... Многу музика отиде во 2023. Џеф Бек, Дејвид Крозби, Том Верлеин, Вејн Шортер, Руичи Сакамото, Хари Белафонте, Тина Тарнер, Аструд Жилберто, Тони Бенет, Шинед О Конор, Сиксто, Роби Робертсон, Шејн.... Да послушаме уште малку некои од нив, пред да ги надвика секојдневниот саундтрак од Десингерица и Теа Таировиќ.

На американската елита ѝм тече по ногавици од објавувањето на имињата поврзани со озлогласениот Епстин и неговиот педофилски ланец за сексуални услуги. Право време да се потсетиме и да станат појасни киселите насмевки на холивудскиот крем кога Џервеис им го спомна Епстин и патем ги ребреше дека некои од нив имаат поминато помалку време на школски клупи од Грета Тунберг.