Сантос во втора лига за прв пат во 111 години историја, во градот како да има војна

Неверојатни сцени доаѓаат од Јужна Америка, каде еден од најпознатите и најславни бразилски клубови за прв пат ќе игра во втора лига. Навивачите не можат да се соочат во вистината и го запалија градот.

Сантос бркаше дома победа над Форталеза за да се спаси, но загуби 1:2 и тоа со гол во 96-та минута. На стадионот настана тотално бунило и тага, плачеа играчите, стручниот штаб, навивачите...

По мечот надвор беше хаос и опасно да се движи човек по улица. Бесните навивачи палеа што ќе стигнат, а настрада и колата на еден од фудбалерите.

Славниот Сантос се сели во второлигашки ранг за прв пат во својата 111 годишна историја. 

За овој клуб имаат играно низа на познати играчи како Нејмар, Робињо, Дунга, Зе Роберто, Алекс Сандро, Диего, Родриго, Данило, Фелипе Андерсон...

Но Сантос пред сè е асоцијација на Пеле на кој му ја посвети речиси цела кариера. Играше во периодот 1956-1974, а на Википедија му стојат 1.106 настапи и 1.091 гол.

Пеле со Сантос освои вкупно 25 трофеи и тој е единствениот бразилски клуб со три титули во Копа Либертадорес (1962, 1963 и 2011).

Инаку титулата во бразилската Серија А ја освои Палмеирас кој има вкупно 12 титули, четири во последните седум години.

7 декември 2023 - 09:01

Штета ако сте пропуштиле

Како да се има тело како Џесика Алба?

Што е млеко и дали бадемот има цицка?

Што знае УЈП што е еден денар

Начисто ги утепавме децава