Финансовиот на ЛВМХ за падот во приходите ги обвинува „драстичните проблеми во побарувачката на шампањ“ кој е пијачка „вообичаено поврзана со прослави, среќа и слично“. Под ЛВМХ се шампањите Дом Перињон, Круг и Моет, меѓу другите.
„Можеби сегашната глобална ситуација, без разлика дали е геополитичка или макроекономска, не ги тера луѓето да слават и да отвораат шишиња шампањ. Стварно не знам, меѓутоа факт е дека обемот на продажба е намален за двоцифрен број,“ изјавил финансовиот директор на ЛВМХ Жан-Жак Гиони.
Проблемите на ЛВМХ допрва може да се влошат, бидејќи новите генерации, конкретно ген З се повеќе се вртат кон безалкохолни верзии на пијалаците. Во анкета од јануари над 60% од испитаниците родени меѓу 1997 и 2002, изјавиле дека планираат да ја намалат консумацијата на алкохол.
Други анализи кои подолго време го следат пазарот покажуваат дека минатата година продажбата на вино е падната за 3%, и тоа е трета година по ред како индустријата бележи пад.
И овие анализи за трендот ги обвинуваат миленијалците и ген 3, кој според нив се повеќе фокусирани на сопственото здравје и „велнес“.
Дел од објаснувањето за минусот на ЛВМХ е и тоа што периодов цел свет е зафатен од инфлација и намалени приходи, заради што претпоставката е и дека и понатаму има прослави, меѓутоа сега се далеку поумерени, па луѓе се решаваат за поевтини решенија.
