Одлуката, образложена на 88 страници, била донесена едногласно, но судот побара таа да не се толкува триумфално од која било страна и потсети дека дека законите сè уште ги штитат трансродовите лица од дискриминација. Пресудата, сепак, беше пречекана со овации и прослава.
Процесот против шкотската регионална влада го отвори групата За жените на Шкотска, која побара толкување дали со дефиницијата за жени во Законот за еднаквост од 2010 година се опфатени и „трансродовите лица со сертификати за женски пол“.
Групата, делумно финансирана и од писателката Џ.К. Роулинг, бара лицата што самите се идентификуваат како жени, иако не се, да немаатпристап до услуги и простори резервирани за жени. Шкотската влада, поддржана од групите за права на трансродови лица, тврдеше дека сертификатот е доволен доказ.
Објавувајќи ја пресудата, првиот човек на Врхвниот суд, лордот Хоџ рече судот е едногласен дека термините „жена“ и „пол“ во Законот за еднаквост од 2010 година се однесуваат на биолошкиот пол, а не на стекнатиот род.
По пресудата, ториевците побараа од лабуристичката влада итно да ги признаат и да ги почитуваат основните права на жените што произлегуваат од нивниот пол и да ги сменат владините препораки.
Ова е јасна победа на здравиот разум. Не требаше некој случај да стаса до суд за да се докаже биолошка дефиниција за жена, изјави Мимс Дејви од Конзервативната партија.
