Иако нема докази дека кој било од лицата на списокот некогаш шпионирале во корист на Кина, сепак на Британците не им е сеедно што членови на партијата се ангажирани, на пример, на високи позиции во британскиот конзулат во Шангај, од каде оперираат и тамошните британски разузнавачки служби.
„Таму, функционерите се само еден спрат оддалечени од тимот на МИ6 и тие би можеле да ги идентификуваат нашите разузнавачи,“ изјавува неименуван извор за Дејли Меил.
Освен конзулатот, околу 600 членови на партијата работат или работеле во британски банки како ХСБЦ и Стандард Чартерд, додека 123 Кинези со партиска книшка биле вработени во Фајзер и АстраЗенека.
Компании како Ербас, Боинг и Ролс-Ројс, кои работат и за одбранбената индустрија, вработувале стотици членови на партијата.
Комунистичката партија на Кина има над 92 милиони членови, и зачленувањето предвидува исполнување на одредени предуслови, заради што само 1 од 10 апликанти успеваат да влезат во партијата.
