Ад инфинитум е ново дело поставено во Научната галерија во Даблин. Тоа е всушност „паразитски“ апарат, бидејќи неговата работа зависи од вашите движења. Кога ќе ја ставите раката во машината, таа користи електрична стимулација за да ги натера мускулите на раката да контрахираат. Тоа пак го поместува лостот поставен под дланката, со што се добива струја. Ако престанете да го „клацкате“ лостот електричната стимулација повторно се активира.
За да биде појасно, видеото:
Создадена од истражувачи кои ја прочуваат интеракцијата помеѓу луѓето и машините на Институтот Хасо Платнер во Германија, оваа машина всушност ви ја зграпчува раката, па така е невозможно да престанете да ја „храните“. Ако тоа сепак се случи, таа ги принудува мускулите да работат без оглед на вашата волја. Стегачите не попуштаат освен ако некој не ја стави својата рака на местото на вашата. Машината ве користи за сопствена полза, и единствен избор е или да останете нејзин слуга или да убедите некој друг дека ова е супер забавно и дека мора да го проба.
Креаторите на проектот немаат коментар на прашањето - а што ако сте единствен човек во собата во моментот, или сте последен посетител во галеријата?
Тину-нину, тину-нину...
