Offside › Набрзинка

Поранешна француска министерка за спорт: Француските фудбалери немаа допинг-тест за Светското 1998

4 August 2026

Една изјава од поранешна француска министерка за спорт, Марие-Жорж Буфе го потресе фудбалскиот свет. Таа открила дека анти-допинг тестовите биле суспендирани за француската репрезентација за време на Светското првенство 1998 на кое станаа шампиони откако го згромија Бразил со 3-0 во финале во Париз.
И покрај години молк и деманти, сега поранешна министерка призна дека владата „ги скокнала“ допинг контролите и тестовите за репрезентацијата пред и за време на Светското првенство 1998.
Ова признание било дадено во документарката „Зидан, создавањето на легендата“ и е контрадикторно на сведоштваа која таа ги дала при испитувања во Сенатот во 2013-та каде категорички одбила каква било владина интервенција.
Поранешната министерка Буфе раскажала сега дека одлуката била донесена за време на интезивни контакти меѓу владата и фудбалската федерација. Откако еден неочекуван допинг тест бил направен во тренинг кампот на репрезентацијата на Франција во Тиње во 1997-ма година кога сите играчи поминале со негативни резултати, селекторот во тоа време Аиме Жаке и фудбалската федерација на Франција рекле дека овие тестови се сосема непотребни и ги реметат подготовките за Светско.
Физичарот Др. Алан Гарние кој бил праќан од Министерството за спорт да ги предводи тие тестирања, рекол дека токму Буфе лично побарала од него да ги прекине тестирањата. „Не требав веќе да и додевам на репрезентацијата до Светското првенство. Со други зборови - нема веќе изненадни контроли“.

извор

Започна пријавувањето за меморијалниот турнир во мал фудбал „Оливер Соколов – Сокол“

1 August 2026

Од денес и официјално започна пријавувањето за XXII Меморијален турнир во мал фудбал „Оливер Соколов – Сокол“ – Сокол ВЛТ 2026, еден од најпрепознатливите и најпосетени спортски настани во Македонија. Пријавувањето ќе трае до 28 август 2026 година, а бројот на екипи е ограничен на 40.
Турнирот традиционално ќе започне на 1 септември 2026 година на игралиштето „Сокол“ во ООУ „Христијан Тодоровски – Карпош“, Карпош 1, додека ждрепката ќе се одржи на 30 август 2026 година.
И оваа година учесниците ќе се борат за награден фонд од над 1.300.000 денари, што уште еднаш го потврдува статусот на турнирот како еден од најзначајните турнири во мал фудбал во државата.

извор

Реал со последна понуда за Винисиус, Арсенал го мерка Бразилецот

31 July 2026

Реал Мадрид нема намера да прифати барање за зголемување на платата на кој било играч во екипата, па колку и да е клучен тој фудбалер за тимот. Ова е цврст став и важи за сите.
Бразилецот Винисиус кој важи за најголема ѕвезда во Реал Мадрид, веќе неколку месеци преку неговите агенти одбива да го продолжи договорот кој истекува следното лето затоа што сака поголеми примања.
Од друга страна, Реал за последен пат му понудил нов договор па Бразилецот може да бира дали ќе остане или ќе биде продаден.
Арсенал е најсериозно заинтересиран да го откуп неговиот договор од „кралскиот клуб“ и тоа би можело да биде најбомбастичен трансфер летово.

извор