Дечки толку е со репрезентации за годинава. Следува викендашки клупски фудбал, па Лига на шампиони и тоа три недели со ред. УЕФА почна да провоцира на Твитер и тоа со видео на професор доктор Андрес кога пред 8 години му се сипаа тројца од Спартак Москва.

Италија со Вентура и Италија со Манчини се две скроз различни приказни, како магаре и слон. Со Роберто не само што Аѕурите газат и играат убав фудбал, туку имаат флуид и слават заедно па дури и кога тој не може да ги води од клупа.

Необична приказна ни доаѓа од Ротердам каде на 2 јули 2000 година Франција стана европски шампион откако ја совлада Италија со 2:1 во легендарно финале.

Шпанскиот тениски ас го елиминираше Циципас на Мастерсот во Лондон и се пласираше во полуфинале каде ќе игра против Медведев. Во еден момент го збуни Гркот на мрежа со импресивен волеј удар за кој не постои одговор.

Коронавирусот и натаму не ја пушта планетата нормално да живее, но постојат земји каде луѓето лека-полека се враќаат кон нормалниот живот (или бар се обидуваат). Рекордна посетеност во време на пандемија во Австралија.

Јунакот се вика Роберт Асавоаеи и игра за третолигашот Штинта Мирослава во Романија. Ова што го направил на меч против ЦСМ Пашчани во триумфот од 4-0 уште долго ќе се зборува. Ако има некоја правдина, ФИФА ќе го стави во најтесниот круг од тројца кандидати за наградата „Ференц Пушкаш“ за најубав гол во сезоната.

Некогашниот редовен прволигаш Катанија, клуб од Јужна Италија, се натпреварува во трета лига. На нивниот меч против Вибонезе тренерот на Катанија Бепе Рафаеле кај аут линијата спречи една контра на гостите и доби директен црвен картон. За негова среќа Катанија славеше со 2-1.

Тешко се носеа Вардарци вечерва против лидерот на табелата Кјелце од кој загубија 4 гола разлика, а еден од најискусните, Иван Чупиќ повторно го прекинуваше тренерот Алушевски со конкретни критики, овој пат упатени до бековите на кои им се обрати со: Ќе шутне ли некој високо горе? Пи*ки едни, само долу шутирате.

Избраниците на Талант Душебаев ја оправдаа фаворитската улога против тимот каде тешко поминуваа изминативе години во Скопје. Европскиот првак дефинитивно не е на шампионското ниво на кое се навикнавме да го гледаме. 

Вардар бие тешка битка против Кјелце кој важи за фаворит на гостувањето во Јане Сандански. Пољаците водеа +4 на полувреме, а капитенот намали на +3 со еден удар на прва во кој го истури цел бес што не им оди.

Во 2019/2020 сакаш да си Имобиле, фаца број 1 во Италија и Европа со 36 првенствени гола. Во 2020/2021 нејќеш да си Имобиле, бидејќи повеќе е во лаборатории, отколку на терен. Ковид 19 годинава дефинитивно е ретардирана појава број 1 на планетава.

На една фотографија од 1996 година стојат идните фудбалски ѕвезди на Хрватска: Лука Модриќ и Нико Крањчар. Додека ја гледате треба да знаете дека Нико е постар од Лука само 1 година.

Од лик како Ванчо Таковски не можеш никогаш да собереш на едно место, од сè она што го кажал во форма на приказна, анегдота или бисер. Нема кај нас сега ваква жива легенда која можеш да ја викнеш во емисија и да извлечеш гостување од ваков калибар.

Англија до врв ја наполни мрежата на Исланд и со 4-0 ги испрати „рибарите“. Стрелец на 2 гола беше Фил Фоден од Сити кој правеше шоу синоќа.

Во Италија не е како порано, составот во репрезентацијата да го сочинуваат играчи претежно од Јуве, Интер, Милан...Манчини има голем избор и во напад тешко е да се реши за двајца во ситуација кога ги има Инсиње, Белоти, Имобиле, Бернандески, Киеза...

Синоќа НБА лигата за првпат во историјата одржа онлајн-драфт. Поради глобалниот вирус и мерките, церемонијата на драфтот помина во студиото на ESPN во Конектикат преку видео-конференција.

Судијата мора секогаш да следи добро 90 минути за да не пропушти некој спорен момент, а овој во Јапонија ептен се најде и во игра, во обид едниве да организираат брз напад.

Белгија и Данска одиграа супер натпревар во последното коло од Лига на нации со 6 гола. Белгија славеше 4-2, а вториот гол на гостите беше автогол на Насер Шадли или автогол на Куртоа, проценете сами.

Македонската фудбалска репрезентација завршува втора во група и останува во Лига Ц, откако на неутрален терен на Кипар загуби од Ерменија 1:0 на меч без Пандев, Барди, Адеми, Алиоски, Димитриевски, Елмас, Николов, Ристевски, Спировски и Крсте Велкоски.

Има една смешка од кај нас во кладилница кога еден младич прашал колку е Борусија? Од вработениот добил логично прашање, која Борусија? А царот му одговорил: Мончеблах. Тоа е вистинит хумор, за разлика од царов кој нè изнасмеа за сите пари со пародијава.

Ниту светот на фудбалот не е имун на вториот (или веќе трет) бран на вирусната пандемија. Речиси и да нема клуб чии репрезентативци ќе се вратат позитивни од собирите со националните селекции.

Сторијата за 49-от конгрес на ФИФА во Чикаго, ја има раскажано Илија Атанасовски, починат во 2014-та, како тогашен генерален секретар на ФСМ. Со Ѕинго и Дончо биле сместени во Шеретон во друштво на Пеле, Ди Стефано, Кројф, Еузебио, Платини, Боби Чарлтон, Бекенбауер...