Во последното издание на American College of Sports Medicine's Health & Fitness Journal, се објаснува како со помош на вашата тежина, ѕид и столица, низ 12 вежби можат да се исполнат нормите за тренинг со висок интензитет, и сето ова во 7 минути.
"Има добри докази дека тренингот со висок интензитет со интервали во краток период, осигурува голем број од фитнес бенефициите на долг тренинг на издржливост," објаснува Крис Џордан, ко-автор на истражувањето и директор на психологија на вежбање во Институтот за човечки перформанси во Орландо.
Работата на научниците од МекМастер Универзитетот во Хамилтон и други институции, покажуваат дека неколку минутен тренинг со интензитет кој е близу до твојот максимален капацитет создава молекуларни промени во мускулите споредливи со оние од неколку часа трчање или возење велосипед.
Во програмата составена од доктор Џордан, се нагласува дека вежбите мора да се прават во интервали, поточно со паузи од 10 секунди меѓу вежбите. Посебно важно за постигнување на ефектот е постојано префрлање од вежби за горен дел на тело, на вежби за долен дел на телото. За време на паузата, не вежбаните мускули имаат време да се стабилизираат, заради што редот по кој се дадени вежбите е важен.
Вежбите треба да се прават една по друга, а максимум имате 30 секунди за секоја од нив.
На крај 12-те вежби ги завршувате за 7 минути и тоа би требало да биде доволно за до крајот на денот.
