Русија ќе тактизира дали ќе оди на Киев во следните четири до шест седмици, пишува CBS повикувајќи се на официјални американски инстанци при што е неизвесно дали би се одело со опсада и изнемоштување на градот или пак со борби улица по улица.
Политико сумира дека повеќето западни аналитичари веруваат дека и покрај конфузниот старт на инвазијата, Русија ќе најде начин да го скрши силниот отпор на Украинците. Но, можно е тоа да потрае.
Британското министерство за надворешни работи проценило дека ќе имаме работа со 10 годишна војна а законодавците во Капитол биле брифирани дека конфликтот веројатно ќе трае 10, 15 или 20 години, пренесува The Week.
Долга војна очигледно е најлош епилог за Украинците, за Владимир Путин но и за Бајден, како што предупреди Маргарет Бренан од CBS.
Емили Хардинг, некогашна членка на американскиот совет за национална безбедност предупреди дека САД и Европа треба да бидат подготвени за војна која ќе трае меѓу 8 и 10 години и ќе биде разорна по економиите.
На запад има воени соколи за кои ниедна жртва не е преголема ако Русите имаат поголеми жртви.
„Ова за нив може да биде полошо од авганистанската авантура во 1980-тите, со оглед на тоа што со што сè можеме да ја снабдиме Украина за да ѝ науди на Русија,“ вели поранешниот шеф на ЦИА за операции во Авганистан, Мајкл Викерс.