Раул и Пујол од трибините заедно го гледаа големото дерби после кое Барселона се одлепи на недостижни 14+ поени. „Ел класико“ мина во пристојна атмосфера меѓу двајцата најдобри играчи на денешницата.

Пред почетокот на мечот Свонси - Кристал Палас, гостинскиот тренер и некогашен селектор на Англија Рој Хоџсон конечно го виде својот двојник кој работи како редар на стадионот „Либерти“.

Откако отслужи едногодишна суспензија од фудбалот, претрпел тежок развод од сопругата Орелие и поднел две тешки загуби на блиски роднини, Ебуе размислувал да си го одземе животот.

Стотици навивачи на Ѓестепе се радуваа на стадионот на Галатасарај откако Јаховиќ прво изнуди а потоа реализираше пенал на дебито на повратникот Фатих Терим во Истанбул. Ова беше 14. гол сезонава за повремениот македонски репрезентативец.

Ајакс долго време се мачеше со Вилјем II, губеше и со 0-1, за до крај да го скрши отпорот и да слави 3:1. Џастин Клајверт постигна еврогол.

Сантијаго Бернабеу беше сведок на дебакл на европскиот и светски првак во Ел Класико кое заврши 0:3. Каталонците до толку си поигруваа со Реал, што Меси на третиот гол успеа да асистира без една копачка. 

Ја освоија Премиер лигата со бод повеќе од Арсенал, го победија Њукасл во финалето на ФА купот, а тројната круна ја заверија на најлуд можен начин. Со пресврт против Баерн Минхен во ЛШ. Зарем треба да ја редиме оваа епска генерација на Сер Алекс Фергусон. Гледајте и уживајте во голови и акции кои се гледаат во еден здив. Не се раѓа повторно ваков Јунајтед.

Децата на Томас Вермален се разбира дека на ФИФА играат со Барселона. Моментот на кој му се стоплува срцето е кога ќе ги види како сите три го погодуваат на прва во хор.

Фудбалерите на Рома треба да жалат што си заминаа поразени од гостувањето против Јуве со 1:0. Судијата Паоло Таљавенто продолжи 5 минути, а во третата, Патрик Шик излезе очи во очи со Шчесни и ја загуби битката. Вакво нешто не се промашува на дерби меч.

Кошаркарите на Работнички ги срозија Струмичани со 51 поен разлика, а нивната најверна сенка истовремено направи луда роденденска атмосфера по повод 20 години од нивното постоење.

Пет играчи, 19 контакти, 15 додавања, 16 секунди. Мајсторија.

Шалке и Келн играа куп натпревар, а нивните навивачи покажаа каква магична атмосфера може да се направи на стадион со жижици. Да со жижици, истите тие за кои бабите нè караат да не го избориме килимот. 

Главниот белег на финалето од Мундијалот во Германија 2006 го остави Зинедин Зидан кој се пензионираше со црвен картон, поради главата која му ја даде на Матераци. Но зад тоа финале има и други приказни, кои се тажни, но вредни за споделување.

Дуелот Тернана - Про Верчели заврши 4-3, а сите голови за домаќинот ги даде младиот Адриано Монталто кој му донесе прва победа на својот тим после цели два месеци. Монталто влезе на вечната листа стрелци на 4 гола на еден меч во Серија Б.

Пред утрешното Ел Класико кое може да ја реши трката за титулата, играчите на Реал опуштено се загреваат со тениско топче.

Ламиа е град во централна Грција со околу 75.000 жители и се наоѓа на 213 километри од Атина. Таму во Купот гостуваше Панатинаикос а условите за игра беа како да ви кажеме. На крајот ПАО изгуби со 4-1 а грчките медиуми пренесуваат дека клубот е на работ од банкрот и пред финансиска пропаст.

Невозможно е да се поверува но Волкот има 28 години. Како вчера да беше кога англиските топ-клубови се бореа за него додека беше средношколец, додека Nikе работеше со него на 14 години а на 17 заигра на Светско во Германија.

Лузира е името е најстариот затвор во Уганда со максимална безбедност, од која практично и нема потреба бидејќи луѓето не мислат на бегство, туку само на фудбал.

УЕФА на својот Јутјуб канал потсети и го објасни форматот на новоформираната Лига на нации, која претставува можност за помалите земји да стигнат до едно ЕП. Македонската фудбалска репрезентација е дел од Лигата Д која треба да ја освои за да оди директно на ЕП 2020. Натпреварувањето стартува во септември следната година, а ждрепката е наскоро односно на 24-ти јануари.

Во 9’ минута од мечот Чезена - Палермо, македонскиот репрезентативец постигна убав гол за водство на гостите од Сицилија. Во ситуација кога го нема капитенот Несторовски, тука е Алекс Трајковски кој е решен да го врати тимот во Серија А. Ова е трет негов гол сезонава.

Англиски новинар се обидува да долови атмосфера од земја каде не е така лесно да се биде гостин и присуствува на квалификациски меч за азиски Куп меѓу Северна Кореја и Либан. Стадионот е полн, сите се скоцкани во бели кошули и црвени кравати, забрането е да се сликаат џандари, нема продажба на навивачки реквизити, тешко се стигнува до било ваква информација.

На мечот против Феникс Санс, кошаркарот на ЛА Клиперс Милош Теодосиќ демонстрираше дел од арсеналот на своите чудесни додавања: без гледање, меѓу нозе на противникот, преку цел терен. Клиперс ги победија Санси 108:95 а Милош имаше 6 поени, 5 скока и 8 асистенции - сите од шоуто „Харлем Глобтротерс“.