Македонски навивач со македонско знаме, главен на Инстаграмот на Барселона

Беше во Букурешт, Палермо, Порто, во Парма кај Пандев, а сега се појави на трибините и во Франкфурт. Сегде го има.

Фудбалската треска за македонските навивачи не заврши во Порто, туку македонските знамиња продолжија да се вејат и во Лига на шампиони и Лига Европа.

Прво забележливи беа македонските навивачи на Реал Мадрид на Стемфорд Бриџ, а ден потоа и оние кои навиваат на Барселона.

Еден од најверните навивачи на македонската фудбалска репрезентација кој не пропушта гостински натпревар е и голем фан на Барселона.

Се работи за струмичанецот Наце Митев кој го има оној препознатлив банер за Горан Пандев. Го запознавме во Палермо, а инаку живее во близина на Франкфурт.

Ни најави дека ќе оди да ја бодри Барса, а ние го уловивме за време на преносот на Арена. Погледнете го само со каква страст ги бодри каталонците.