Во првото коло од групата Б на Светското првенство во Франција, Македонија му се одмазди на Тунис 34:30 (13-14) за поразот во борбата за Олимписките Игри и заслужено ги освои првите бодови. Капитенот капитенски со 12 голови.

Германскиот репрезентативец на досетлив начин реши да не арчи време во разговор со новинарите кои го чекаа за изјава. Пасошот го користеше како мобилен телефон и се правеше дека збоува.

Горан Бели Стојановиќ. Ракометна легенда која бранеше од времето на Југославија 85-та па се до 2011-та, веројатно колку и да сакал ни во 26 годишната кариера не можел да ги повтори овие чудесни одбрани, особено оние две во еден напад во кои реагираше како Џиџи Буфон.

Не е ниту Фалкао, ниту Рикардињо, туку Амар Ахмед кој ја почна акцијата и ја заврши во стилот на најдобрите двајца во овој спорт.

Неколку НБА ѕвезди меѓу кои Коби Брајант и Кевин Гарнет си напишаа писмо сами на себе. Трендот го продолжи Роналдињо на кој освен нозете, одлично му работи и перото. Ова е неговиот фудбалски пат раскажан хронолошки со многу емоции и со две пораки: насмевка и слободно играње фудбал.

Дали човек да се смее, дали да плаче? Еден Свазиленд за кој требаат надчовечки напори да се најде на карта е далеку пред нас на фудбалската ранг листа на ФИФА.

Најважниот момент во фудбалот минатата година, голот на Едер во финалето на Европското првенство во Франција беше кулминација во кариерата на многу спортски коментатори. Еве како тоа звучеше на 64 канали. Приказната за Едер тука.

Го освои и својот втор Вимблдон во кариерата, блесна на Олимписките Игри во Рио2016 и стигна до посакуваното место број 1 на АТП листата. Но малку се знае за неговото детство.

2017-та за Лионел Меси почна совршено. За прв пат во својата кариера на три меча по ред постигнува гол од слободен удар и сега со 26 гола од слободен за Барса го израмни рекордот на Роналд Куман. Овој против Виљареал е скоро идентичен со тоа што го вежбал на тренинг. Мајсториште.

Кога во 2004-та му откриле рак, Херман Бургос им рекол на лекарите кои закажале операција дали може да ја поместат за понеделник, затоа што за викендот мора да брани за саканиот Атлетико Мадрид. Во своето портфолио лудиот голман има и позната рок-група.

Стефан Јоветиќ оди на 6 месечна позајмица од Интер во Севиља. Тоа е океј. Го прашуваат од каде знае шпански, а тој одговара од шпанските сапуници кои ги гледал како мал. Тоа не е океј. Новинарите му се смејат, а еден од нив кој ја објави веста за неговиот потпис закачи и видео кое едвај издржавме да го изгледаме.

Фудбалерот кој стана легенда на Лестер минатата година денеска полни 30 години и влегува во категорија на ветерани. Не сите фудбалери кои ги интересирало како деца само топка имале кецови по математика.

Сте гледале ли фудбал со џуџиња? Ние не и затоа не ни знаевме дека и таму имало вакви понижувања.

11 јануари 2009-та сигурно му буди убави спомени на нашиот најдобар фудбалер бидејќи тоа беше денот кога го постигна првиот и последен хет-трик во италијанското фудбалско првенство. Следниот го постигна за Галатасарај во Куп натпревар.

Европската фудбалска унија УЕФА веројатно драстично ќе го казни белградски Партизан поради неплатени долгови и ќе му забрани да игра во Лигата на шампионите и Лига Европа.

Диего Марадона важи за еден од најфаулираните фудбалери во историјата и тоа во време кога степенот на заштита на играчите не бил како денес. Малиот Диего ѕверски го фаулирале по 28 пати на натпревар а најголем крвник му бил Џентиле од Италија.

Малку е познато дека „славејот од Мрчаевци“ му е кум на легендарниот Ицо Стоичков. Мирослав Илиќ многу пати настапувал на повик на Бугаринот а во 1996-та година снимил песна во чијшто спот со дрес на Парма се појавува токму фудбалската ѕвезда.

За сите кои не можат да сфатат зошто е контроверзен изборот Светското првенство во фудбал во 2022-ра да биде во нефудбалската земја Катар, некој се обидел и да им нацрта. Една е од пораките на оние кои се противат на веќе договорениот зимски Мундијал, е дека не е нормално да гинат илјадници луѓе кои заминале да заработат за леб за да се исполнат амбициите на други луѓе кои спијат на пари.

Од денеска па до 29 јануари ќе уживаме во врвен ракомет кој ќе го играат најдобрите светски селекции меѓу кои е и Македонија. Домаќинот Франција ја брани титулата и вечерва отвора против Бразил.

Зинедин Зидан има четири синови: Енцо (1995), Лука (1998), Тео (2002) и Елијаз (2005) и сите играат во Реал Мадрид, ама во различни категории. Овој потег на 14 годишниот Тео е најава дека за некоја година коментаторите често ќе го изговараат презимето на славниот Французин.

Што е разликата меѓу фудбалот во 70-те и сега? Има многу разлики, особено ако погледнете како селекцијата на Холандија во времето на Јохан Кројф бркаше топка.

На денешен ден пред пет години Марка го бираше најлошиот трансфер во Ла Лига за 2012-та. Резултатите од анкетата ако ги гледате од денешна перспектива се тотален промашај.

Во зависност од тоталниот селари кап (дозволен лимит за плати на играчи) во НБА, неколку браќа или блиски роднини заработија грдни пари. Еве ги најбогатите браќа во најдобрата кошаркарска лига на светот.