Во големото финале на турнирот во Атина каде Новак Ѓоковиќ неодамна се пресели да живее со семејството, пред полни трибини, српскиот тенисер го изгуби првиот сет но потоа направи пресврт и заслужено славеше во натпревар кој траеше речиси три часа!
Новак Ѓоковиќ мошне бурно и емотивно ја прослави победата како на времето кога освојуваше пехари на големите Гренд Слем турнири.
Овој турнир првично се одржуваше во Белград но на инсистирање на Ѓоковиќ кој не е во добри односи со властите во Србија, реши да го префрли во Атина. После триумфот тој отворено се заблагодари на грчките власти и грчкиот премиер Мицотакис што во толку краток временски период успеале да го организираат турнирот кој поминал одлично.
Новак Ѓоковиќ со оваа победа и 101. пехар во кариерата му се приближи на Роџер Федерер кој има 103 освоени титули а прв е Џими Конорс со 109. Притоа Ноле ја освои 70-та титула на бетон, на тврда подлога со што го престигна Федерер по таа категорија на вечната листа.
Новак Ѓоковиќ ако се реши да настапи во Торино на турнирот на најдобрите 8 светски тенисери, веќе во понеделник од 14 часот ќе го чека меч против Тејлор Фриц.
Интересно ова беше титула на Ѓоковиќ во 34. различна земја во неговата кариера.
