Грција со 0-2 ја совлада Република Ирска на гости и го забележа вториот триумф после две кола во групата 2 од Лига Б во Лига Нации. Ирците при резултат 0-0 имаа прекрасен гол, го даде шпицот со нигериско потекло  Чиедози Огбене ама му го поништија поради наводен офсајд. Голчиште!

Во 2. коло од Група Е во Лига на Нации, Грузија продолжи со сјајните игри од Европското првенство каде беше најголемо изненадување и тоа како дебитант. Грузијците синоќа со 0-1 го пребродија тешкото гостување во Тирана кај Албанија а единствениот гол го постигна Ѓорѓи Кочорашвили, 25-годишен фудбалер на шпански Леванте. Грузијците сега имаат 6 бода и се први на табела со Албанија, Чешка и Украина (2 порази).

Со завршувањето на 2. коло од Лига на нации, УЕФА прашува кој гол е број 1? Конкуренцијата е голема, бидејќи паднаа четири квалитетни голчишта, а стрелци се Енис Барди, Јусуф Поулсен, Бенџамин Шешко и Ѓорги Кочорашвили. 

Во 39-та минута од мечот меѓу Чиле и Боливија имаше специфична и ретко видена ситуација на која коментаторите се смееја. Гостинскиот голман Карлос Лампе само што прими топка, легна на земја и крена рака, како знак дека се повредил. Но Едуардо Варгас ја собра топката и го израмни резултатот. За волја на вистината, Лампе навистина не лажел, бидејќи потоа го извадија од игра, а неговите по само неколку минути постигнаа гол и славеа 1:2.

На „Јохан Кројф Арена“ во Амстердам пред повеќе од 55.000 гледачи во големиот класик, Холандија и Германија одиграа 2-2 и освоија по бод во својата група во Лига Нации. Освен 4 гола на дербито имаше и многу интересни детали, како овој пас на 22-годишниот фудбалер на Ливерпул Рајан Гравенберх. Интересно, во иста вечер исто додавање имаше и неговиот другар и соиграч од Ливерпул Трент Александер Арнолд на мечот Англија - Финска.

Во големото дерби Колумбија - Аргентина од јужноамериканските квалификации за Светско првенство, Колумбијците им го нанесоа на гаучосите вториот пораз. Славеа 2-1 и им се приближија на табела. Аргентина е прва со 18 бода, Колумбија е втора со 16 бода, а Уругвај е трет со 15 бода. Аргентинскиот голман Емилијано Дибу Мартинез пак направи скандал после мечот, овојпат силно удрил во камерата која го снимала.

Аргентина и Бразил загубија во иста вечер во квалификациите за СП 2026. Светскиот првак е поразен од Колумбија со 2:1, а Бразил загуби од Паргвај со ремек делото на Диего Гомез од Интер Мајами. Аргентинците се и натаму лидери на табела со 18 бода. Бразилците имаат дури 4 порази после 8 кола.

Македонската фудбалска репрезентација, колку толку се извади за срамот против Фарски острови и освои многу важни и неопходни 3 бода против Ерменија. Прекината е серијата од 7 меча без победа.

6 победи, 3 нерешени и 4 порази е билансот на Македонија против Ерменија со скор од 23 дадени и 18 примени голови. На вечерашната 14-та пресметка мора да се оди на победа после оние 1:1 против островот со 50.000 жители. Најубавиот гол против Ерменците е дело на Горан Пандев кој на тогашни 21 година, со бомба ги торпедираше гостите.

По двата триумфа во Мелбурн (2023, 2024), Арина Сабаленка го освои УС опен и стигна до третиот Гренд слем во кариерата. Социјалните мрежи и ги води некое креативно дете.

Во Гостивар паднале понеделнички 850.000 денари. Во Дојран уште толку. Третиот он лајн фатил 400.000. Со здравје да си ги трошите.

Лука Модриќ на свои 39 години игра како во раната младост. Во хрватската репрезентација и натаму е капитен, лидер и стандарден првотимец. За време на тешкиот дуел против Полска во Лига Нации, вечер пред неговиот 39-ти роденден, на Хрватите им донесе огромни 3 бода со прекрасен гол од слободен удар. Овој натпревар му беше јубилеен 181. во коцкестиот дрес.

Во 2. коло од групата Г во Лига Нации, Норвешка ја совлада Австрија 2-1 со гол на Ерлинг Халанд во 80' минута од мечот. Претходно Норвежаните отворија преку Мире во 9-та минута а Австријците израмнија преку Забицер во 37-ма минута.

19 годишниот Витор Роке, кој Барселона пред две недели го прати на позајмица во Бетис, го направи најлошото можно сценарио откако го помина голманот еден на еден. Среќа пријателска е меѓу Бразил и Мексико У-20. И коментаторот го загуби балансот на крај.

Словенија го доби Казахстан со 3:0, а Бенџамин Шешко го постигна првиот хет-трик за репрезентација. 21 годишниот словенечки бисер кој му е клупски колега на Елмас, воодушеви со слалом, па уште и го зачини со маестрална завршница.

Турција под водство на Винченцо Монтела продолжува со добрите игри и по Европското првенство. Турците синоќа со 3-1 го совладаа Исланд во натпревар од 2. коло во групата Х од Лига Нации. Големата ѕвезда на турскиот фудбал, младиот Керем Актуртоглу кој пред неколку дена потпиша богат договор со Бенфика и замина од Галатасарај, постигна хет-трик и го распали стадионот „Ѓурсел Аксел“ во Ѓезтепе.

Италија има сигурен старт во Лига на нации и тоа со две гостински победи. Прво ја изненади Франција 1:3, па го совлада Израел со 1:2. Давиде Фратези и на двете средби постигна гол. Синоќа реагираше многу мангупски на центар шутот на Димарко.

Најдобриот македонски кошаркар и лидер на македонската репрезентација, Ненад Димитријевиќ летово го засили богатиот клуб Олимпија Армани Милано откако две сезони беше убедливо најдобар играч во Русија.

Паралелно со репрезентативниот фудбал, има и по малку клупски. Во шпанската втора лига мечот меѓу Албасете и Еибар заврши 0:1. Го реши голманот на домаќините кој беше свесен дека изреагира како најдебелиот у секое маало кој обично брани.

Фенербахче доби големо засилување од Јувентус, а тоа е Филип Костиќ за кој подготвија уникатно преставување. Во главна улога во видеото е неговиот сонародник Душан Тадиќ.

Легенди на Манчестер Јунајтед и Селтик одиграа пријателски хуманитарен натпревар на Олд Трафорд на кој собраа 1,2 милиони евра. Победи Селтик на пенали со 5:4, а потегот на мечот го има 38 годишниот Вејн Руни кој сè уште е рекордер на Манчестер Јунајтед со 253 гола.

„Дали виде со твои очи дека тие што не играат и немаат клуб и континуитет, едноставно не можат!Колку и да сакаат“.

Македонската фудбалска репрезентација одигра само 1-1 во Торшавн на стартот од новото издание на Лига Нации. Домашните поведоа од пенал, Македонија израмни од пенал. Еден од најсрамните резултати во нашата фудбалска историја.

36 годишниот Марјановиќ играше за Ѕвезда во периодот 2013–2015 и од таму направи трансфер во НБА каде заигра во шест клубови од кои првиот Сан Антонио Спарс. Дека е висок е висок и тоа сите го знаеме, 224 см или 8 см повисок од Шек. Ама оваа страшна доминација малку сме ја подзаборавиле.