На Жолтата река во Кина (долга 5.464 километри), постои мост на кој се наплаќа патарина. Преминувањето чини нешто помалку од 40 денари. Ама па зошто да им ги даваш?

Започнавме со прочуениот семпл на Дафт Панк а во меѓувреме ни нафрлија уште три импресивни аудио градби на Продиџи.

Во 2008-ма Кина решава дека интернет зависноста е медицински проблем. А кај што има болест, има и установи за лечење. Њујорк Тајмс објави документарно парче за еден центар за одвикнување зависници од интернет. Млади веб џанаци зад решетки, кукаат по мајките, ги будат со ламба во очи... Сè како што треба, само за да оздрават.

Убедливо најдосадниот дел од секој лет се оние безбедносните упатства. Еднолични гласови, истоветни движења, во живо или на видео. Не кај Вирџин Америка.

Седлбек произведуваат кожни чанти од околу 500 - 600 долари (има и многу поскапи, а и поевтини). Главна идеја во целиот процес е да произведат чанта што е толку квалитетна и издржлива што вашите деца ќе ја наследат. Главен проблем во целиот процес им е што пирати им ги копираат чантите и произведуваат лоши копии. Сопственикот на компанијата одлучуи да седне и да го реши овој проблем - направи цело видео во кое ги учи пиратите како да ја прават неговата чанта, ама квалитетно.

Она што го сфаќаме на крајот од филмот е дека цело време всушност станува збор за еден човек кој има поделена личност. Едниот е Нараторот (Едвард Нортон), вториот е Тајлер Дурден (Бред Пит). Вака би изгледала една од најпознатите сцени кога со свои очи би ја виделе на улица.

Ова е еден од оние "како на мене не ми текна" моменти. Светиот грал на видео рекламите, генијално видео кое чини помалку од еден ручек, а спектакуларно ќе ја постигне поентата и сите ќе го зборат.

Во разговор со Лено, Мет Дејмон сведочи каков недоигран сеирџија е Џорџ Клуни. Елем, на гардероберките им рекол на неколку дена да му ги теснат панталоните на Дејмон за овега да го јаде јанѕа дека се усвињуе. Клуни: Ама ќе бидеш во форма, нели? Дејмон: Да, да (и одел јадниот да вежба). Махер! 

Оваа математичка финта ја најавуваат како нешто што ќе ви го стопи мозокот. Го имаат збирот на сите цели броеви. Сите, до бесконечност! А збирот е ем дропка ем во минус. И после филозофијата не чинела.

Гледате сцена од еден жесток судир на демонстрантите од Муслиманското братство против безбедносните сили во Египет. А сега да видите како е тоа снимено.

Случајно одбрани луѓе одат кај човек што чита мисли. Биваат комплетно шокирани од тоа какви сè детали тој може да извлече за нив и нивните животи. Кој каде и каква тетоважа има, кој колку пари потрошил на облека, каков е сескуалниот живот, кој мускул ги боли.... А вие уште повеќе ќе бидете шокирани откако ќе откриете во што е магијата. 

Во Конго постои и одлично функционира супкултурата на Сапери (Society of Elegant Persons of the Congo), составена од обични луѓе, работници, мажи и жени, кои уживаат да бидат елегантни. Гинис (пивото) знае како да го искористи тоа.

Почнува со "Добродојдовте фанови на Робот рагби лигата," и го продолжува коментарот во ист стил како што Рик Соломон од Третиот камен од сонцето се чудеше на животот на Земјата.

Насловите на сите филмови годинава номинирани за Оскар за најдобар филм, преработени во искрена верзија, како што ги доживеал авторот на постериве.

На 69 годишна возраст, почина Роџер Лојд Пак, човекот кој играше еден од најјаките ликови во Only Fools and Horses, простодушниот, не баш најбистар но неодоливо симпатичен ѓубреџија Тригер.

Најновите промо видеа на БиБиСи и ЕнБиСи за зимската Олимпијада во Сочи. Нешто како Игра на тронови vs. гиф-че.

Прашањето е како звучат вкусовите. Одговорот е спектакуларен. За да се направи видеото биле употребени неколку тони бибер, црвен пипер, кардамон, куркума, ѓумбир, кумин и слични додатоци. Инаку видеото е реклама за еден бренд за зачини и тревки.

Млад гангстер убива тотално недолжно момче. На првото судење се курчи, пцуе, им се смее во фаца на семејството на починатиот. На второто судење добива доживотна казна, БЕЗ можност за помилување. Еве ја неговата реакција.

"Синоќа го изгубив мобилниот телефон во Квинстаун, но, за среќа, го нашол некој добар човек и го предал на полицијата во Квинстаун. Кога го земав телефонот, открив дека добриот пронаоѓач ми оставил негова селфи фотка".

Земајте хартија од тоа службените принтери и фаќајте се за работа: ја имаме шемата за правење на авиончето кое пред две години го сруши Гинисовиот рекорд.

Банзаи Пајплајн (Хаваи) е местото на кое сите светски сурфери сакаат барем еднаш да отидат на аџилак. Кој овде јавнал и преживеал бран, во локалниот сурферски круг автоматски здобива со статус на полу-бог.  Снимено со ГоПро на дрон.

Ок, Оланд е Претседател.

Откако ќе ги поминете бескрајните, тесни камени скали, следи долго возење со жичара, па одење врз провалија по даски поврзани ко со хефталица. Но ако сето ова го издржите, на крај ќе ви се исплати. Горе ве очекува нешто посебно.

Чино Оцука е јапонска фотографка која живее во Лондон и има една интересна серија фотки наречена "Finding me". Себе денес се става на фотографии од себе во минатото. Троа сентиментално, троа језивко.