Ако нешто ја крши самобендисаноста околу креативноста и прогресивноста на твојата генерација тогаш тоа е репортажа од 1968, за која комунистички новинар на Радио-телевизија Белград станува од редакција, зема цела екипа и оди во Мрчајевци (да, селото што го дава Мирослав Илиќ) за сериозно да разговара со селаните на тема - слетувањето на Аполо 8 на Месечината, и како тоа влијае на нивното поимање на Господ и општо верата. Малнар со цела екипа на Вајс не би составиле ваква репортажа.

Татко преполн со филозофски двојби, му го поставува на својот 2-годишен син „проблемот со количката“. По видеово филозофијата веќе не му проблем, сфати дека си има други проблеми. Што се однесува до малиот, изгледа како да ќе реши многу прашања во светот, само никој да не му брои луѓе.

Треба да пиеш 8 чаши вода на ден. Не треба да пиеш 8 чаши вода на ден. Треба. Не треба. Треба и здраво е. Не треба и не е здраво. Треба! Не треба! Треба... Не, не треба...

Приказната е следна: Фокс ги контактираат ИБМ и бараат Вотсон (едно од најголемите достигнувања во вештачката интелигенција) да направи трејлер за Морган, новиот филм на Фокс на тема вештачка интелгенција. Пред да го состави трејлерот Вотсон "гледа" стотици трејлери од хорори и трилери. Ова е трејлерот што Вотсон одлучил да го состави.

Каква е врската меѓу неодамна починатиот актер Џин Вајлдер и Ера Ојданиќ, еден од најголемите геџовани на српската народна музика? Како каква? Очигледна! Станете и аплаудирајте:

Не знаеме колку шишенца од парфемот ќе им продаде (колку рекламата е sales driven, што би се рекло на старо-адвертајзерски) ама Спајк Џонз (Being John Malkovich) направил урнебесно добра работа за Кензо. Имате згодна девојка (ја гледавме неодамна во The Nice Guys), имате парфем, но понатаму ништо не е исто како кај другите реклами.

''Отворе се очи ко кафанска врата, еј ти ночи, сестро моја, прими ме за брата''

Се работи за една многу досетлива адвокатска цака поврзана со авторските текстови и тужбите за навреда. А штом се спомнува пенис, особено мал, јасно е дека целата работа е поврзана и со големо его. 

Да не биде баш сурово како „сите ќе умрете“, ама сите ќе се разведете. Барем кон тој исход тера целата на прв поглед многу издржана логика на клипов.

Бидејќи ова не можеме да го објасниме никако поинаку, го прогласуваме за класична демонстрација на телекинеза. Џабе давате отпор, тоа е!

Не е тој Ајнштајн па да ви ја објасни својата теорија со едноставна формула. Ама затоа има ластичиња и има мустаќи па е интересно да се прати јал ластичето ќе му пукне и ќе го запука по тоа мустаќот. А дали неговата идеја за фрижидер кој ќе работи на ластичиња е генијална, појма немаме. Само знаеме дека ластичето не му пукна.

Сериозноста со која главниот лик пристапува кон своето космичко идиотско хоби е премногу дури и за земја од која потекнува целата екипа на Монти Пајтон.

По некои разликата е во музиката што ја користат и текстовите што ги вадат, по други разликата е во тоа што новите рапери не треба да постојат.

И тие имаат свој Терминатор. И тој знае да се закачи на автобус, па да биде прегазен од тамче па мртов ладен да стане и да продолжи да си брка работа.

Дремење на Јутјуб е следниот логичен чекор во еволуцијата на губење време откако по телевизијата, и сериите дојдоа на статус "нема ништо интересно за гледање". Ваквиот развој на настаните  го приметивме кога се фативме себе си дека сме се претплатиле на над 30 Јутјуб канали. Денес ви го претставуваме Ози мен ривјус, како што името кажува дечково е Австралиец, како што името не кажува дечково е феноменален во коментирање / рецензирање.

Посветено на сите луѓе кои живеат во селата на поранешна Југославија.

6-минутно видеоупатство за најпопуларната женска занимација пред да се појави селфито. Младите да научат, постарите да се потсетат и да размрдаат малку газиња. „Е- ма-ес-ас-а...“ ја памтите (ви текнува дека тоа е - бааги лошо - спелување на зборот Мисисипи?)

Олимпијците на Британија во Рио собраа рекорден број медали. Триумфалниот поход назад заглави на првиот чекор во татковината, кога сфатија дека некој од британскиот олимписки комитет на цела можна британска олимписка делегација им купил идентични црвени патни торби.

Лесно се води истрага кога имаш осомничени со грижа на совест. Со џукели на две нозе истово би одело многу потешко.

Поентата е дека филмските награди се начин на кој им се одава признание поважните уметнички достигнувања во кинематографијата. Во реалност, поентата е кој ќе даде повеќе пари. Толку од филмот.

Треба да се помириш дека никогаш нема да бидеш толку самоуверен во себе како дебела тинејџерка што на инат на сите хејтери снима видео туториал за тоа како се мацаат орео колачиња во млеко, притоа проаѓајќи ги сите глупи стереотипи што би ви текнале за неа.

Наивни, пренаивни деца што уште веруваат дека родителите им мислат само добро. И така се до моментот кога ќе им дадат да пробаат темно чоколадо, вистински темно чоколадо со над 70% какао.

Сиже на финалето во кошарка меѓу САД и Србија од Олимпијадата во Рио. Поради ексклузивните права, не можат да емитуваат ниту секунда од снимката, ама сепак успеваат автентично да го пренесат натпреварот.

Говорот е упатен до Доналд Трамп и во него најдругарски го советува како од целата работа може да излезе како легенда, а сè што треба да направи е да се откаже од претседателската трка. Проштален, затоа што оди на одмор до 20 септември и се надева дека до тогаш Трамп ќе го има послушано.