Да видиме како на 45 години дрибла двократниот светски првак со Бразил и два пати освојувач на Златната топка. Ги има и техниката и потезите по кои беше препознатлив, без разлика што не може да си ја среди линијата. Каква легенда.

По една година пауза, Здравко Мамиќ закажа прес конференција на која во негов стил, како бегалец од Бих, го отера по ѓаволите цело хрватско правосудство до седмо колено. Насловот е само мал дел од неговиот арсенал на напади и вулгарности.

Во 4. коло од аргентинската Примера дивизион Бока продолжи со добрите игри и со 1-3 го совлада Сентрал на гости. Домаќините прв ги начна Себастиан Виља со невозможен шут во 42’ минута.

Само еден ден по ракометната треска во Келн, место од кое скопската публика има силни спомени кои вечно ќе ги паметат, на површина повторно испливуваат старо новите проблеми на двократниот првак на Европа.

Во Мајами на стадионот на новиот клуб Интер чиј сопственик е Дејвид Бекам, се одиграл ревијален натпревар: Тим Роналдињо против Тим Роберто Карлос. На куп собрани големи фудбалски имиња.

Во големото дерби од туниската лига меѓу Есперанс Тунис и Клуб Африкан, домаќините победија 3-1 и се први на табела. Домашните навивачи направија атмосфера својствена само за Тунис, Мароко и Египет.

Под новиот формат кој УЕФА веќе го усвои и треба да стапи на сила од сезоната 2024/2025, ќе има дури 64 повеќе натпревари во Лига на шампиони (од 125 сега до 189 тогаш). Ќе има 48 повеќе дуели во Лига Европа (над 141) и 12 повеќе средби во Конференциска Лига (од 141 на 153). Севкупна бројка од 531 натпревари во една сезона. Што е многу многу е. А никој не ги прашал навивачите за ова.

Како 24 годишник во 2017-та, се израдува на првата европска титула, онаа историската со Вардар. Од тогаш доминира во Полска со 5 од 5 во првенство, стана капитен, но не успеа по втор пат да се искачи на врвот. И покрај промашениот пенал со кој го доби епитетот на трагичар, доби посебна благодарност од татко му.

Откако од сезоната 2009/10 во ЛШ се игра Фајнлфор турнир, Барселона е прва екипа која успеа да ја одбрани титулата. Во овој формат во Келн, имаат 4 титули, Кил 3, а Вардар 2. Алекс Душабаев беше многу опасен и на моменти незадржлив кога ќе се кренеше на шут од игра, но кога финалето се одлучуваше на пенали, само тој не успеа да реализира.

Некои фудбалски сцени се уникатни и непоновливи. Налетавме на еден циркузантски момент од ЛШ, кога Артуро Видал направи салто и ископа нафта на Бернабеу.

Веќе 11 години како е сиромашна НБА лигата без еден од најдобрите и најпопуларни центри во историјата. Ама сепак го има секаде и уште знае како да импресионира.

Да не ги сретне човек овие страшила преку ден, а па навечер никако.

Ако прашате фанатик по НБА од 90-те, кои беа главни џокери на Чикаго, сигурно ќе ви набројат двајца, Тони Кукоч и Стив Кер. Препознатливата 25-ка беше незгоден тројкаш и роден шампион и тоа во две улоги.

Еден анонимен клуб од Гибралтар, основан на шала и смеа од група другари кои излегувале во истоимениот бар, обезбеди пласман во 1. коло од предквалификациите во УЕФА Конференциска Лига.

2015, 2017, 2018, 2022. Четврта НБА титула во последните седум сезони за Вориорс и вкупно седма во историјата со која го поминаа Чикаго Булс и се искачија на третата позиција по број на титули. Време е за рап.

По страшно напорната сезона со безброј натпревари, кошаркарите на Голден Стејт конечно можат да здивнат и со прослава на нова шампионска титула да го исфрлат целиот психолошки товар кој го носеа сезонава. Заслужено се на врвот иако беа четврти фаворит за титулата пред сезоната.

Најголемата ѕвезда на Ливерпул и најсакан африкански фудбалер, Садио Мане одигра фудбал во своето родно село Бамбали. Играше на игралиште по дожд и кал, но тоа не му сметаше да ги израдува неговите соселани.

Да го хејташ најдобриот шутер во историјата на НБА лигата, дека не дал ни една тројка во петтиот натпревар е злочин. Ноќеска им врати на хејтерите со шест комада и влезе во елитата од седум играчи кои имаат минимум четири НБА титули и две МВП награди за регуларната сезона. Другите се Карим Амбдул Џабар, Тим Данкан, Леброн Џејмс, Меџик Џонсон, Мајкл Џордан и Бил Расел.

Додека за време на прекин играчите се освежуваат со студена вода, еден стар, искусен линиски судија се освежува на свој начин.

Кошаркарите на Голден Стејт Вориорс се одново прваци во НБА лигата, откако во финалната серија беа подобри од Бостон Селтикс со 4:2. Стефон Кари блесна кога најмногу требаше и им ја затна муцката на критичарите.

Човекот кој наликува на големата суперѕвезда и повеќекратен НБА шампион Клеј Томпсон, „мртов-ладен“ си се ушуњал во „Чејс центар“ арената во Сан Франциско каде после некое време се играше 5. меч од големото финале меѓу Голден Стејт и Бостон Селтикс кој воините го добија за 3-2. Некои од вработените дури и му викаат: „Ја имаме утакмицава Клеј“.

Голманот на Пари Сен Жермен и репрезентацијата на Италија се најде на удар на италијанската јавност откако по дебаклот со Германија на кој направи голем кикс, арогантно со прашање одговори на една водителка: „Грешки? Кои грешки, кога се случило? Со Реал Мадрид под фаул? Ако сакате да правиме полемика од ова, ќе правиме“

Неил Андерсон за себе вели дека е навивач на Абердин и колекционер на дресови од Италија. Чуден спој. Ако има некој Италијанец вакво богатство дома, нека ни пише.