Епската трка на малолетниот Давид Поповичи кој урна светски рекорд

Младиот 17-годишен пливач Давид Поповичи од Романија постави нов светски рекорд на 100 метри слободно. Во големото финале на Европско првенство во Рим сруши 13 години стар рекорд кој го држеше Бразилецот Сезар Сиело Фиљо поставен во истиот култен базен во Форо Италико во Рим.

Фантастичниот Давид Поповичи од Романија оствари резултат 46.86 секунди и за пет стотинки го урна досегашниот светски рекорд кој Бразилецот Сиело го поставил во пливачки костим кој подоцна е забранет.

Среброто во оваа дисциплина на 100 метри слободно го освои Унгарецот Криштоф Милак со 47.47 а бронзата му припадна на Италијанецот Алесандро Миреси кој исплива 100 метри слободно за 47.63.