Денвер синоќа го победи ЛА Лејкерс 113:111 и со кошаркарски жаргон го изметлира ривалот со 4-0 во финалето на Западот за пласман во големото НБА финале. Одново неверојатна партија одигра Никола Јокиќ со 30 поени, 13 скока и 13 асистенции.

Не се чува овој човек. Кога мислиш дека на тој габарит кој делува тромаво треба да му најдеш чаре во рекетот, тој ќе те изненади со нешто друго или скроз трето. Погледнете му овие две тројки. Каква е оваа храброст и дрскост? Ги шутира како за добро утро. Неверојатен лик за кој Кевин Дурант отворено кажа дека ќе стане еден од најдобрите центри што некогаш допрел баскет.

И покрај тоа што за едно полувреме им дадоа 73 поени од кои 31 беа на Леброн и водеа 15 разлика, Лос Анџелес Лејкерс едноставно во оваа финална серија не можеше да излезе на крај со Јокиќ и другарите.

Македонскиот репрезентативец го спаси од пораз Ал Фејха во првата лига на Саудиска Арабија, две кола после оној еврогол од 40 метри.

Додека Сергеј Самсоненко беше таму, сè беше идеално. Кога Русинот си замина, сè се распадна. Клубот на крај го помагаа Комити, нешто побогати симпатизери на клубот, но и поранешни асови. 12 месеци им должеа плата. Како и да е, успеаа. Вардар е симбол на Македонија и македонскиот фудбал. И жив е.

По примерот од Италија каде прво во Удине, а потоа и во некои други градови, на навивачите на Наполи насилно не им беше дозволено да слават титула по туѓи градски улици, во неделата во Кавадарци поединци од навивачките групи Лозари Кавадарци и Чкембари Битола решиле да тргнат во лов по оние кои се дојдени со вардарови обележја.

Кошаркарските стручни коментатори по финалето во Кануас беа едногласни во ставот дека челните луѓе на Евролига треба сериозно да размислат да го укинат Фајнал Форот и да воведат систем како во НБА финалето каде би се играло до неколку добиени меча по принципот дома-гости.

Високиот и снажен Еди Таварес, еден од најзаслужните што Реал Мадрид стигна до 11-ти европска титула, доби МВП награда за играч на финалето. И покрај тоа што мечот резултатски го скршија ветераните Серхио Чачо Родригез и Серхио Љуљ, сепак Таварес уште од дуелите со Партизан и Барселона, на грб го носеше Реал.

За легендарниот напаѓач на Ливерпул и Барселона, не се ништо 36-те години. Во 2023-та веќе има 14 гола на сите натпреварувања од кои неколку му се евроголови. Со Гремио славеше 3:1 против Интернасионал. Погледнете на каков начин го отвори резултатот по само 7 минути игра.

Лидс Јунајтед проба со пар тренерски смени да ја размрда екипата и во финишот од сезоната да избегне испаѓање во втора лига, но веројатно тоа сценарио не им бега. Во неделата изгубија 3-1 на гости кај Вест Хем а на мечот имаше смешна сцена кога гостинскиот тренер Сем Алардајс нашол банкнота од 5 фунти па на комичен начин му ја нудеше на четвртиот судија.

На својот стадион „Етихад“ во неделата Манчестер Сити со прилично комбиниран состав го совлада Челси со 1-0 и после мечот ја прослави деветтата шампионската титула во својата клупска историја.

Двете полуфинални серии во НБА не донесоа ни трунка неизвесност кога крајниот исход на натпреварите е во прашање. Денвер и Јокиќ го доминираат ЛА Лејкерс, а Мајами Хит со Џими Батлер му држи предавања на Бостон Селтикс.

Денвер Нагетс убедливо го води ЛА Лејкерс до 3:0 во серијата и е на праг од големо историско финале во НБА. На последниот дуел, одигран во Лос Анџелес, каде Никола Јокиќ и другарите го освоија противничкиот терен за нов триумф, браќата на Србинот, од трибините на крајот имале вербален дуел со славниот холивудски актер Џек Николсон.

Расистички навреди, провокации, тегнење, удирање, црвен картон, ВАР и на крај победа на Валенсија над Реал. Во главна улога Винисиус кој го изеде најдебелиот крај.

Силен 36 часовен дожд го погоди северниот италијански регион Емилиа Ромања. Ситуацијата била драматична. Има 14-15 жртви и 36.000 жители со уништени домови. Помош на луѓето со оштетени куќи им дал и цел фудбалски тим на Чезена.

Гачевски, Серафимов, Вецески, Глишиќ, Мишковски, Николовски, Јусуфи, Десниќ, Јаневски, Размоски, Цветаноски, Јовчев, Величковиќ - Радуловиќ, Дошев, Велковски, Цветков, Митев, Жоглев, Мицевски, Стојилевски, Папули, цел стручен штаб предводен од Бобан Грнчаров, спортскиот директор Александар Бајевски и се разбира Комити. Тоа е екипата.

Тоа што од непознати и апсурдни причини ги ставија да играат во Кавадарци, не ги спречи славјето да го продолжат во центарот на Скопје. По големата поддршка на самиот бараж меч против Скопје за влез во Прва лига, Вардарци имаа пречек на плоштад. И тоа шампионски, со отворен автобус поминаа низ триумфална. Заслужено со оглед на сите срања низ кои поминаа.

После долг и макотрпен пат, фудбалскиот клуб Вардар, носен на раце од своите Комити, успеа во намерата да се врати онаму каде што му е место: во првата македонска фудбалска лига. Црвено-црните имаа голема поддршка во текот на овие две години во втора лига, а кулминацијата блесна во бараж мечот за пласман во прва лига. Во Кавадарци против ФК Скопје: победа од 3:0.

Реал Мадрид со право сезонава го завикаа „мачка со девет животи“. Кралскиот клуб по рекорден 11-ти пат ја освои европската титула и тоа после каква сезона! Имаше гигантот од шпанската престолнина незаборавна серија со Партизан кога направи пресврт и од 0-2 се крена од пепелот и славеше со 3-2. Ја урнаа и Барселона рутински во полуфинале на Фајнал Фор и ги чекаше силниот Олимпијакос.

Во неверојатна драма каква само кошарката може да изрежира, Реал Мадрид го совлада Олимпијакос во финалето на Евролига 79:78 со кош во самиот финиш и стигна до единаесетта евро титула. Серхио Љуљ јунак на мечот со единствените поени постигнати во последни секунди.

Фудбалерите и стручниот штаб на Вардар се спортски херои на годината. Се фатија за ѓаволски тешка работа која ја вршеа 15 месеци без пари и со дрска и јуначка упорност поминаа низ сите тешки препреки за да и покажат на Македонија дека на бастионот не му е местото во втора лига.

Битка меѓу две скопски екипи од ваква важност да се игра во Кавадарци е апсурд по сите параметри. И коментаторите констатираа дека инфраструктурните капацитети на стадионот не задоволуваат за еден ваков натпревар. Причината е едноставна, знамето смета, не може да се гледа убаво на тв. Кај оди ултраси и камери на иста трибина?

Нецели 4 минути им беа потребни на фудбалерите на Вардар да го отворат резултатот на бараж пресметката против Скопје вредна промоција во прволигашкото друштво. Стрелец Дарко Размоски. Комити се во делириум.