Самиот Стивен Колбер признава дека најголемиот проблем што го има со Трамп е што едноставно не може да го пофатиш човекот, таман за едно се избламирал, не поминал ни ден, прави нова глупост. На пример во вторникот избрка бебе (вистинско, автентично, оригинално човечко бебе) од прес-конференција, во средата изјави дека Хилари е основач на ИСИС. И така, веќе година и кусур.

Оваа сообраќајна чудесија со децении одлично функционира во Свиндон, јужна Англија. Но, со оглед на фактот дека наш човек и во обичен кружен тек го фаќа паника (од филозофското прашање "Каде завршува еден круг?") па често решава одеднаш да смени лента, главнaта порака на оваа статија е: Коце, да не си помислил!

Во прашање се ТПП, ТТИП и ТИСА чија крајна цел, колку и да звучи параноично, е создавање на нов глобален правен и економски систем, во кој транс-националните компании се ставаат над државите.

На Марџ одма ѝ беше јасно. А и на Хомер, со вистинско насочување, му се разјасни.

Поглед на човек што ја има изгубено сета надеж во човештвото, и човек што одамна ја има спукано со Епл.

Украинците, поточно Украинките имаат традиција на создавање на круни од цвеќе, кои ги носат млади, немажени жени со цел да ја покажат својата "чистота" и подобност за брак. Круните се чисто филигранство со цвеќиња и останати растенија. Едно студио, Трети Пивни, одлучи малку да ја воскресне традицијата.

По републиканската конвенција демократите имаа прилично лесна задача и се што требаше е нивната конвенција да не изгледа како природна катастрофа, ама им се случи скандалот со мејловите, па ја изгубија целата предноста што ја имаа, така да почнуваат од исто.

Демократската конвенција 1996-та, повторно Клинтон претседателски кандидат, ама овој пат е Бил. Хилари како бекап со цела сила се обидува да покаже дека човек, и дека и она е дел од народот, па макар ако тоа значи и играње Макарена и гледање на остатокот од партијата како се глупира на истата песна.

Се јадело низ цела римска империја а рецепти има и од Цариград, од времето на Самоил. Така што, ако сте патриоти со длабоки корења, фер е да пробате. А лесно е: рибата (најдобро скуша) се чисти од внатрешните органи. Потоа рибата можете да ја фрлите а тоа цревата ќе ги посолите и ќе ги оставите да гнијат на сонце, едно три месеци. Да оќориш од сласт.

Сакате во природа? Вака се оди во природа. Иако, ова треба и по град да си го влечкаш, па, кај ти дојде. Особено пред оние шема кафичи. И да им фрлаш коски.

Пак Чезена, пак 1.000 музичари, пак една песна, пак да не ти се верува како божествено моќно ова изгледа. Минатиот пат беа Фу Фајтерс на репертоар, сега се Вајт Страјпс.

Хенри Јангмен (американски комичар од времето околу Втората светска војна) објаснува секогаш кога ќе го прашаат "Како е жена ти?" неговиот одговор е "Во споредба со кого?" Исто е и со диктатурата. П.С и се друго.

Извадоци вон контекст од синоќешното појавување на Хилари на демократската конвенција. Исклучиво од делот со балоните, соодветно спакувани во гифови.

Моментот кога Лари Сандерс како делегат на демократите од дијаспоратаго дава гласот за својот помлад брат Берни Сандерс. Срцки и двајцата, се расплакаа кога си спомнаа за прерано починатите родители. Инаку, Лари и Берни имаат растено во оние семејства во кои имало што да се јаде ама царувале дилеми од типот "дали да се купат завеси или тепих'.

Како да реновираш главна улица сред Москва, а да не ти се случи народна буна, линчување сред плоштад и клетви за идни 7 генерации? Лесно, ќе ангажираш 300 парчиња механизација.

Сте виделе како се штави кожа од кит додека кожата уште е на китот? Не сте и нема да видите, ама, ова е најблиску што до тоа може да дојдете. Почекајте до крај, овој занает си бара и сукало.

Америка, што ти е бе проблемот? Јас сум Хилари Клинтон. Јас сум политички вуднеркинд, и тоа сум уште од 16 години. Имам ненормална мрежа на моќни пријатели. И спремна сум следните 8 години да ги минам справувајќи се со срања од сите страни, сè за да можам да ја средам ебанава држава за тебе. А сè што треба да направите вие е еден ден во ноември да го мрднете газот.

Едно обично зелено јаболко и една минута му се доволни на генијален автор ефектно да ги опише главните правци во уметноста. Федерико Монзани.

Прашање: Како Б.Б. Кинг менува пукната жица на гитарата? Одговор: Додека свири.

Зборува за Србија, ама концептот е универзален и може секаде да се примени, вклучително и МКД. Одма ќе го познаете дека зборува од лично искуство, заради што и може така детално да ви го пренесе ката по ката секој потег што треба да го направите во неизбежниот спаринг со шалтерот. Прилично добра збирка шамарања мрзливи / незаинтересирани административци.

Француски цртач на графити се одметнува од секој можен канон на шкртање графити, и почнува да шара во печатен фонт. Целиот проект има просветителска жичка, па тој постојните ишкртани ѕидови ги префарбува во бело, по што ги враќа графитите транскрибирани во печатна форма. Ако сте се мислеле што кажуваат, ништо не кажуваат.

Пред некое време 37-годишниот пензионер Коби Брајант напиша писмо до 17-годишниот средношколски кошаркар Коби Брајант, кој е на еден ден пред потпишување со Лејкерси. Во писмото му ги пренесува сите совети на 17-годишниот себе си што тој би сакал да ги знае пред да стане Коби на тема – пари и роднини / пријатели.

Одлично забавен ТЕД говор кој почнува духовито околу сите лоши навики што ги имате насобрано околу губење време и бегање од обврски, и завршува со уште повеќе нервоза околу сè што немате завршено. Барем не е до тебе, до мајмунот е.