Сајтот се вика "Морална машина" и ве става во ситуација на автоматскиот возач на автомобил кој треба веднаш да се реши за една од двете ситуации кои ги има пред себе. А мора некого да убиеш. Заебано.

Да беше севкупно подобар како спортист, веќе ќе беше на Олимпијада, затоа натпреварот е само во првиот рефлекс, на три - четири, кога се трга.

По 112 години (прв пат од 1904) голфот повторно е прифатен како олимписки спорт, што заслужува дочек како што е редот, со бразилски фудбалски коментатор.

Обично сè е розево и завршува со сипање сина течност (???) врз влошката. Тука ништо не е розево, ниту пак ја има сината течност.

Британски туристи во еден шпански хотел. Наредени во линија, чекаат на знак за да се растрчаат и фатат што подобро место околу базените. Та не сме саде ние, та не сме саде тука.

Не само што оваа маскирана плавуша мисли дека е побрза од Болт туку е убедена дека може да истрча 100 метри за 7,5 секунди. Нејзиниот проблем не е што не ја разбира брзината туку што не ја разбира должината. А за тоа веројатно се виновни нејзините дечковци кои којзнае колкупати ја излажале на таа тема.

Шеста сезона заврши, седма ќе почне уште покасно отколку вообичаено. До тогаш? До тогаш, монтажи, ама добри монтажи. Приказните за пет ликови: Данерис, Џон, Тирион, Џејми, и Нед.

Човеков се вика Џими Нелсон и веќе над 30 години фотографира племенски и домородни луѓе. Ова го прави најпоштено, оди сред Африка, сред Монголија или сред која било друга недојдија и ги фотографира мештаните. Она што го кажува го има научено од тие што ги снима.

Крајниот исход е - украден точак, меѓутоа патот до таму е многу поразличен од она што можеш да помислиш дека ќе се случи, и тоа претежно на штета на дрвото.

Сместена е во областа Буламбули, и до сега меѓу другото имаат создадено неверојатни проекти како 3Д принтер за свежи јајца, и персонална станица за ревитализирање луѓе. Како ова да не е доволно па сега собираат пари за нови проекти. Без разлика на нивните достигнувања, видеово само по себе заслужува да го има во учебници за маркетинг.

Најдоа тотален крш, од оние кои кај нас се фрлаат по долови и канали, а од опрема имаа секира. И ја оправија и весеље!

Две се на Олга Корбут, едно е на Елена Мухина, и едно на Нели Ким (и тоа е во видеово, а има и други). Заедничко за сите, е што одговорните за гимнастика одлучиле дека движењата се премногу ризични за изведување. Кога ќе го изгледате видеото, ќе забележите дека фразата "премногу ризични" никогаш не изледала така недоволна како во ситуацијава.

Го водат како хотел ама не само што нема рецепција, фоаје или тоалет, туку собите немаат ниту ѕидови. Се работи за швајцарски хотел, чии сопственици размислувале во правец - зошто да ги затвораме гостите меѓу гипс картон, кога можеме сред планина да им поставиме крвет и наткасни. Ноќевањето под отворено небо чини околу 250 долари од вечер.

Аеродром во Истанбул, неброени коли паркирани по принципот "одма се враќам само да се поздравам" и еден "пајак" што функционира многу различно од нашиот пајак (ама врши работа само за паралелно паркирање). Пајакот проаѓа на 5 минути и не простува.

Затоа што улиците им се речиси беспрекорно рамни, Швеѓаните немаат потреба цело време да е на штрек и да кочат / ескивираат дупки. Заради ова, тие знаат да се заборават и да ја надминат границата од 60 км на час. Решение, ќе ставаат дупки на улиците.

Човекот мисли дека зборува за тоа само како почнуваат кавгите меѓу Србија и Хрватска. Прво он нека не се лаже сам себе, второ ние да не се лажеме сами себе.

Видео од 1939 година во кое тогашните модни дизајнери предвидуваат како ќе изгледа модата во 2.000 година. Утка до утка. Издржете ги тоа жените за да ја видите визијата за мажот.

Дури и ако цел живот, до последниот ден, некој го помине како шупак, никогаш не е доцна да се поправи впечатокот.

Ако како скокач во вода изгледаш како да си изненаден кога ќе ја допреш водата, тогаш батали и репрезентација, и Кубертен, и важно е да се учествува, сигурно ќе има нешто друго што да се прави.

Зашто да се ограничуваш и да чекаш на Космосот да му текне дека ти треба да си светска мега-ѕвезда каква што отсекогаш знаеш дека треба и можеш да бидеш. За да ја истераш сопствената космичка правдина, на своја страна ја имаш Flippy, апликацијата за Ајфон што го монтира твојот лик на спотови од најразлични музички хитови, мада фаќа и на други видеа. И ова стварно функционира.

2011-та, Обама е пред крајот на својот мандат а Доналд Трамп е еден од најголемите кловнови на телевизија, кој се заканува дека ќе стане претседател на САД. Без разлика на сличностите, 2011-та е и никој не го сфаќа посебно сериозно, дури ни самиот тој, па решава да се појави на Комеди Централ.

Таму кај што вие гледате "фино им текна, некој и овие со покемониве да ги здрви со топка", швајцарски Базел гледа беспрекорна разгледница за градот што сите ќе ја изгледаат и ќе бараат уште.

Околу 1.200 Турци излегуваат на плоштад во Виена за да му изразат поддршка на Ердоган по неуспешниот пуч. Виена ко Виена, на плоштадот има и курдски дуќани, во конкретниов случај курдски ресторан.

Ѕверот свири на истата гитара со нацртани Хиповци цели 28 години (додуша со 10-тина сменети вратови). На времето и тој го барал "оној звук што го бараш и секогаш за малку ти бега," ама конечно го баталил тоа и сфатил дека е губење време. Важност на опремата - нула проценти.