Сосема спротивно на локалните искуства, по кои сè што не беше шарено се прогласуваше за небањато (што е само еден облик на простачка дисквалификација на оние што мислат поинаку; додади и сендвич во равенката и ете те тебе во елитата), Гардијан пишува за научна студија од Шведска по која „гадливите“ имаат склоност да се десничари со авторитарни тенденции.

Доналд Трамп е на пат да ја повтори победата на претседателски избори во САД. За да го спречат тоа, на оние кои таквата помисла ги ужаснува им треба многу повеќе отколку надмено да размислуваат дека првиот пат му се посреќи. На златокосиот му се посреќува во серија.

Пред дваесетина дена менаџментот на Њузвик го отпушти главниот уредник на медиумот, извршниот директор за вести и повеќе новинари (меѓу кои и пулицеровци). Сето ова во еден ден. Тогаш шпекулацијата беше дека се отпуштени затоа што почнале да ги истражуваат финансиите на својот сопственик.

Државјанството во поновите форми е нешто што може да се купи, изнајми или да се добие со онлајн регистрација. Таквите цаки главно се за богати, односно за оние чие лично богатство е над материјалниот квалитет на нивната матична земја. Има аранжмани и за сиромаштија, ама, нејќете од тие.

Аргументот на тие што се против поседување оружје е дека масовните убиства во САД се случуваат заради тоа што во земјата може многу лесно легално да се купи оружје. Аргументот на тие што се за поседување оружје по дома е дека САД имаат проблем со ментални болести, а не со внимателни сопственици на оружје. Вистината веројатно е некаде измеѓу.

Американскиот претседател најави значајно засилување на американската војска со педесетина илјади нови членови, свежи, физички спремни и подготвени да сторат сè за својата земја. А потоа ги измери кандидатите.

Не постои добра идеја зад која не може да се затскрие секаква фукара. Особено онаа која е надмена и напувана. Овојпат за корените на американската либерална елита и нејзината актуелна состојба на свест во која најрадо би си ставиле фереџе од срам што на власт дојдоа „небањатите“.

Атлантик ја нарекува „дипломатија на ниски очекувања“ а во неа овој пат победи Северна Кореја која откако со месеци се закануваше со уништување на својот близнак држава, само затоа што испрати спортисти и навивачки, доби позитивен публицитет „кој требаше да биде резервиран за Јужна Кореја, која ја организираше, ја плати и е домаќин на Олимпијадата.“

Се изнајмува: функционална вселенска станица моментално во вселената, со простор за 8 луѓе и фантастичен поглед кон Земјата. Може да се користи како хотел, лабораторија или занимална без гравитација. Цена: 3 до 4 милијарди долари годишно.

Надја Бретон е писателка и поранешна стриптизета, на која ѝ е преку глава од тоа да ја спасуваат. И збеснува кога една група жени успеваат да затворат стриптиз клуб во Лондон под изговор дека ги спасуваат вработените.

Воениот сектор на САД доби буџет од неверојатни 700 милијарди долари. Најсилното лоби во државата, преку законодавците во двата табора успеа да издејствува за неколку десетина милијарди долари поголем буџет отколку што побара самиот Трамп.

По објавувањето на извонредниот последен извештај за заработувачка, акциите на Њујорк тајмс пораснаа за 10% и за прв пат од летото 2007-ма вредат над 24 долари по акција.

Благодарение на вратоломната брзина на социјалните медиуми и новинарска клима што фаворизира инстант-објави пред проверени анализи, процесот на провокација, реакција од јавноста и контрареакција сега завршува во рекордно време. Отприлика исто онолку колку што траат маркетинг-кампањите.

Ако има поголема нејаснотија од тоа како Трамп е претседател на САД, тогаш тоа е - како воопшто се случува фризурата на Трамп. Деновиве на качување во авион, ветерот ја отвори икебаната од коса што американскиот претседател ја носи на глава, и луѓето станаа уште позбунети (и позгорзени).

Точно е дека вакви наслови не се ставаат. Точно е тоа и за поднасловов што го пишуваме. Ама, најточно во оваа ситуација е дека вакво нешто одамна немате читано.

Во петокот инвеститорите на Вол стрит почнаа да паничат и во ист стил го затворија денот. Првиот следен работен ден, понеделникот, паниката на американската берза се претвори во потоп, и денот беше затворен со намалена вредноста од над 1.000 поени, најголем пад во историјата на Дау џонс индексот. Нејасното е - како ова се случи?

Иако веќе подолго време зборува за неговата желба војници да маршираат низ булеварите на Вашингтон како претстава за воената надмоќ на САД, идејата за парада во главниот град на САД почнува да добива службена форма по еден состанок од 18 јануари во Пентагон меѓу Трамп и неговите генерали.

Хемиската индустрија сака да не се плашите од тавчињата со тефлонско дно. Но, да се плашите, бидејќи треба да се плашите. Експерти и познавачи на проблематиката велат дека тефлонот одамна требало да биде забранет. ЗАБРАНЕТ.

Републиканците од Разузнавачкиот комитет на Конгресот објавија меморандум на шест страни кој обелоденува тајни информации за работата на ФБИ во истрагата против Трамп и пропустите што Федералното биро ги има направено.

По сè што му накалемија за и околу изборот на Трамп, Зукерберг одлучи дека решението на проблемот не е во тоа подобро да се контролира содржината што се објавува, не е да се води контрола кој што содржина рекламира, не е да се внимава на насилство и малтретирање на Фејсбук (по идеолошки или какви било други основи), туку да го намали бројот на вести од медиумите што стигаат до нивните фанови.

По повод првиот говор на Трамп за состојбата на нацијата, Џими Кимел како своја главна гостинка ја закажа Сторми Даниелс, порно-ѕвездата кој можеби земала 130.000 долари од Трамп за да молчи за една средба која можеби ја имала со сегашниот американски претседател пред неколку години.

Американската администрација размислува државата да преземе дел од националната мобилна мрежа, конкретно 5Г мрежата. Предлогот за национализација бидејќи доаѓа од советниците на Трамп за безбедност, се води како мерка за заштита на американската мобилна мрежа од Кина.

Вака би било од прилика, во слободен превод Crimes Against Shoemanity, во недостаток на подобро решение за играта на зборови меѓу humanity и shoemanity. Во секој случај, јасно ви е: криминално лоши кондури, често од сериозни дизајнери, како концепт за Инстаграм профил.