Пред неколку дена во Загреб познатиот словенечки кантавтор и фронтмен на „Лачни Франц" го претстави неговиот книжевен првенец со крајно неочекуван наслов - „Втората жена во харемот".

Bare it For Books е проект на познати канадски писатели кои се организираат за во 2014. да објават календар на кои ќе позираат речиси голи, а во корист на канадскиот ПЕН и слободата на изразување на писателите од целиот свет. Но пред нив и други славни колеги се сликале, или ги сликале без маица, во костими за капење или ко од мајка родени. Еве некои од нив.

Проучувачите и љубителите на Киплинг, најпознат по „Книга за џунглата" и песната „Ако", се израдуваа кога слушнаа дека се откриени 50 негови претходно необјавени песни. Една меѓу нив како да е пишувана денес, и тука.

A про по потребата од дополнителни интерпункциски знаци за изразување на поливалентните нијанси на напишаното, за што веќе пишувавме, еве уште неколку супер предлози. И забелешка: говорот на телото е очигледно многу попрецизен, дури и кога се ќути.

Британците се познати по необични книжевни награди. Награда за лош секс во фикција за „најзасрамувачките пасуси на сексуален опис во роман", „Секирче на годината" за најостра книжевна критика, но и наградата Дијаграм, за најчудниот наслов на книга на годината.

Чарлс Крафт е уметник-провокатор. Тој прави керамика од кремирани човечки остатоци и кравји коски: бокали со затворачи во форма на кукаст крст, бисти на Чарлс Менсон, макети на свадбени торти со симболи на Третиот рајх. До скоро сето ова се толкуваше како иронија. Но...

„Животот на Пи" е роман за едно момче кое доживува бродолом и е исфрлено на отворено море. Режисерот Анг Ли сакал неговата филмска верзија да биде навистина реална. Затоа во тимот повикал консултант - некој кој преживеал повеќе од два месеци во гумен чамец среде океан!

Воскреснати заради рекламни цели, славните ни криви ни должни постхумно се изманипулирани. Ваквата пракса поставува низа законски, но и етички прашања. На пример, чии се овие луѓе?

L'Envie (Желба) е ироничен наслов на француски бестеселер кој, наспроти очекувањата, не зборува за сексуалните желби и нивните остварувања, туку напротив - за нивниот недостаток!

Мојот прв и последен пат свесно јадење коњско месо се случи во монголски ресторан во Виена. Си бираш од изложените парчиња речиси флуоресцентно црвено месо, и ти го подготвуваат пред тебе, дур ти доаѓа слика од сите коњи од детските сликовници. 

Прекрасни визуелизации на турцизмите во босанскиот, кои функционираат и во македонскиот јазик. Наши фаворити: чаршија и ќилим. Напрајте ни ќејф, кликнете „аферим". 

Дали виршлите можат да произведат музика? Каков звук испуштаат крофни со еурокрем? А модрите патлиџани? Сè што ви треба за да го пробате ова е едно едноставно електрично (не-Жикино) коло. 

Овој месец New York Review of Books прославува 50 години од своето постоење. Нарекувано „најдоброто литературно-интелектуално списание на англиски јазик" и „главен теоретски орган на Радикалниот шик", тоа содржи и рубрика - лични контакти!

Уште една причина да го сакате винилот, и да бидете носталгични по него: еротско-сатирични корици на албуми од 1950-тите и 1960-тите. А богами и насловите не се за потценување.

Се сеќавате на текстот дека некои од дамките на средовековните книги се всушност фосилни остатоци од европските инсекти? Епа откриен е ракопис кој содржи информација за постоење и на други чудни суштества. Овие предат, и имаат шепи.

Вчера (19.02) Ник Кејв одговараше на прашања на Твитер како дел од промотивната кампања за новиот албум Push the Sky Away. Како и секогаш мудар, со смисла за хумор, и (му личи на годините) по малку ироничен.

Во прва ретроспектива по неговата смрт во 1997, која е истовремено и досега најголема, во галеријата Тејт на едно место ќе се соберат 125 слики и скулптури на Рој Лихтенштајн. 

Трубадурите, Гвидо де Арецо, ренесансниот Палестрина, кастратите, Пурсел, Скарлати, Телеман, страшниот Бетовен, романтичари и пост-романтичари, регтајм, џез, Чак Бери, метал, Њу Ордер, Продиџи...И сето тоа во помалку од седум минути.

Неодамнешната Букбокс читанка, односно нејзиното издание бр. 172 за книгата на Горјан Петрески, ја „разбранува јавноста", и повлече и поддршка на изнесените ставови, и нивна критика. Издвојуваме некои од нив. 

Додека кај нас и најмал обид за негативна книжевна критика кон домашен автор веднаш се оценува како „нарачана", а критичарот како „шарлатан", Британците за најострата критика на годината даваат - награда.

Дали одвреме-навреме чувствувате дека ви недостасува вистинскиот интерпункциски знак, кој прецизно би ги доловил вашите чувства, за да немате недоразбирање со веќе истрошените емотикони, три точки и извичници? Еве неколку предлози.

Освен тоа што денешниот ден е посветен на љубовта и виното, предлагаме истиот да биде и ден на - креветот: сите патишта водат кон него, и од многу љубов и од многу пиење. А што би рекол Фројд, некогаш човек оди во кревет и затоа што просто му се спие.

Текстов не е замислен како реакција на подмолните трикови за „омрсување" за Валентајн, промовирани од машкиот дел на редакцијата, и не е совет до сите девојки кои не знаат што да им купат на партнерите за овој празник. Од друга страна, не е грев ни ако го толкувате баш така..