Се вика Макс Мартин, и веројатно немате чуено за него, ама тоа е затоа што човекот не се појавува никаде и не дава интервјуа (во 2009-та има дадено интервју во кое кажува дека тоа му е второ интервју во живот). Затоа, сигурно имате чуено тоа што го пишувал. П.С. не е овој на тамбот.

Кога на музиката ќе и додадете слика, добивате видео спот. Кога на видео спот ќе му ја одземете музиката, го добивате ова.

Разликата меѓу оваа и сите останати Прајд паради низ светот е што во Уганда хомосексуалноста е казнива со смрт.

Дали на човек што знае се, во лице би му ги поставиле истите глупи прашања што му ги поставувате на Гугл? Хм, веројатно да, ако е бесплатно.

Кај нас би можеле да се издвојат посебни клипови од фразите: "положија свежо цвеќе" (оти без акцент на свежината не е комплет), "остварија средба" (пошто "се сретнаа" е многу обично), "никна нова зграда" (увек, увек им никнува), како и дописничките досетки од типот "градот под Марковите кули" и "Дојран забрзано се подготвува за престојната туристичка сезона".

Зачудувачки огромен број специјални ефекти користени во филмот Волкот од Вол Стрит. Како оди работава, еден ден ќе ни кажат дека и Тор не лета вистински со тоа чеканот.

Мало пакетче филмска музика, во кое се изоставени филмови на Тарантино, Енио Мориконе и слични зицери. Овде имаме од индијска музика до Мајлс Дејвис.

Сите моменти што може да ве интересираат од годинешните Златни Глобуси собрани во видео од минута и пол. Видеото нема да биде многу информативно на тема што се случи вчера на Златните глобуси.

Данска компанија си даде фора да собере од луѓе 160.000 долари за да го спакува својот проект за безжичен HDMI (за поврзување на компјутерот со ТВ, проектор или друг дисплеј). Во моментов имаат уште цела една недела на Indiegogo а веќе имаат собрано речиси 700.000 долари. 

Поента - имигрантите не ни го знаат јазикот, мрзливи се, крадат и ни ги зафаќаат нашите работни места. Контра поента - ако некој што не го зборува јазикот и е мрзлив може да ти го земе работното место, тогаш сериозно запрашај се колку вредиш. (Видеото има најмногу ефект за луѓето што го читаат офф.нет.мк надвор од МКД.)

На НФЛ драфтот 2012-та, Дерик Колман не беше избра од ниту еден тим. Годинава тој игра за Сиетл Сихокс, ова е неговата порака.

Пол Потс е дечкото што многу, многу, многу, многу одамна (во 2007-ма) ве извади од памет со својот настап на Британскиот Талент. Сега снимен е филм за неговиот живот. Ова е трејлерот.

Комбинација на два бренда, едниот дебел и ќелав, другиот крајно елегентен. Louie со C.K.

Приказната е дека девојкава имала оргазам кој траел неколку часа и заради тоа морала да оди на доктор. Видеото треба да го гледате заради дечко ѝ (кој најверојатно го предизвикал оргазмот) кој седи до неа додека оваа раскажува и се обидува да не биде горд на тоа што го направил. Плус, за да ја видите репризата на целиот настан.

И не само што сака туку има и пари за тоа. Се наоѓа на листата на 400 најбогати Кинези и се проценува дека вреди околу 720 милиони долари.

Тука се, ќе го најдете речиси секој што го среќавате на фитнес. Единствена забелешка што ги немаат: типот "ќе вежбам во дрес од полиестер," типот "во старата теретана кревав повеќе" и типот "дезодоранс?"

На секоја катастрофална одлука и претходи вашето разочарување за тоа што претходно сте донеле друга погрешна одлука, за на крај да завршите како локален рибар сред недојдија.

Луи ЦК, Рики Џервејс, Крис Рок и Сајнфилд, седнати сред дневна (студио) и разглабаат еснафски работи, општо за комедијата - како да работиш, што очекува публиката, што е смешно, што треба да кажат.

Во едно од најзадоцнетите видеа што некогаш сме ги објавиле, имаме упатство со 10 фори како да не се прејадете. Во наша одбрана тоа што завршија празниците не значи и дека никогаш веќе нема да се прејадете.

Некои од најчесто повторуваните филмски / тв реплики, кои најчесто погрешно се повторуваат. Некаде почнало грешно и така останува. Да пробаме да ја исправиме работата.

Затоа што им е јасно дека уште ја памтите "Една е мајка" рекламата за Олимпијадата во Лондон 2012-та, Проктер и Гембл не ги заборавија мајките ниту за Сочи 2014-та. Без разлика што ќе ви се случи до крајот на видеото, немајте гајле подеднакво сте мажи како и на почетокот.

Општата дефиниција за војска (регуларна) е дека станува збор за професионалци обучени за ракување со смртоносно оружје. Овие што ги имаме на видеото ја немаат прочитано дефиницијата.

За една реклама трајно да те престраши не мора да има само ужасии и крвишта, некогаш и погоден дијалог ќе заврши добра работа. Видеото е дел од кампањата во Нов Зеланд против пребрзо возење.

Еден до друг денешната ѕвезда и човекот од кој таа еволуирала. Нормално дека Мајли е прва, ама Метју Луис (од Хари Потер) е човекот што има да ви ја крене самодовербата до облаци.