Амазон се подготвува да лансира 3.236 сателити

Компанијата веќе почна да ги прави подготовките за проектот што тие го опишуваат како „голем, смел вселенски проект“, кој треба да е за општо добро на човештвото.

Официјалното име му е проект Куипер, а официјалната намена му е да обезбеди интернет онаму каде што нема.

Овие над 3.000 сателити ќе треба да вртат во ниската орбита околу Земјата и да „обезбедуваат брз броудбенд интернет на заедници низ светот на кои тој им недостасува.“ Процените на Обединетите нации се дека околу 4 милијарди луѓе на планетава немаат доволно интернет.

Бројките на Амазон се дека сателитите ќе покриваат  територија на која живее 95% од светската популација.

За сега нема никакви дополнителни информации кога оваа мрежа од сателити ќе биде пуштена во оптек или колку пари ќе чини.

Моменталниот статус на проектот е - поднесени документи кај американските телекомуникациски власти.

9 април 2019 - 16:04