Само 674 натпревари му беа потребни на Јокиќ за да стане втор најдобар центар со 4.662 асистенции во НБА лигата. Пред неколку дена го мина Вилт Чемберлен кој има 4.643, ама на 1.045 натпревари. Прв е Карим Абдул Џабар со 5.660 остварени на 1.560 меча. Краток ама феноменален клип со сличности на двајца кошаркарски мозоци од две различни ери.

Интер Мајами ја прекина серијата од 5 меча без победа, а за тоа се погрижија Меси, Суарез и Гомез кои со 2:3 го добија гостување против Канзас Сити. Убави два гола за домаќините постигна Ерик Томи. Ова беше трет најпосетен натпревар од регуларниот дел од сезоната во МЛС лигата во историја. Голеадата ја следеа скоро 73.000 гледачи.

Малку ни смрди на монтажа, ама да веруваме дека не е и да го потврдиме уште еднаш насловот.

Македонскиот дуел во рускиот кошаркарски шампионат му припадна на Ненад Димитријевиќ кој блесна против ЦСКА Москва предводена од Емил Рајковиќ. Му се насмевнува МВП признанието.

Манчестер Сити го торпедираше Лутон со 5:1 и изби на челната позиција пред утрешните пресметки на Ливерпул и Арсенал. Издвојуваме три прекрасни погодоци од средбата, дела на Ковачиќ, Гвардиол и Доку. Хрватот од среден ред изведе ремек дело.

Не е само до милијардите дечки. За тренер треба да си кадарен. Парите не му ги донесоа сами тие 37 трофеи на Пеп во период од 15 години. Треба да знаеш како да сработиш, да им дадеш дополнителен буст на играчите за да се борат на три фронта и да укомпонираш 23 различни карактери меѓу кои и многу ѕвезди. Цар е, нема муабет. Едноставно му лежи работата.

Роден е во Португалија 2001-ва, член е на данскиот прволигаш Виборг, а има еден настап за Зеленортските Острови поради потеклото. За 500.000 евра го купиле лани од Есторил, цена која веќе му е порасната после оваа асистенција, можеби најмангупска за оваа сезона. Се вика Сержињо.

Тимо Вернер еден период беше синоним за утки на празен гол, ама го нема нешто во последно време, па го провериме да видиме како му оди и дали се поправил. Што да видиме, сезонава има 2 гола за Лајпциг до јануари и уште 2 гола за Тотенхем од јануари кога потпишал позајмица. Њукасл и Тотенхем го стартуваа 32. коло од Премиер лига и по само 7 минути игра, фудбалерите останаа без топка.

На последниот меч од Евролигата против Валенсија, навивачите на Партизан непотребно се вратија во минатото и ги навредија Тони Кукоч и Дино Раѓа, кои пак две недели претходно беа топло примени во Штарк арената во Белград. На што всушност мислеа со паролата?

Некои статистички податоци знаат да бидат брутално силни и ретки во фудбалот. Пазете го ова. Во својот нецел 13 годишен мандат во Атлетико Мадрид, Диего Симеоне во нокаут фаза од ЛШ на домшен терен има: 11 победи, 6 нерешени и 0 порази, како и 20 дадени и 5 примени голови. Дури на 12 од тие 17 меча не дозволиле да примат гол. Прав газда.

На само еден натпревар до завршувањето на регуларниот дел од сезоната, Денвер Нагетс неочекувано загуби од претпоследниот Сан Антонио и ја загуби челната позиција во Западот.

Славниот Пјерлуиџи Колина во фудбалот е ангажиран како неплатен консултант на Италијанската фудбалска асоцијација на судии, шеф на судиите на Фудбалската федерација на Украина, член на комитетот за судии во УЕФА и претседател на комитетот за судии во ФИФА. Се обиде да донесе едно револуционерно правило, ама не му успеа. Ако му поминеше, на таквите ко Пепе или ќе им дојдеше памет или ќе одеа на ладење подолго време.

Нема навивач на Арсенал и гледач на Премиер лигата кој не ја видел долгата јакна на Арсен Венгер, која му стана моден белег. Имало 300 заебанции на таа тема, ама ова е врвот. Долгата јакна бара и подолго скролање кое ќе ви се исплати кога ќе го пуштите клипот.

Двете хрватски кошаркарски легенди и симболи на едно носталгично време, пред две недели беа гости на Партизан на мечот против Олимпијакос. Нивното присуство на Штарк арената беше поздравено со аплаузи. Овој пат навивачите беа поделени. Едни ги вреѓаа Кукоч и Раѓа, а другите му се сипаа на Вучиќ.

Често доаѓаат спектакуларни навивачки изданија од Аргентина, а ниту Бразилците не заостануваат воопшто. Како на пример оние на славниот Гремио.

Претставникот на Република Ирска во Европскиот парламент, Мик Волас имаше интересно обраќање на една од последните седници. Волас дошол облечен во дрес на Торино и тоа во пресрет на големото градско дерби Торино - Јувентус во сабота. Му се обратил на председавачот кој е Италијанец и му рекол: „Со среќа Торино во сабота против Јуве. Јуве е срање, напред Торо“.

Наследството што легендата Паоло Роси му го остави на светот не е единственото нешто што може да се погледне овие денови кај нас. Привилегијата е многу поголема.

Не знаеме како ги бираат овие ликови на кои задача им е да го довлечкаат знамето од ЛШ на центар, да го вејат за време на химната и потоа да го вратат на место, ама за некои тоа е доживување кое го документираат со видео материјал. Кој знае колку раскажувал по другари. Реал - Сити му се падна.

Во неверојатна драма Атлетик Билбао ја совлада Мајорка во финалето на шпанскиот Куп на кралот на пенали откако во регуларниот дел резултатот беше 1:1. Баскијците кренаа прв пехар после цели 40 години!

Убав лаф муабет во еден подкаст. Шек прашува прво како е можно Бен Симонс да зема 40, 50, 80 милиони долари со едвај 55 одигран меча во сезоната и му препорачува да мачка некоја маст на грбот. А за другиот за кој сигурно би платил карта вели дека е потпретседателот на здружението на најдобри центри во историја.

Со одлични резултати на италијанските клубови во Европа во последниве неколку сезони, Серија А заслужено е на прагот да добие сигурно уште едно, петто место директно во Лига на шампиони. За вакво нешто се борат Германците и Англичаните.

Уште во втората сезона им донесе титула и тоа со целосно разнишан клуб и играчки и финансиски, со скандали, големи раководни промени и во една нова ера без Меси. Пушти во оган еден куп деца кои сериозно се наметнуваат како иднина на клубот, а со нив го доби ПСЖ на гости со 2:3 и направи исчекор за пласман полуфинале од ЛШ. Човекот кој речиси цел живот и го посвети на Барса, не заслужи таков притисок под кој работеше, туку договор на долги стази со одврзани раце. Тиери во кратки црни ги има поентите.

Најблиското семејство на прославениот Бразилец се собрало да одбележи шест месеци од раѓањето на неговата ќерка. Едно видео покажува како тој и на семејни собири нема гајле да игра коцка.

Во 2. коло од групната фаза во Копа Либертадорес, Палмеирас лесно го совлада уругвајски Ливерпул Монтевидео со 3-1. Стрелец на третиот гол во 66-та минута бил Естевао Вилијан кој го постигнал така својот прв гол во професионален фудбал на само 16 години, 11 месеци и 11 дена и тоа на деби во елитната Копа Либертадорес. За него веќе се интересирале ПСЖ и Челси.