Во шестата англиска лига Југ, на мечот Бохам Вуд - Вортинг, гостите во 86’ минута при резултат 1-1 згрмуваат една молневита контра. Дени Кашман е режисер на контрата и реализатор на голот за победа 1-2.

Во тек е УС Опен, ама ние налетавме на нешто од Мелбурн и не ни дава срце да не го објавиме. Се работи за тукушто пензионираниот Мареј, генерација лик со Ѓоковиќ кој со оглед на талентот освои премалку. Само 3 Гренд слемови и 6 загубени финалиња од кои 5 на Австралија опен. Реакцијата му е на место. Заслужи пет пати посилни аплаузи и овации за оваа нестварна игра.

По Александар Саша Везенков кој како најдобар играч, МВП на Евролига отиде во НБА па се врати во Олимпијакос, црвено-белите од Пиреја ангажираа уште едно страшно засилување за новата сезона. Во Олимпијакос дојде 31-годишниот Французин Еван Фурние после цели 10 години во НБА лигата каде играше за Денвер Нагетс, Орландо Меџик, Бостон Селтикс, Њујорк Никс и Детроит Пистонс.

Игор Петков од Радовиш е сериозно јак колекционер на картички и сликички од фудбалери. Со ова хоби се занимава од СП 1990 и има безценета колекција за која одбива многу пари. Држи сè и сешто. Од Сократ Мојсов, Џина, Дојчиновски, Панчев, Станојковиќ до Пандев, Елмас, Барди, Ристовски. Бил и на саем за изложба на колекционерски предмети во Загреб, како единствен македонски претставник.

23 годишниот Бразилец кој нанижа 12 трофеи за 6 години во Реал Мадрид, не е воопшто ќеифлија што го нема на списокот на 30 кандидати за Златната топка која ќе се додели на 28 октомври. На неа има дури шестмина негови колеги: Мбапе, Винисиус, Белингем, Рудигер, Валверде и Карвахал. Инаку за прв пат по 21 година на најтесната конкуренција ги нема Роналдо и Меси. Првиот има 5, а вториот 8 награди.

Во пресрет на Дијамантската лига 2024 во Цирих, во претходно договорена ревијална трка, добрите другари светскиот, европски и олимписки шампион и апсолутен рекордер во скок со стап Арманд Дуплантис и светскиот, европски и олимписки шампион и рекордер во трчање на 400 метри и 400 метри со пречки Карстен Вархолм истрчаа трка на 100 метри за паметење! И верувале или не победи Дуплантис поради што Норвежанецот на крај како што била кладбата морал да облече шведски дрес и да се слика со него.

Алкалоид како победник на Купот на Македонија го совлада шампионот Еурофарм Пелистер со 33:30 во финалето од Суперкупот и го смести вториот трофеј во својата витрина. Филип Кузмановски после црвен доби и син картон, инаку воведен пред 9 години. Освен исклучување, тоа значи дека ќе добие и дополнителна суспензија поради груб прекршок.

Реал Мадрид со 2-0 го совлада Бетис во 4. коло од Ла Лига и конечно со двата гола на Мбапе им олесни на навивачите после неубедливите ремија. На овој натпревар Французинот Тчуамени имаше еден многу чуден старт ама успешно изведен.

Христо Стоичков и Роналд Куман освојуваа заедно многу трофеи во Барселона, како на пример 4 титули во Ла Лига по ред 91-94, но и Лига на шампиони. Имаме две легенди, ама една пијачка и луда прослава.

Катанија и Беневенто ги знаеме како прволигаши, а сега се дел од Серија Ц. Но тоа со ништо не ја намалува страста на нивните навивачи кои направија спектакуларно шоу во 2. коло. Секоја чест.

Се вика Реј Кастолди. Од 1989-та година работи како што го викаат Американците стадионски организатор. За време на натпреварите на Њујорк Ренџерс и Њујорк Никс во НБА тој е задолжен за најавната музика и онаа на прекините, тајм-аутите и слично. Го викаат „Фантомот од Гарден“ зошто никој никогаш не го гледа во „Медисон Сквер Гарден“.

ФК Вардар доби спонзор од 1 милион евра годишно, но нешто не штима на стартот на новата сезоната. Скорот им е 3 порази и само една победа. Комити пред десетина дена упатија последна опомена до управата, а денеска сплотено во круг испратија порака до раководството, стручниот штаб и фудбалерите.

Триесет и шест годишниот Аргентинец важеше за еден од најдобрите фудбалери на свет на својата позиција во изминативе години. Тој играше за Росарио Сентрал, Бенфика, Реал Мадрид, Манчестер Јунајтед, ПСЖ, Јувентус. Освои се што може да се освои, од титули во Лига на шампиони, шпанска Ла Лига, француско првенство, Светско првенство со Аргентина, Копа Америка на 2 пати и многу други трофеи. Работел со еден куп тренери па кажа кои му биле најдобри а кои најлоши.

И официјално и неофицијално најдобриот тим на сите времиња што играше незамислив фудбал. Ги мелеше противниците на секој терен во секое време. Барселона сезона 2008/2009. Тренер Гвардиола, а на терен Валдес, Пике, Маркез, Чави, Иниеста, Ето, Меси, Анри, Кеита, Силвињо, Дани Алвеш, Хлеб, Абидал, Јаја Туре, Бускетц, Педро...

Долгогодишниот капитен на Галатасарај и најдобар играч на овој тим, 25-годишниот Турчин Керем Актуркоглу синоќа потпиша договор со Бенфика која за него на Галата му платила 12 милиони евра. Керем веќе е играч на лисабонскиот клуб, а едно дете кога ја видело веста не можеле да го соземат.

Не знаеме дали го копирале ФК Дељадровце или РК Пелистер, само знаеме дека на КФУМ Осло дефинитивно им застанал саатот и се многу назад со модата. Кире Лазаров во книгата „Секогаш на победа“ раскажува дека кога играл во Битола на крајот на 90-те, за да се избања после натпревар морал да излезе надвор од сала во студот, бидејќи тушевите не им биле во сала.

За време на Луј Витон Купот во едрење, член на италијанскиот тим Прада Пирели на отворено море во Барселона се бранел од страшни громови.

„Да не победевме, ќе го потоневме бродот на враќање“.

Топ Фјуел (Top Fuel) или Драг рејсинг е спринтерска трка на кратко растојание со учество на два автомобили. Дистанцата може да биде 402 метри, 804 метри или 1.609 метри. Овој тип трки се популарни најмногу во САД каде државно првенство имало уште од 1950-те години. Трката може да биде меѓу автомобили, моторцикли, катери, електромобили па и трактори.

Александар Зверев изгуби во осминафинале на Отвореното првенство на САД со 3:1 од домашниот тенисер Тејлор Фриц кој во полуфинале ќе игра против сонародникот Франсис Тиафо. Интересно, Зверев го имаше поенот на турнирот.

Рикардо Алвес познат како Рикардињо го загубил видот на 8 години, а веќе има освоено 3 златни олимписки медали. Погледнете го ова движење со инстинкт на мечот против Франција на Параолимписките игри во Париз.

За време на дуел меѓу Јапонија и САД во одбојкарската Лига на нации, Јапонецот Кенто Мијаура сервирал страшен сервис со чудна траекторија. Фелш каков што не го бранат ни двајца.