Премијата во новата игра на Камелот е 10.000 фунти месечно, до крајот на животот. Премијата нема краен лимит, и сè зависи од твојот животен век.
Лотаријата крајно прецизно ја има одредено својата публика па во соопштението околу новата игра објаснува дека таа е наменета за „растечкиот број играчи кои сонуваат за долгорочна финансиска безбедност, наместо за големи џек-пот премии.“
И покрај тоа што Британија има цела серија на добитници на милионски суми кој ја спискаа својата премија, од Камелот негираат дека таквата пракса е поврзана со новиот тип на игра. За разлика од американската лотарија, во Британија сите премии се исплаќаат еднократно.
