Македонската ракометна репрезентација утревечер од 20:30 против Данска го стартува деветтиот настап на ЕП. Дебито се случи во Италија 1998 против Унгарија, а првиот гол го постигна прилепчанецот Томе Петрески. Да се потсетиме.

Денвер Нагетс го забележа и третиот триумф по ред, овојпат 118:109 над Далас Маверикс. 

Кошаркарите на Чикаго Булс ја совладаа Јута Џез 128:126 а јунак на повеќекратниот НБА шампион беше Никола Вучевиќ кој трет пат сезонава постигна кош во последните секунди за голема победа.

Баварската машинерија продолжува да гази. Во Бундеслига имаат 15 победи и 2 нерешени на 17 натпревари. Синоќа го совладаа Келн на гости со 1-3. Првиот гол за Баерн го даде Серж Гнабри на истек на првиот дел во 45+5' минута. Интересно голче.

Африканскиот Куп на нации стигна до завршницата. Сенегал оди во финале после триумф над Египет со голот на Мане, а Мароко ја мина Нигерија на пенали. Одиме со еден кус сегмент од вторава средба. Абде Езалзули од Бетис буквално го легна на земја својот чувар.

Екипите се викаат Спорт и Ретро. Ама не се сами они чудни. Погледнете го ова. Голманот мислеше дека тоа ќе биде лесен плен.

Фудбалерите на Албасете приредија сензација во Копа дел Реј и го исфрлија ранетиот Реал Мадрид, кој пред само неколку дена го загуби Супер Купот од Барселона. Победничкиот гол за второлигашот падна во 94-та минута за конечни 3:2, а го постигна Хефте Бетанкор, кој беше двоен стрелец на мечот.

Првиот чувар се вика Пени Хардавеј, вториот Шекил О`Нил, а под кош е и Хорас Грент. Ем Џеј не го интересира и не гледа кој има пред него. Влегува и ја решава акцијата, па ако треба и сам ќе си асистира, како во случајов.

Филип Талески неодамна во подкаст изјави дека не разговара со Филип Кузмановски. Капитенот на Пелистер за Пресинг вели дека не сака многу да навлегува во таквите приказни. „Нема никогаш да заборавам како ми помогна, како да дојдам од Битола во Скопје, да се наметнам во тој круг на играчи, на приjатели, на другарство. Едноставно, можеби конкуренциjата направи да дојде до ова меѓу нас. Јас немам никакви замерки“, вели Кузмановски.

Интересен момент имало на полувреме на натпревар на фудбалскиот клуб Лејтон Ориент. На стадионот „Бризбејн Роуд“ навивач добива понуда од спикерот, 15.000 фунти ако погоди пречка. И мртов-ладен со лева ја поткупува маестрално со фелш и гаѓа пречка.

Веројатно еден од најлошите, ако не и најлош начин да примиш гол. Толку.

Купот на Африкански нации е нешто што има свој оригинален шмек, тамошните навивачи прават шаренолики спектакли на трибините кои по сè изгледа би можело да ги нема на Светско првенство 2026 летово. Барем не во мера во која ги имаше на сите Мундијали досега.

Во квалификациите за Отвореното првенство на Австралија на дуелот меѓу Себастијан Офнер од Австрија и Нишеш Басаваради кој игра за САД, Австриецот повел со 7-1 во треиот сет и убеден дека средбата е завршена, тргнал кон мрежата со раце кренати во вис како да е се готово. Заборавил дека во Мелбурн на првиот Грен Слем во годината решавачкиот тај-брејк се игра до 10 поени. Откако судијата му кажал за правилото, Австриецот се разочарал и целосно паднал. Противникот ги освоил следните осум од девет поени и победил 4-6, 6-4, 7-6.

Милвоки Бакс изгуби 139-106 од Минесота Тимбервулвс и го запиша 23-от пораз (имаат 17 победи). Најдобриот кошаркар во историјата на клупската франшиза Јанис Адетокумбо одново беше најефикасен со 25 поени, 8 скока и 5 асистенции но навивачите постојано го исвиркуваат и „букаат“ и него и соиграчите, па тој им возврати.

Галатасарај го совлада Фехтијеспор на гости со 1:2, ама Мауро Икарди имаше мака со голманот и ги загуби двата дуела од белата точка.

Без голем залет и без силување, туку само технички перфектно изведено, со искуство. Така шутира 34 годишниот Антоан Гризман. Играчите од жив ѕид бадијала скокнаа, а голманот на Депортиво не ни се фрли.

Кочаелиспор, каде игра Дарко Чурлинов, загуби 1:0 од Газиантеп на гости во Купот на Турција. Довчерашниот турски напаѓач, Бурак Јилмаз, кој од минатото лето е тренер на Газиантеп, ги загуби нервите и очекувано доби црвен.

И сите му се од Франческо Тоти.

Го знаете ли битолчанецот кој му беше ментор на Висенте дел Боске и кој на Сантијаго Бернабеу беше претставен од Сантијаго Бернабеу? Инаку селектор на Југославија во четири наврати, како и добитник на Орден за заслуги од страна на ФИФА.

Филаделфија '76 го совлада Торонто Репторс на гости 115-102 и ја забележа 22-та победа сезонава. Најефикасни беа Тајрис Макси со 33 поени и Жоел Ембид со 27 поени, 8 скока и 4 асистенции. На клупата кај Фила беше 39-годишниот ветеран Кајл Лоури кој 9 меча по ред не влегувал во игра воопшто. Се до синоќа кога во салата на Торонто Репторс со кого освои шампионска титула не го скандираа неговото име, па тој се соблече и влезе во игра.

Кога цела земја ужива со топката, дали на улица, во прашума, на Копакабана, на Маракана....

Првиот центарфор на македонската фудбалска репрезентација Бојан Миовски се прослави во дресот на шкотски Абердин каде блескаше и се изнадава голови во две сезони. Кога дојде време за нов предизвик, тој направи трансфер во Ренџерс, славниот и трофеен клуб од Глазгов. Сега првпат после селидбата се врати во Абердин. Го пречекаа со цела кореографија и парола на негова сметка.

Бостон Селтикс изгуби тесно 98:96 од Индијана Пејсерс која постигна кош на шест секунди пред крајот за победа но во тој напад очигледно имаше фаул на Паскал Сијакам и други судиски грешки. Тренерот на Бостон Џо Маѕула после натпреварот на прес-конференција пак даваше необични одговори. Овојпат се реши само да повторува два збора „Илегал скрин“ односно „Неправилно поставен блок“. Новинарите имаа различни прашања, а тој на шест поинакви прашања го даваше истиот одговор па овие кренаа раце од пресот.

Само неколку дена откако за првпат после 47 години се сретнаа меѓу себе на официјален натпревар, кога ПСЖ го победи најблискиот и прв комшија Париз 2-1 на 4-ти јануари, синоќа само осум дена подоцна Париз направи сензација и го совлада европскиот шампион во дуел од Купот на Франција.