Лејкерс потпиша 32 годишен наставник кој му даде 19 поени на Хјустон

Во американските развојни кошаркарски лиги ретко кој млад играч се задржува подолго од неколку месеци. Условите се лоши, слабо ги плаќаат и фаќаат штрафта за Австралија, Европа или Кина. Ама еден играч се решил да остане со надеж дека ќе го викнат во НБА.

Навивачите на Лејкерс имаат нов MVP. Еден седокос џентлмен кој стана најнеобичниот новајлија во сезоната 2017/2018 во НБА.

Андре Инграм има 32 години. Во 2007. година завршил на филолошки факултет на Американски универзитет а едно време држел и приватни часови по математика. Инграм цел живот имал голема желба да заигра во НБА.

Се разочарал кога не го избрале на драфтот во 2007-ма и се пријавил за драфтот во D-лигата со надеж дека ќе остане во системот и дека порано или подоцна некој ќе го земе.

D-лигата во меѓувреме го смени името. Неговата екипа Јута Флеш го завршила учеството во лигата па Инграм пропуштил неколку сезони. Но во 2012-та година и се вратил на кошарката и играл за филијалата на Лејкерс, „Лејкерс од Јужниот залив“.

Инграм одиграл 384 меча (втор рекордер по бројот на настапи во историјата на D-лигата) и може да се пофали дека имал најдобар процент во шут за три поени (46,1%) во целата лига.

Прецизноста му донела лесен триумф на натпреварот во тројки во D-лигата во 2016-та:

Оваа лига е позната по мизерните услови: лоши хотели, чести долги летови и патувања, тесни сали и мали плати. Ова првенство го гледаат луѓе кои имаат повеќе слободно време или поседуваат желба да станат скаути во НБА или Евролигата.

Тренерите и другарите го убедувале Инграм да се проба на некое друго место. Некаде во Европа сигурно би заработувал повеќе, но тој верувал дека преку игрите во D-лигата може да им западне во око на луѓето од НБА. Но никој не го ни видел, ни викнал.

Тогаш Инграм решил да ја напушти лигата и во 2016-та потпишал договор со австралискиот клуб Пер и дебитирал во тамошната лига. Но после неколку недели се вратил во Америка. Им кажал на работодавците дека престојот далеку од САД му е психолошки тежок и не може да се справи со тоа.

И така на 32 години Инграм кој одамна веќе не бил играч ниту за G-лигата (таа сезона во Австралија имал 9,1 поен во просек), добил повик за проба во Лејкерс! Од нигде никаде.

„Многу луѓе уште одамна би кренале раце а тој продолжи да се обидува уште неколку години. Во помалите лиги заработуваш помалку, таму играш во мали градови и постојано чекаш луѓето да приметат дека си добар. За да поминеш низ сето тоа треба да си психолошки јак. Тоа покажува колку Инграм бил сигурен во себе и колку ја сака играта. Ние направивме одлична работа. Го повикавме зошто сметавме дека може да ни помогне. Имаме многу повредени играчи а тој умее да погоди. Му покажавме на светот дека тој е снајпер“, рекол тренерот на Лејкерс Лук Волтон.

Сонот на Инграм се оствари во самиот финиш од сезоната кога заигра за Лејкерс на мечот против Хјустон. При влегувањето во игра во „Стејплс Центар“ помуабети со суперѕвездата Крис Пол: „Му кажав дека слушнав за неговата приказна и дека подвигот е неверојатен“, изјавил Пол по мечот за 32-годишниот Инграм кој цел живот играл по развојни лиги.

Инграм играше како во транс, салата му скандираше MVP, MVP, а тој не промаши шут до четвртата четвртина (почна со 3 од 3 за два и за 7 минути игра имаше 11 поени).

Кевин Харлан го нарече „Машината“ а клупата на Лејкерс падна во еуфорија по неговите тројки:

Цела сала грмеше MVP, MVP!

Главниот лик на најубавата бајка сезонава во НБА го заврши својот прв меч во најдобрата лига на светот со 19 поени (6 од 9 од игра) и стана највозрасниот кошаркар што постигнал минимум 15 поени во дебитантски меч уште од сезоната 1963/1964. Меѓу првите кои му честитале за неговата упорност која се исплатеше беа Коби Брајант, Џереми Лин, Ајзеа Томас, Џејмс Харден...

Договорот на Инграм со Лејкерс важел за последните два меча од сезоната. Тој потпишал како слободен играч. За тоа време заработил 13.800 долари односно две третини од својата годишна плата во развојната D-лига (таму за една година земал 19.500 долари).

ЗОШТО БАШ ВО ЛЕЈКЕРС?

Прво, клубот од Калифорнија продолжува да прави шоу и да ги забавува гледачите на трибините откако изгубија надеж дека ќе влезат во плејофот.

Историјата на 32-годишниот Инграм е добра основа за филм поради тоа што неговата приказна може да биде дел од шоуто Pimp My Ride во кое од стари крш коли прават ѕверови за асфалт.

Лејкерс во последните години не игра значајна улога во НБА, обично е при дното од табелата па сакале да го задржат имиџот меѓу публиката. Со овој потег и ангажманот на ветеранот тие ќе привлечат големо внимание на играчите и менаџерите полека ќе го вратат статусот на Лејкерс како голема франшиза кон која сите се стремат.

12 април 2018 - 14:44

Штета ако сте пропуштиле

Новинарскиот куршлус во Вашингтон Пост

Подобро од спајалица

Не кукајте на децата, тие ви се единственото покритие

Поинаква кино димензија