35-годишниот Ли Абамонте во резимето има играње голф во Авганистан, следење горили во Руанда, и највисокиот банџи скок на светот во Јужна Африка.
До сега најдобра забава организирал во Киев. И тоа по основа:
- преку ден пукале на полигон со автомати и стрели
- возеле тенк
- биле на фудбалски натпревар во Киев
- имале организирано излегување во ноќен клуб
- вечерта завршила во 7 часот наутро
Цената на аранжманите почнува од околу 10.000 долари по човек, со вклучен пат. Ама има и викенди на пример во Вегас кои чинат над 20.000 долари од човек кој бил организиран во апартман од 600 метри квадратни. На конкретниот викенд за парите имале и (освен луксузите во собата): возење со хеликоптер преку Големиот Кањон, возење на Ферарија (не дозволени за градско возење) со речиси 300 километри на час, пукање во Мохаве, скокање од 252 метри високиот Стратосфера хотел, летање со Ф-16 авиони.
Што се однесува до стриптизетите: "Мислам дека тоа е клише. Младоженецот речиси секогаш сака да се напие и да се забавува, кумот е тој што цело време сака во собата да има стриптизети."
За пиењето: "Еден пиеше само Ред Бул и вотка цели 72 часа без спиење. Кога се качи на авион за да си оди од Вегас, почна да се тресе и толку силно халуцинираше што морав да му помогнам да се симне од авионот."
Места на кои планира во скоро време да носи ергени се Прага, Софија, Краков и Меделин.
Абамонте целиот бизнис го почнува во 2008-ма по објавување на еден блог-пост за патувањето што го организира во Вегас за неговите другари. Клиентите претежно му се банкари од Вол Стрит, а за него дознаваат преку веб-страна или по препорака од други.
