Технаџии ќе разберат, рокери уште повеќе. Официјален наслов на клипов e - When Will The Bass Drop. Неофицијален - Секој можен (хаус? денс?) ди-џеј.

Шест и нешто минути некои Руси си играат на огромна ледина за да видат како човек пробува да оди право со врзани очи. Многу лошо сме баждарени.

Да ви раскажеме еден математички модел за тоа како се одбира вистинската жена. Верувајте, бидејќи на светов има повеќе луѓе кои се разбираат во математика отколку во жени.

Америка, земја во која младите се радуваат кога ќе им стигне одговор дека успеале да се запишат на факултет. Ете, до толку се тие чудни :)

Ултразабавен сајт посветен на статистичките корелации, една од омилените алатки на џанк науката или политичките дебати. Сè со сè можеш да поврзеш и после да си тегнеш заклучоци до бескрај.

Ова е моментот кој означуваше крај на професионалната кариера на тореадорот Алваро Мунеро. Сам објаснува за што се работи.

Луксузните брендови не продаваат производи, тие продаваат стилови на живеење. На тема како би изгледало пакувањето на храната кога таквите брендови би се префрлиле во прехрамбената индустрија, мозгала дизајнерката Пеги Мергуи.

Леонард Коен велел "да знаев од каде доаѓаат добрите песни, ќе им одев таму почесто." Дејвид Линч на ова ќе го додаде следново:

Првпат свиреа вака 1998-ма на MTV Unplugged. А ова е од пред некој ден во Л.А. кога наместо својата јеах дискографија, понудија акустични преработки на Битлси, Ози Озборн и Дип Парпл.

Студент останува делумно парализиран во сообраќајка и завршува во болница на подолг период. Додека е таму, никој ама никој не му доаѓа во посета, ниту семејството. Тој пушта твит дека е сам и дека никој не го посетува. После твитот се случува ова:

Во средина на 80-те кога на големо беснее војната во Либан, луѓето на Хезболах во Бејрут во киднапираат 4 советски дипломати. Советите својот проблем го решаваат во рок од 30 дена.

Кога по речиси 25 години продавање на сите можни избори во државата како последниот чекор за спас од апокалипса, ќе видиш како Данциве се однесуваат со изборите за Европски парламент, не можеш а да не заклучиш дека они всушност појма немаат од живот и не се свесни дека се пред најголемиот и најважниот избор во историјата. Ова е една од официјалните дански реклами во која гласачите се повикуваат да излезат на избори.

Малку популарна етнологија преку Базфид. Симпатично визуелно претставување на различни ритуали низ кои машките деца стануваат возрасни. Мажишта, ај се кладиме дека кон крајот на видеото ќе ви се слоши, ќе осетите слабост по цело тело, ќе почувствувате болка по што ќе го погалите своето милениче со нежност која одамна му ја немате покажано?

Руската православна црква беше една од инстанците кои се згрозија и ја осудија појавата на Кончита на Евровизија. За неупатените, еден руски блогер возврати со фотографија од оние кои се решително против мажи со бради облечени во фустани.

Како знаеш дека твојот маж е веќе мртов?
- Сексот не е променет а далечинското ти е слободно.

Не мора да имате објаснување па да сфатите дека се работи за маж кој везден е по риба со својот чамец. И ете го, решава да ѝ помогне на жена му околу некои домашни работи.

"Не ти треба мислењето на луѓето во врска со факти. Тоа ти е како да правиш анкета 'Кој број е поголем 5 или 15?' или 'Дали бувовите постојат?' или 'Дали има капи?' Дебатата за климатски промени не треба да биде дали постои или не, туку што можеме да направиме во врска со тоа." П.С. Истиот овој формат важи и за секоја дебата што ви изгледа сулуда, како вакцинирање и слично.

Меколи Калкин носи маица со Рајан Гослинг кој носи маица со Меколи Калкин.

Откако згрна милиони додека јавно ја брукаше својата мајка Деби Матерс (се сеќавате на Cleanin' Out My Closet?), Еминем изгледа го стигнаа "трубите на совеста" па реши преку песна да ѝ се извини за сите срања кои ѝ ги приредил. Ако може тој, може секој. Јавете ѝ се на мама. 

На примерот на овој окотопод кој одвнатре го одвртува капакот на теглата во која е заробен, ќе видите колку е силна и универзална желбата за слобода. Откако ќе видите што прави тој откако ќе се ослободи, ќе извлечете уште некое наравоучение.

Сите ја чуле таа фамозна дневна доза од препорачани 2.000 калории ама како тие изгледаат во реалност? Хеј, можеме да изедеме 67 моркови во ист ден? Па што не кажете така!

Инспиративно видео во чест на човечкото стопало и неговата генијална конструкција и дизајн. Стопалата се и доволно цврсти и доволно меки. И ако газат по тврда површина стануваат помеки, а ако газат по мека, стврднуваат. Поентата е: стопалото е направено за одење. Станете и одете! Оп, табуретката е за нас!