Последното домашно видео на тема жена версус паркинг, ја потврди тезата дека Господ на жените им дал да живеат просечно 8 години подолго од мажите само за да им го компензира времето изгубено на паркирање. Да пробаме да помогнеме на темава:

На Земјата ја колнеш гравитацијата кога ќе ти се испушти чекан од раце. На Месечината ја колнеш кога треба да го земеш чеканот. Астронаутот Дејвид Дјук и неговите домаќински проблеми.

Немаме ништо против пивскиот стомак ама некогаш човек треба да се запраша до кога ќе тера така. А моментот кога треба да се запраша е кога самиот стомак ќе го праша: "Уште едно? Ти озбилен си??"

Го седнале пред камера со една цел, да ја промовира неговата книга за патувањата низ светот. Ама тој и кога има само една цел, на памет му доаѓаат секакви работи.

Алтернативна реaлност во која сè е потполно исто, само што жените и мажите ги имаат сменето улогите (во општеството, не биолошките). Жените се нафрлуваат и довикуваат, а мажите се послабиот пол, возат колички и им треба заштита. Ќе видиш, исто е, ама не е исто.

пишува: Слаѓана Велков, првоборец против вакцината и поборник на јадење сирова храна.

Како изгледа од твоја гледна точка, наспроти како навистина изгледа.

Просечен македонски познавач на балетската уметност знае дека постои Бољшој и знае дека жена му на Мијалков се занимава со тоа. Ама, во тој свет има разни чудесии. Балетот на Вашингтон ќе ни покаже некои од најзезнатите фигури. Забавено, за да сфатиме дека не сме ние за Балет. Освен за кај оној на Зоки Панкерот.

Целосниот распон на идеален, неоштетен човечки слух се движи од 20 до 20.000 херци. Ние на 14.500 почнавме да лажеме дека уште слушаме. Пробајте се и вие.

Којзнае колку истражувања, фокус групи, советувања, дизајнерски решенија, преправки и враќања на доработка претходеле на овој смел чекор на Гугл.

Видео кое потсетува на легендарната приказна од Босна, кога криејќи се во подземен бункер од бомбардирања, група мангупи ѝ даваат џоинт на баба која им побарала цигара. А таа, по некое време извикува: "Отварајте прозоре да баба полети!" Оваа баба е на колачиња.

State of Origin е годишниот судир во рагби меѓу екипите на австралиските држави Нов Јужен Велс и Квинсленд. Клипот е од претходните години. Насловот не е заради целиот ќотек што го изедоа, или затоа што по маичка јуришаат на грамади кои им се смртно гневни, или затоа што сметаат дека бокс во лице е дел од работата и нема што за тоа да се потресуваат и да драмат, насловот е затоа што не им се откажува додека не ја завршат работа.

Пази молим те, некои ги викаат супер група. И види чудо, има тоа логика, јер се супер дечки и јер се супер музичари. Темпера се Тања, Гино, Џоле и Мите и за наше добро ни ја пуштаат "Пластични кули". Се слуша гласно и разиграно. 

Словачкиот уметник Мартин Варгич создал мапа на светот од предрасуди и стеротипи. Забавно е да се зумира по мапата која содржи преку 1.800 стереотипи за држави и региони.

Лудата страна на најпаметните меѓу нас.

Некои студии велат дека симетријата е она што ги прави лицата привлечни. Други пак сугерираат дека токму асиметријата на линиите на лицето оддават впечаток. Кога сме кај вториве, Том Јорк од Рејдиохед е енциклопедиски пример. Дечкото е тотално изместен ама па кога ќе го наместиш, на ништо не личи.

Во чест на Даглас Адамс фановите деновиве го одбележаа нивниот "Ден на пешкирот". Адамс беше човек кој знаеше со малку да зборови да произведе едноставни а генијални заклучоци. Еве што рече за нашиот однос кон технологијата.

Насловот звучи премногу лесно и проектот како таков веројатно го остварувате неколку пати неделно, ама не збориме за тоа. Идејата е ладно пиво во секое време, без фрижидери, струја, кабли и слични потребштини. Се што ви треба е дупка во двор.

Иако симпатична е и македонската гуглизирана верзија на свадбата на неподносливо присутните Ким Кардашиан и Канје Вест, најдобрата вест за свадбата сепак ја имаше Њујорк Пост.

Ги видовме нивните урнебесни реакции на вокменот, сега е на ред да се соочат со прастар компјутер.

Малиот го јаде една мака заради која ќе му завидат многумина големи мажи.

Ние обожаваме жени кои пијат пиво. Хајнекен уште не е дојден до таа лекција.