Во Серија А сезонава за прв пат играчите добија зимски распуст од нова година па до 20-ти јануари. Марик Хамшик не знаеме каде го поминува, ама очигледно имаат премногу слободно време со другар му, па ги фаќа и с`клет.

Околу 2.000 тифози на римски Лацио се собрале на плоштадот „Либерта“ со цел да ја прослават 119-годишнината од основањето на нивниот миленик, но полицијата морала да реагира поради наводно нарушување на јавниот ред и мир.

Понесен од граѓанскиот гнев, некогашниот боксерски шампион на Франција сам со голи раце излегува пред неколку специјалци во полна опрема и ги поклопува како кегли. Стана херој на „жолтите елеци“ кои собраа многу пари за неговата казна. Полицијата му одговори на Твитер.

Полиција врши претрес на навивач кој наводно крие бакљи. Другиве го прават она кое ние го правевме кога Шаќири се местеше на корна или кога Барди изведува слободен. На крајот победуваат навивачите и им прават шоу на џандарите ин јор фејс.

Приказните на српскиот кошаркар и аргентинскиот и француски фудбалер се многу инспиративни. За разлика од многу други, овие тројца никогаш не правеле трагедија од тоа што ги снашло во животот и ги оштетило за век векови. Напротив.

Нема крај на анегдоти од кујната на Милан, ама од оној носталгичниот со легендите предводени од Анчелоти. Токму Карло има една за раскажување за роденденот на Рино кој денеска полни 41 година.

Каква е оваа навивачка страст, култура, љубов кон клубот или како другачије да ја неречеме? Англичаните одат секое коло на гостување и тука нема ништо неочекувано, ама да бодриш деца на натпреварување, трето по ранг на островот, треба стварно да си тежок фанатик за фудбал.

Со легендарниот Драгослав Шекуларац на посебен и уникатен начин се опрости неговиот градски ривал од Партизан и голем пријател, со зборови кои само му даваат тежина на името на вечниот фудбалски ас.

Голман е во австралискиот прволигаш Велингтон Феникс, по националност е Пољак, името му е Филип, а презимето Курто. Толку од нас, остатокот вие ќе треба да ни го објасните.

Џердан Шаќири или што би рекле коментаториве од Спортклуб, Џердан Шачири, последен пат е виден во прегратките на Јирген Клоп. Да не го видел некој после тоа?

Скоро да нема редовен обложувач кој не слушнал за маалскиот муабет: „Утнал пенал во 90-та? Прати му го ливчето да ти ги исплати парите сега“. Овој муабет се случил и во реалноста и тоа после натпревар од англискиот ФА Куп.

Пред точно 25 години, Барселона му го нанесе еден од најтешките порази на ривалот Реал Мадрид, кој го здроби со 5:0. Хет-трик на тој дуел постигна Ромарио легендата. Погледнете ја оваа игра еден на еден по асистенцијата на Гвардиола. Просто и едноставно, со еден потег го исфрли од игра кутриот чувар.

За југословенската фудбалска икона родена во Штип, има многу што да се раскажува. Мајсторот со топка го достигнал врвот ама и дното во кариерата за која е снимен филм, а правел и многу срчки и на терен и во кафана. Уругвајците го носеле како херој на рамења, а Белграѓани знаеле и да го свират. Разочарувањата во животот му влијаеле до помисла за самоубиство.

Во овој период од годината прволигашите играат во раната фаза од Куп натпреварите, па често се случува гигантите да се сретнат против мали, анонимни клубови.

Во рамките на младинскиот Куп на Сао Пауло, на мечот меѓу младинците на Триндад и Фламенго, фудбалерот на домаќините лежел на терен повреден и чекал со соодветната кола да го изнесат надвор.

Апсолутно неверојатна приказна стигнува од Рио де Жанеиро каде една од најголемите борци во жестокиот шампионат УФЦ претепала крадец.

Еден од најголемите виртуози со топката во последните неколку децении неочекувано западнал во скандал: Иниеста го обвинуваат за расизам на фотографија која што ја објавил на Инстаграм и Твитер.

За време на овие мачни новогодишни, бадникови и божиќни софри, македонските футсал репрезентативци мрсното го трошеа на турнир од кој ќе издвоиме еден страшен волеј проследен со извонредна акција во три потези.

Стадиончето на нисколигашот Вокинг, „Кинфилд“ беше исполнето до последно место (капацитет 6.000) за мечот од ФА Купот против премиерлигашот Вотфорд. Гостите славеа 0-2 и го избегнаа срамот на Лестер кој испадна од четвртолигашот Њупорт. Во второто полувреме од мечот Исак Саксес го фрли помошникот судија преку ограда и не се сврти ни да му се извини.

Португалецот Рикардињо важи за најдобриот футсал играч во историјата. Дечкото што прави со топката е неверојатно. Играше футсал во Мирамар, па во Бенфика, па во јапонска Нагоја Оушнс, руска ЦСКА Москва и од 2013 е член на шампионот на Шпанија Интер Мовистар. Синоќа против Леванте во шпанското футсал првенство направи нова мајсторија.

Тотенхем очекувано мина како на тренинг во 1/32 финалето од ФА Купот и тоа со втор состав, а аргентинскиот стратег одржа лекција по респект и кон противникот и кон навивачите. Стварно џентлменски потег.

Ако навивачите на Ливерпул сонуваа за некаква тројна круна сезонава, синоќа Вулверхмптон ги разбуди од сонот и со 2-1 ги елиминираше од реномираниот ФА Куп. Раул Хименез ги донесе „волците“ во водство, Дивок Ориги израмни, а во 55’ Рубен Невеш распали во негов стил од далечина.

Одличен пас, уште подобра игра еден на еден со голман. За другово како да ви кажеме?

Топката лета во вис, мислиш кај некој гледач во раце ќе заврши и наеднаш паѓа мирно и сталожено благодарение на левицата на Хуан Мата. Публиката во транс. Па во бара да паднеше немаше да се залепи вака.