По повод сите случувања околу Интервјуто и последователната реакција на Сони и уште неколку компании, Џорџ Р.Р. Мартин реши да напише нешто на својот блог. Сумирано - не ми се верува колку уцвикавте.

30 годишен маж оди наоколу и ги снима разговорите меѓу мајка му и тетка му. По ова наоѓа уште еден 30 годишен маж (брат му) и заедно со него ги имитираат двете сестри. Сега муабетот е за Бил Мареј.

Вилман (еден магионичар со смисла за хумор) му го покажал најглупиот трик што овој во живот го видел па сака да го сподели.

По 10 сезони како водител на сопствено шоу на Комеди Централ, Колбер од април ја продолжува кариерата како следниот водител на Лејт Шоу (на Летерман). 18 декември беше последното изадение на Колбер репорт.

Пред да биде Господарот на прстените, пред да биде Хобитот, пред да биде што било, постои Еру Илуватар, богот и создателот на целиот Универзум на Толкин. Видеово ќе се обиде да ви ги објасни основните работи од Силмарилион (колекцијата на дела на Толкин во кој се објаснува потеклото и се што се случува во неговите книги), кој кого создал, кој како настанал и слично.

Дека ќе победи љубовта и храброста. Дека витези се уште постојат. И дека женскиот лик нема време за многу тејкови бидејќи тоа маската брзо се суши.

Едно е да се бунтуваш против властите и секој можен авторитет, друго е да не правиш разлика меѓу цена на казна за паркирање и колку ќе те чини поправкна на БМВ Икс 5-ка.

Новинарка на Ал Џезира прави документарец за Топ листа надреалиста и што и како се случило со групата. Сака пак во Сараево да ги спои Ѓуро, Неле и Зенит. Она што успева е само да разговара со секој од нив оделно, секој да каже што има.

Автентично видео (не од фанови или заради сатира) кое е стокмено и се емитува на државната телевизија Русија 1. Прес-конференцијата е закажана за 18-ти декември.

Како би изгледал стенд-ап на Робин Вилијамс пред неговите рајски колеги, на првиот ден од неговиот престој таму? Били Кристал се обидува да ја замисли таквата сцена. Ако има рај, тој веројатно изгледа вака.

Права девојка не ти раскинува за тоа што си ја наместил, него ти го собира неколку месеци и те чека кога ќе бидеш најранлив да те изрезили пред цел народ. И да е наместено, греота е.

Моментално најсилната тупаница на скопската рок сцена, Темпера, имаат нова ствар. Се вика Коњаници и е преработка на Падот на Византија. Ќе чуете, пуцачина! Музичката артилерија на Архангел (Гино, Џоле, Мите) плус Тања на фронтот и ете ви еден добар, стегнат пичвајз!

Прво, во сериозна заблуда си околу самиот себе. Второ, сигурно не знаеш и нема да ги поставиш вистинските прашања на идниот партнер. Останатите причини изгледајте ги во видеото.

Стилска вежба на исто поставено прашање. Анкетната мостра - репрезентативна.

Обично прашањето е колку треба да работиш за да ја заработиш платата на Ворен Бафет. Сега истото прашање е обратно поставено - колку време треба да работи Бафет за да ја заработи вашата годишна плата. Многу е голема веројатноста дека од почетокот на текстот до сега, он веќе завршил работа.

Таткото на Мери има пет ќерки: Нана, Нене,  Нини и Ноно. Како се вика петтата ќерка?

На курс по шпански јазик во Лондон, професорката се обидува да им објасни на присутните, дека во шпанскиот именките се или во машки или во женски род. Така, на пример: куќа е женски род, la casa, додека молив е во машки род, el lapiz. По ова некој од студентите прашал кој род е компјутерот.

Во близина на домот на овој дечко во Северна Дакота се врши фракинг, една исклучително контрадикторна техника на вадење енергенси од земјата која дебело ја пореметува крвната слика на почвата (ѕирнете го Promised Land со Мет Дејмон).

Сакам да ти кажам нешто. Има три реченици кои ќе ти помогнат да го истуркаш животот. Број 1: Лажи за мене. Број 2: Тоа е добра идеја, шефе! Број 3: Такво беше кога дојдов.

Плеј листи со околу 18 гига музика или точно 2,748 песни. Она што ја разликува оваа листа од останатите е што е составена исклучиво од миксови на песни а освен тоа нумерите кои се измиксани се од радикално различен музички правец. Shaggy vs Rage Against the Machine, или Хендрикс и Џеј Зи.

Бебешко плачење, пуштено преку подобрајзер/ шабанајзер.