Само Златан може да каже вакво нешто за себе

Кога на крај на година ќе треба да сумираме спортски догодовштини, изгледа ќе мора да има еден посебен дел само со изјавите на Ибрахимовиќ. Од март 2018-та кога потпиша за Галакси до сега, не се памети веќе што сè кажал.

“Златан изјавите“ кои бодат очи пред камера ги има речиси по секој меч. Ама па и игра магарето, а еве го на 3 октомври ќе наполи 38 години.

Нека кренат два прста оние напаѓачи и негови врсници што играат фудбал на тоа ниво. Едноставно спремен е на секој меч и психички и физички.

Отворено, дрско и “скромно“, мртов ладен на 1:50 дагаууууу:

„Мислам дека сум најдобар играч во историјата на МЛС, ама без заебанции“.

Следуваше кусо новинарско прашање: Зошто?

На кое Ибра му реплицираше со следново прашање:

„Гледаше изминативе две години како играм? Или во Шведска не вршат преноси?“

Меѓудругото кажа и:

„Реков уште првиот ден кога дојдов, не сум тука на одмор“

„Можам да играм вака каде и да одам“

Покрај шведскиот новинар, при крај на видеото му се “сипа“ и на еден Мексиканец.

Не сметаш дека прво треба да освоиш првенство, за да кажеш дека си најдобар?

„Не, не. Треба да го освојам бидејќи играм за тоа, а не за да покажам кој сум. Од кај си? Мексико. Не е ни чудо што го праша тоа“

Почнете го видеото од 1:50, па после сè друго.

Абре Босанчерос, кој ќе не забавља кога ќе се пензионираш.

Последниот хет-трик

17 септември 2019 - 11:50