Секоја година во НБА се одржува драфт, настан кои многумина ги интересира повеќе дури и од финалната серија, особено навивачите на франшизите кои не влегле во плејофот или испаднале во рана фаза.

Фотографијата е направена во 1987-ма после гостување со Динамо од Киев, кој инаку се наоѓа на 140 км од Чернобил. 

Иако темава се вергла со години, а бројката на жртви расте, сепак никој не му застана на патот на моќниот Катар да ги изгради тие проклети 12 стадиони за Светското кое се изгласа насилно со еден купени гласови.

Што сè човек нема да види на плажа во летниот период од годината. Бабава жонглира подобро од многу врвни фудбалски мајстори.

Кошаркарскиот натпревар на денот ни доаѓа од Чиле, каде едни душички од Ел Салвадор имаа нерамноправна (според сликата) кошаркарска пресметка со врснички од Америка. Некој мами тука со годините, како е можно до волку да се разлика?

Младинското Европско првенство кое се игра во Италија и Сан Марино донесе неколку интересни средби. Дербито Англија У21 - Франција У21 помина вака: Во 25’ минута Муса Дембеле од Лион промаши пенал. Во 54’ минута Фил Фоден од Манчестер Сити тргна во соло продор и даде прекрасен гол за 1:0. Во 63’ минута Уем Ауар од Лион промаши втор пенал за Французите. А чудото се случи во судиско продолжение.

Во најтешка можна ситуација кога животот го ставаат на ризик, со цел да спасат што може да се спаси, херојските „чистачи“ на последиците од Чернобилската катастрофа, во паузата меѓу напорната работа наоѓале време да поиграат партија фудбал.

За 38 дена, Горан Пандев ќе наполни 36 години кои не ги ферма два посто. И така треба со оглед на тоа каков импакт има неговата игра и на клупски и на репрезентативен план. Доби заслужен нов договор од Џенова каде најверојатно ќе ја заврши кариерата следната година.

Во познатиот комплекс Форо Италико во Рим, со цел собирање средства за педиатриската болница „Децата на Исус“, се одигра хуманитарниот меч „Ноќта на кралот“. Два тима, еден на Тоти и еден на Фиго.

Еден од најдобрите италијански фудбалери на овој век, кој пред неколку години ја заврши кариерата, го дал на суд Алесандро Палацоло, 48-годишен златар од Валенца кој присвојувал добра во негово име.

Според возраста на овој што се упрпа дека ќе добие картон, ова е некој ревијален натпревар во кој судијата излезе тешка мангупарија. 

При резултат 1-1 во вториот сет, Французите Беноа Пер и Жо-Вилфред Цонга решија да поиграат малку серва на мрежа.

Има дојдено неколку пати, а повод за ова доаѓање од кое најдовме тв прилог беше 100 години фудбал во Македонија во времето кога Харалампие Хаџиристески ја водеше ФФМ. Поранешниот министер за одбрана Зоран Коњановски се местеше за фотка за него, а овој го реметеше дека требал да плати за тоа. 

Серијата „Чернобил“ на HBO е лидер на листата серии со најдобар рејтинг во историјата според IMDb. Светската јавност и натаму трага по причините и последиците на хаваријата во Чернобилската Атомска централа во 1986 година.

Не му е првпат да си пушта музика од овие простори. Тоа го правеше и како играч на Барселона, и во Интер и во Милан, а и сега во Лос Анџелес Галакси. Си тера ќејф, кој смее да му каже смени.

Африканците се толку живописни, духовити и весели што целиот мајтап го префрлаат и на фудбалски терен. Дечково е од Кенија, се вика Јидах Свен Јидах и игра за Кариобанги Шаркс. На FIFA 2020 треба да ја стават прославава под обавезно.

Сè е тоа фино да играш во најсилната кошаркарска лига во светот, да лапаш 7 милиони долари годишно и да живееш ко краљ, ама лето не е лето ако не одиш да се одмориш како човек кај баба ти во село.

Играчи доаѓаат и си одат, претседатели и тренери доаѓаат и си одат. На Сан Паоло покрај навивачите секогаш ќе биде симболот на соблекувалната на Наполи, Томазо Томи Стараче кој го правел најубавото кафе.

Стартот на Купот на Јужна Америка, најстариот турнир за репрезентации на светот, понуди добар фудбал но и жална, мизерна атмосфера на трибините во Бразил каде фудбалот се слави како карневал. Зошто слабо народ на стадионите?

Од 24 членови на извршниот одбор на ФИФА кои ја донесоа одлуката СП 2022 да се игра во Катар, 16 добија метла. Чисто како факт кој треба да се надоврзе на денешната вест за француската фудбалска легенда.

Не помина една година откако го пречекавме австрискиот канцелар со знамето на Латвија и ете ти пак утка и тоа идентична. Овој пат на ракометниот натпревар Македонија - Грција каде правдата ја делеа судии знаете од каде? Австрија :). 

Синоќа во Торонто се одржа првата шампионска парада во историјата на овој град. На улиците излегле повеќе од 1,5 милиони жители. Првите почнале да се собираат уште во 5 сабајле. Имало пукотници, огномети, истрели, нереди и многу испиен алкохол.

На Мундијалот во Бразил, легендарниот австралиски шпиц кој се прослави во Евертон, Тим Кејхил на мечот против Холандија така начека еден волеј, што изгледаше дека двајца голмани немаше да ја одбранат.

Чиле ја декласираше Јапонија со 4:0 во Копа Америка. Дел од аплаузите сепак одат и кај поразените или поточно кај 18 годишниот Такефуса Кубо кој Реал го купи за 2 милиони евра. Со еден потег го исфрли противникот од игра.