- Вирусот поседува биолошка карактеристика што не се наоѓа во природата.
- Податоците покажуваат дека сите случаи на ковид-19 произлегуваат од едно префрлање врз луѓето. Ова е спротивно на претходните пандемии каде што имаше повеќе настани на префрлање.
- Вухан е дом на најистакнатата кинеска истражувачка лабораторија за САРС, која има историја на спроведување на истражувања за стекнување функција (промена на гените и билдање на организмот) со несоодветни нивоа на биосигурност.
- Истражувачи од Институтот за вирологија во Вухан биле болни со симптоми слични на ковид во есента 2019 година, неколку месеци пред ковид-19 да биде откриен на уличниот пазар.
- Според речиси сите мерила на науката, ако имало докази за природно потекло, тие веќе би се појавиле. Но, не се појавија.
ПУБЛИКАЦИЈА ЗА ЦЕНТРАЛНО ПОТЕКЛО:
Публикацијата „Централното потекло на САРС-КоВ-2“, која често пати беше користена од претставници од јавното здравство и од медиумите за дискредитирање на теоријата за протекување од лабораторија, беше поттикната од докторот Фаучи за да се истурка посакуваниот наратив дека ковид-19 потекнува од природата.
ИСТРАЖУВАЊЕ ЗА СТЕКНУВАЊЕ ФУНКЦИЈА:
Лабораториски инцидент со истражување за стекнување функција е најверојатното потекло на ковид-19. Актуелните владини механизми за надгледување на ова опасно истражување за стекнување функција се нецелосни, тешко усложени и не може да се спроведат глобално.
ЕКОЗДРАВЈЕ:
EcoHealth, под раководство на д-р Питер Дазак, користеше долари од американските даночни обврзници за да го олесни опасното истражување за стекнување функција во Вухан, Кина. Откако Избраниот поткомитет објави докази дека EcoHealth ги прекршил условите за грантот од Националните институти за здравје (НИХ), Министерството за здравство почна постапка за прекинување на соработката и го суспендираше финансирањето на EcoHealth. Нови докази покажуваат и дека Министерството за правда отвори истрага за активностите на EcoHealth од ерата на пандемијата.
НЕУСПЕСИ НА МИНИСТЕРСТВОТО:
Процедурите на Министерството за здравство за финансирање и надзор на потенцијално опасни истражувања се нецелосни, неверодостојни и претставуваат сериозна закана и за јавното здравје и за националната безбедност. Министерството поттикнало средина која промовираше избегнување на федералните закони за водење на евиденција - како што се гледа преку дејствијата на д-р Дејвид Моренс и Марџ Мур.
ОПСТРУКЦИЈА ОД МИНИСТЕРСТВОТО:
Министерството за здравство од администрацијата на Бајден водеше повеќегодишна кампања на конфузија и неодговорност во обид да ја попречи истрагата на Избраниот поткомитет и да скрие докази што би можеле да инкриминираат или засрамат високи службеници во јавното здравство.
ОПСТРУКЦИИ ОД ЕКОЗДРАВЈЕ:
Претседателот на EcoHealth, Питер Дазак, ја попречи истрагата на Избраниот поткомитет, давајќи му инструкции на својот персонал да ги прилагоди документите пред да ги објави во јавноста. Докторот достави лажни изјави до Конгресот.
ДОКТОР ДЕЈВИД МОРЕНС:
Вишиот советник на д-р Фаучи, д-р Дејвид Моренс, намерно ја попречуваше истрагата на Избраниот поткомитет, веројатно го лажеше Конгресот во повеќе наврати, незаконски ги избриша федералните записи за ковид-19 и сподели информации што не се за јавноста во врска со процесите на грантови од Министерството.
ЊУЈОРШКА ОПСТРУКЦИЈА:
Извршната комора на Њујорк уредила, редактирала и задржала илјадници документи без правна основа за да ја попречи истрагата на Избраниот поткомитет за неуспесите на поранешниот гувернер Куомо во ерата на пандемијата.
СВЕТСКА ЗДРАВСТВЕНА ОРГАНИЗАЦИЈА:
Одговорот на СЗО на пандемијата на ковид-19 беше тежок неуспех затоа што попушти под притисокот од Кинеската комунистичка партија и ги постави политичките интереси на Кина пред своите меѓународни должности. Најновите напори на СЗО преку „Договор за пандемијата“ да ги реши проблемите влошени од ковид-19 може да им наштети на САД.
СОЦИЈАЛНО ДИСТАНЦИРАЊЕ:
Препораката за социјално дистанцирање „од 2 метри“ (која ги затвори училиштата и малите бизниси низ целата земја) беше произволна и не се засноваше на наука. На сведочење зад затворени врати, д-р Фаучи сведочеше дека упатството „туку така се појавило“.
ЗАДОЛЖИТЕЛНО НОСЕЊЕ МАСКА:
Немаше убедливи докази дека маските ефикасно ги штитат Американците од ковид-19. Службениците за јавно здравје беа контрадикторни за ефикасноста на маските без да дадат научни податоци, предизвикувајќи огромна недоверба од јавноста.
КАРАНТИН:
Продолжените карантини предизвикаа неизмерна штета не само на американската економија, туку и на менталното и физичкото здравје на Американците, со особено негативен ефект врз помладите. Наместо да се даде приоритет на заштитата на најранливите популации, политиките на федералните и државните влади принудија милиони Американци да се откажат од клучните елементи на здрав и финансиски добар живот.
ДЕЗИНФОРМАЦИИ ЗА КОВИД-19:
Службениците за јавно здравје ги доведуваа во заблуда Американците преку конфликтни пораки, реакции од ракав и нетранспарентност. Федералната влада ги демонизираше алтернативните третмани и ги оневозможи наративите, како теоријата за истекување од лабораторија, во срамен напор да ги принуди и да ги контролира здравствените одлуки за Американците. Кога тие напори не успеаја, администрацијата на Бајден прибегна кон директна цензура (во договор со најголемите светски компании за социјални медиуми) за да ги цензурираат сите несогласувања поврзани со ковид-19.
