Се работи за драматичен пресврт за Маск чија нето вредност кон крајот на 2022 во еден момент беше падната за 200 милијарди долари.
Најголем придонес кон новиот рекорд на Маск има победата на Трамп, во чија кампања Илон инвестираше стотици милиони долари, а е на пат да има и клучна улога во новата администрација.
Блискоста со Трамп се одрази со скок на вредноста на акциите на Тесла, чија цена од изборите до денес е порасната за 65%. Во меѓувреме неговиот стартап за вештачка интелигенција ИксАи повеќе од два пати ја има зголемено својата вредност од мај годинава и денес се проценува на 50 милијарди долари.
Во средата Спејсикс и неговите инвеститори се согласија да откупат акции од вработените во вредност од 1,25 милијарди долари. По овој договор, вредноста на компанијата се проценува на некои си 350 милијарди долари.
Спејсикс речиси сите пари ги прави од тендери со американската влада, па се очекува дека оваа соработка ќе биде и засилена во мандатот на Трамп. За време на кампањата Трамп ја хвалоспеваше намерата на Маск да испрати астронаути на Месечината. За прв човек на НАСА, Трамп го избра милијардерот Џаред Ајзакмен, кој во септември ја направи првата комерцијална вселенска прошетка на леталото на Спејсикс. Милијардерот го пофали Спејсикс како „најиновативна, буквално импресивна организација што некогаш ја имам видено.“
Минатата недела по втор пат на суд падна одлуката на Тесла да му додели пакет за плата на Маск во вредност над 100 милијарди долари.
