Кит Мун, човекот за кој со страхопочит зборуваат рокенрол ѕверови како Кит Ричардс и Алис Купер, почина во 1978-ма година, на 32-годишна возраст од предозирање со лекови.
"Ме прашаа дали Мун ќе биде достапен за свирката. Им вратив меил во кој им објаснив дека Кит сега престојува во Голдерс Грин крематориумот и дека ако имаат округла маса, чаши и свеќи би можеле да пробаме да го контактираме," изјавил менаџерот на The Who за Сандеј Тајмс.
Од оригиналната постава на The Who, останати се само Роџер Далтри и гитаристот Пит Таунсенд, кои уште настапуваат заедно.
