Вести › Набрзинка

Италија бара Шпанија да биде суспендирана од Шенген зоната

31 јули 2026

Премиерката Џорџа Мелони побара Шпанија итно да биде суспендирана од Шенген зоната за патување низ ЕУ без визи, откако илјадници мигранти извршија инвазија врз шпанската територија Сеута на брегот на Африка. Ги опиша како „шокантни“ снимките како илјадници луѓе, претежно млади мажи, пливаат до брегот на Сеута и се префрлаат преку границата од Мароко во Шпанија.

Локалните шпански власти објавија дека во хаосот загинале најмалку 18 мигранти. Според официјални извори, границата нелегално ја преминале над 1.500 луѓе, но репортери од Сеута јавија дека пристигнале најмалку 5.000 мигранти.

„Сликите од Сеута покажуваат како одлуката на владата на Мадрид да им додели шпанско, а со тоа и европско, државјанство на над 500.000 нерегуларни имигранти е длабоко погрешна и поттикнува трговија со луѓе“, претходно објави шефот на дипломатијата Антонио Тајани.
Вицепремиерот Матео Салвини повика на привремено суспендирање на целата Шенген зона, во која се 29 европски земји.
Шпанскиот министер за надворешни работи, Хозе Луис Албарес, го обвини Рим дека ја користи имиграцијата како оружје за политички цели. „Од партнерска и пријателска земја очекуваме европска солидарност, а не партиска демагогија“, порача Албарес.

20 август 2026

Пред неколку дена, американскиот претседател индиректно им порача на Американците да се навикнат на поскапи горива додека трае војната со Иран.
Кажа дека дека заради цената на горивата не мисли да се извинува и дека ја направил исправната работа.
Заради таа „исправна работа,“ Американците плаќаат 3,2 милијарди долари повеќе за бензин, отколку пред една година.
Неделно.

19 август 2026

Фајненшел тајмс пишува дека иранското водство разгледува начини како да го подигне влогот во конфликтот со САД доколку тоа биде потребно.
Двајца инсаjдери од од иранскиот режим потврдиле дека иранските вооружени сили веќе ја процениле можноста за напад врз американски воени цели во земјите во југоисточна Европа, доколку Трамп се реши за заострување на односите.
Една од нив е Бугарија која минатиот месец одобри користење на својата воздухопловна база Безмер за американски танкерски авиони.
Втора потенцијална мета за одмазда е Кипар, каде седиште има британска воена база која во март беше цел на напад со беспилотни летала.
Не ја погоди целта во американско-британската воената база Диего Гарсиа во Индискиот океан, но иранска ракета во февруари демонстрираше дека може да лета 4.000 километри.