На фотографијата ја гледате Џенифер Хоус која деновиве прославила 9 успешни години откако пред сите свои роднини и пријатели решила да се венча сама со себе.
Со чудната заклетва "With this ring I me wed" таа во 2003-та година решила да ја сподели среќата со блиските заради одлуката да биде приврзана кон самата себе (ваљда додека смртта не ги раздвои).
"Огромни се шансите да бидете разочарани од луѓето што води кон неискреност и кон нив и кон себе," вели Хоус објаснувајќи го својот "брак" (кој во правна смисла не е валиден).
36 годишната инструкторка по јога, причините за веначавањето со себе му ги објасни на тв водителот Андерсон Купер.
"Во САД живеат 32 милиони самци. Тоа преставува една четвртина од сите американски домаќинства. А сите тие живеат во општество кое ваквото живеење не го препознава како рамноправно. Затоа, не ме чуди што некои од нив сакаат на блиските да им дадат до знаење дека се работи за свесна и разумна одлука, вели професорот по социологија Брајан Пауел.
Дека и ваквите бракови не се имуни на разочарувања сведочи бракот на еден маж од Бостон кој бргу по венчавката со себе, ги известил пријателите дека - се разведува.
Како причини за разводот ја навел класичната бракоразводна ситуација - постоење непомирливи разлики.
