Метис засега има инвестирано околу 65,000 австралиски долари (сумата варира во зависност од изворот) во развивање на симболот и апликации за Андроид тастатура кои ќе го вклучуваат, а најскапата од нив предвидува и скратено пишување на 14-те најкористени зборови во англискиот.
Со оглед на тоа што the е најфрекфентниот, неговото скратување според иноваторот ќе заштеди голем број карактери во Твитер пораките и официјалните преписки. И...толку. Аргументите за воведување нов симбол за него главно се сведуваат на: „ако петтиот збор по фрекфенција на користеност - и (and) - има свој симбол, & - зошто па зошто the да го нема?".
Но знакот за 'и' (&), наречен амперсенд се развивал органиски во текот на вековите - бенедиктинските калуѓери ја измислиле неговата модерна верзија, дур на рака копирале верски текстови. Метис не се става во истата лига, но сепак вели: „Кој знае, можеби за едно 500 години луѓето ќе бидат воодушевени што во еден момент сме престанале да го пишуваме the".
Ај што од Епл не мислат така, и ја одбиле неговата апликација, туку и коментарите на јавноста не му ветуваат добра иднина на овој симбол. За него се вели дека не само што не е неопходен, туку е и смешен, и дека неговиот автор е подобро да се држи до вегетаријанските ресторани и органската морска храна отколку да се меша во работата на дизајнерите.
Србите засега немаат коментар.
